اين ما تذهب تجد انسان رائع من بلدنا

نعم يابدر نحن السودانيين لنا طعم خاص في علافاتنا الاجتماعية ....
الأن في لندن في رحلة عمل والله عمر سيد فضل الله بكري حاج أحمد لم يكفوا عن الأتصال بي وزارني اليوم عمر سيد فضل الله وبكري مُصر أجي ابيت معاه نسال الله أن يديم علينا نعمة التراحم والتوادد هذه .

[b]الاستاذ بدر استمتعنا سردا ومداخلات رفيعة

نتمنى ان يتداخل فى هذا السفر جميع الكوامر وعن اسبانيا اسيرة ابن زياد اروى لنا عن مجد العرب هناك وجمال الطبيعة والانسان ممكن

راشد محمد الجاك كتب:

عمورى النمورى سلامات ياابن بطوطة ....
تحياتى عبرك للاخوان كديس ( عمر سيد ) وبكرى .....
بالله فى زول سودانى بحب بلدوا بشجع اللعبة الخشنة ( الانقاذ ) ؟؟؟؟؟؟

التحية لك ياراشد ....

نحن نشجع الوطن فقط يا راشد عاوزين بلدنا دي تبقي زي بلاد الناس وصدقني ناس الانقاذ ديل لو مشو كدا ولاكدا فقط الحاضر .... نكون صوملنا بلدنا الرئيس قال ما حيترشح لفترة تانية خلينا نشوف بعده الحا يجي منو
أنا خائف الناس تنتخب عمر البشير

طارق عبدالرحمن السيمت كتب:

[b]الاستاذ بدر استمتعنا سردا ومداخلات رفيعة

نتمنى ان يتداخل فى هذا السفر جميع الكوامر وعن اسبانيا اسيرة ابن زياد اروى لنا عن مجد العرب هناك وجمال الطبيعة والانسان ممكن

العزيز طارق ....

صورتي الفي المنتأدي دي في مدينة أسمها طليطلة في أسبانيا كنت فيها في عام بداية عام 2010 بلد خطيرة وزاخرة بالمعامر الأسلامي .
والي الأن الأسبان بيبكوا على العهد الإسلامي قالوا زمن المسلمين ما كان في حاجة اسمها حي اليهود ولا حي المسيحيين ولا حي المسلمين كان في وحدة عجيبة جدا... عندما زهبت الي هناك كانت بدعوة من وزارة السياحة الأسبانية لتنشيط السياحة بين دول الخليج وأسبانبة .

عندي كمية من الصور لكل المدن مدريد ، برشلونة ، غرناطة وكل المساجد وكل القصور في العهد الاسلام كان الله اداني وقت ح أنشر ليك كل الحاجات دي .

صداح فاروق وراق كتب:

يا بدريتو سلامات ورحلة مُشمِعة ( من شموعك الأربعة ):

يا أخوى إنتا فى أسمرة والكاشف صاحبك (الربو ) فى أديس ، مصادفة أم (حُسن جوار ) ؟

ايها الصداح كم توحشنى
الربو ليس من أهل الشموع انه عاشق للظلام تجده دائما فى الازقة المظلمة والطرق الغربية خلف الكنار انسيت انه الباشكوتا .
فهنئا له لحن هايمونيت المسائى وايقاعات طبول تيدى افرو .

حسن وراق حسن كتب:

يا بدريتو يا رائع
هذا ما يقال عن تلك البلاد
اما ما يحكي فلي جلسة معاك
كي اعرف لمن كنت تحمل تلك (الشموع )
ودي بالذات أسأل منها الوجيه الباشمهندز...
صديقنا الاستاذ (حقوص) هو الذي يقود مسيرة التعليم في ارتريا وليس برهاني الذي يقود سيارة الاجرة بالمدينة أظنها الشمعة حرقت اصابع الذاكرة.. شكرا لهذا العمر الذي جعلك تتفرغ فقط بالاستمتاع بالمشاهدة وامتاعنا بالحكي الجميل ... شكرا لخريف العمر وانت علي كرسي القماش و ( الجوظ) يعربد في أخيلة التصقت بالذاكرة الجميلة ولك شمعة في أخر النفق
لك الشكر وكل الفرح اميقو بدرا

يا ورقة كم انت دقيق دعنا نصفق سويا للاستاذ حقوص برهامى فهو يقود مسيرة تعلمية مدروسة بدأت تاتى اؤكلها فى جيل مابعد التحرير .
لم ياتى خريفى بعد فأنا ما زلت فى ربيع العمر لا ن الزهور لا زالت حولى خاصة البنفسجية واسأل الجعفرون عن زهر البنفسج وتسلم يا صديق على المرور

راشد محمد الجاك كتب:

عمورى النمورى سلامات ياابن بطوطة ....
تحياتى عبرك للاخوان كديس ( عمر سيد ) وبكرى .....
بالله فى زول سودانى بحب بلدوا بشجع اللعبة الخشنة ( الانقاذ ) ؟؟؟؟؟؟

هههههه والله حلوة وملعوبة يا ود الجاك اللعبة الخشنة دى تزكرنى دخلت سيف مساوى على سكواها فى الماتش الاخير .
اخونا عمورى يحتاج ان يغطس فى المالح بعدد سنين الانقاذ حتى ينصلح الحال

طارق السمت اسعدنى مرورك الفنان مهدى بكش لا زال الفن متأصل فيك مرورك افرحنى .
السمت أسبانيا غير تحتاج لمجلدات كان فيها اجمل سنين العمر

يا بدر يا رائع ... كل مرة اقول اوفر مداخلتى حتى تنيخ خيول ابداعك .. لكن يظهر خيول ابداعك ليس هنالك ما يلجمها .. متابعييييين يا زول يا حكاى ... بس كلامك ده محرض .. وناس وراق كان مشو حتات ذى دى ما بجو راجعين الا فى صندوق!!!!!!!!

بكرى عثمان حمد كتب:

يا بدر يا رائع ... كل مرة اقول اوفر مداخلتى حتى تنيخ خيول ابداعك .. لكن يظهر خيول ابداعك ليس هنالك ما يلجمها .. متابعييييين يا زول يا حكاى ... بس كلامك ده محرض .. وناس وراق كان مشو حتات ذى دى ما بجو راجعين الا فى صندوق!!!!!!!!

الريس كم توحشنا أنت والاسرة الرائعة وحالكم والصقيع هناك هل لا زلت تتحايل عليه بشرب الاورنج الممزوج بقطرات من الليمون ام ان السنين فعلت فى بيت الداء الافاعيل .
صديقنا وراق لن ناتى به من هنالك فى صندوق سوف نجعل قبرة مزارة جوار لقبر الفنان سرور حتى نضمن زيارة مريديه من المشلخين والسادة لزيارته .
تحياتى مرة اخرى وابقى اظهر

يا بدر انت لسة بي هناك ولا كيف في فكرة جية على أسمرا ... حدد موقعك
وعلى فكرة جاي بي كمرتي عشان نشو ف موضوع الشموع دي

قبل ان يودعنى الكاتب ابو بكر صائغ اهدانى قصاصة بها موضوع سوف يقوم بنشره فى صحيفة اريتريا الحديثة وهى جريدة يومية سياسية تصدر باللغة العربية وله عمود دائم بأسم نقوش.
اولا تجددونى اسف لكم لعدم تمكنى من مواصلة السرد وتوقفى لأيام ويرجع ذلك لفقدى لانسان رائع من بلدنا فى الاسبوع الماضى فى ليلة مولد السيد المسيح عليه السلام .
هو الخال والاب والصديق بابكر حسن عبد اللطيف والذى بفقده ووفاته فقدت مدينتنا رجل رائع وانسان عظيم رحل عنها الى دنيا الخلود نسأل الله ان يتغمده برحمته الواسعة وان يسكنه فسيح جنانه الوارفة وان يبدله أهل خير من اهله وان يزيد فى حسناته ويبارك فيها فنحن نشهد له بحسن الخلق والاخلاق وبانه من المحسنين ومن الزاكرين الا رحم الله هذا الرجل والهمنا واهله وابنائه واصدقائه وكل من عرفه الصبر والسلوان وان يتغمده الرحيم الرحمان ذو الجلال والاكرام بكريم نزله وعظيم جنانه مع الصدقين والشهداء قادر يا كريم ... ولا يفوتنى ان اشكر كل من اتصل بى وواسأنى وكل من ترحم عليه فى بوست اخر وكل من سعى الينا بنفسه مشاطرا مواسيا لنا نسأل الله ان ان يجعلها فى ميزان حسناتهم وان لا يرئهم مكروها فى عزيزا لهم .

ودعت محدثى الاستاذ ابوبكر صائع على امل ان نلتقى مرة اخرى فحديثه ذو شجون لا يمل تطلعت حولى علنى املأ عينى بالوجوه الجميلة التى تنتشر فى المكان قبل ان ارتشف فنجان القهوة الاخير فى الاناء الفخارى الجميل ...
فردت قصاصة الورقة التى تركها لى محدثى ووجدتها مقال بعنوان حتى يمتلئ الكوب
تطرق فيه الكاتب الى انه تعرض لتوقيف لاكثر من ساعة فى كبرى البطانة (الحصاحيصا) وعن تعرضه لبعض غليظ القول وسؤ التعامل ولم يتطرق لتفاصيلها وناشد مسئولى البلدين بالاهتمام ومعالجة هذه الظاهرة لراحة الشعبين وسهولة تنقلهم بين البلدين .
كما انه اشاد فى مقاله بالسفارة السودانية باسمرا لاطلاعها على مقال سابق له فى هذا المضمون فى 13-3 2011 كان قد طلب فيه ان تتلافى الجهات المعنية السودانية الاجراءات الغير ضرورية التى تحد من حركة المواطن الاريترى الذى يزور السودان عبر البوابة البرية لا سيما بعد افتتاح الطريق القارى بين البلدين والغاء اريتريا للتاشيرة بالنسبة للسودانيون تطرق الكاتب ابوبكر عن معاناة المواطن الاريترى من السلطات السودانية من حيث تصاريح المرور للدخول ثم الى جوازات اللفة للحصول على تاشيرة ثم بعد ذلك الى مكاتب الامن التى تبعد حوالى كيلو من جوازات اللفة وذلك لتسجيل نفسه عند الامن ثم بعد ذلك الى كسلا حيث ينتهى مفعول التاشيرة بها وان اراد المرور الى منطقة اخرى القضلرف بورتسودان او الخرطوم عليه ان يراجع جوازات ولاية كسلا للحصول على موافقة اخرى وبالمقابل ان الاجراءات من السلطات الاريترية فيها كل التيسير للمواطن السودانى من استقبال للسودانى من قبل الموظفين الاريترين وانهاء اجراءات دخولهم بعد دفع الرسوم فى دقائق وبعده يدلوهم الى حافلات تسنى ومنها ينطلقون الى اسمرا.
تطرق الكاتب الى ان ابراز التصاريح فى نقطة التفتيش الحدودية شئ طبيعى واجراء متبع للتأكد من هوية العابرين الا ان المطالبة بتصاريح جديدة وموافقة جديدةاخرى من كسلا فهو امر غير عادى لان حصول اى زائر لتاشيرة بلد من بوابة الدخول تكفل له حرية التنقل فى المدن التى يحب زيارتها .
خلاصة مقاله انه يطلب من الجهات السودانية ان تتعامل مع المواطن الاريترى كما يتعامل المسؤلين فى اريتريا مع الاخوة السودانيون وحتى لا يطالب المسؤولون فى بلده بالمعاملة بالمثل وان يتساوى الجميع فى المعاملة والامتيازات .تعليقى :-
متى يترفع المسؤولون فى بلادى لمستوى مشرف ويفهمون ومتى تفهم وزارة الداخلية والخارجية وتوعى مرؤسيها وتعليمهم وتدريبهم بان فن الابتسام وحسن الترحاب وسهولة الاجراء فيه عنوان للتحضر ومنفعة للبلاد والعباد وانه سلوك حضارى يعكس رقى الشعوب .
شكرا الاستاذ ابوبكر صائغ وانا من من زاروا بلادك اخيرا واشهد بانكم شعب متحضر راقى ولم اجد منكم غير الاحترام والمعاملة الحسنة وفق الله بلادكم وزاد ازدهارها .

وينك ياابو بنفسج انت .... والله لقيتك خطير يابدريتو ...

ابداع عديل كدا والله من سردك ممكن الواحد يطلع هسه يمشي راسو عديل

النزل والقهوه ... بس بيني وبينك موضوع الشموع و4 علب والعشاء حاول

استرسل فيه شويتين ؟ ؟ ؟

حكايه الصور دي خليها علينا يعني من هسه الواحد يجهز الكاميرا وبالله باابو رائد

ما تعمل لينا زحمه وتضيعنا من السفرية ..

بدريتو طبعا بقترح عليك المره الجايه تكون الاجازة اطول شويه عشان نستمتع

بالرواية وطريقة سردك للاجداث رغم انك اختصرتنا في حتات كتيره ...

اكيد لي عوده ثانيه للموضوع

دمت ياجميل يابنفسج ..

يا ابو التر!!
بدريتو دا صاحبي ودافننو سوا.. بحب الصلصة عشان كدا جابها 4 علب

جعفر قوليب كتب:

وينك ياابو بنفسج انت .... والله لقيتك خطير يابدريتو ...

ابداع عديل كدا والله من سردك ممكن الواحد يطلع هسه يمشي راسو عديل

النزل والقهوه ... بس بيني وبينك موضوع الشموع و4 علب والعشاء حاول

استرسل فيه شويتين ؟ ؟ ؟

حكايه الصور دي خليها علينا يعني من هسه الواحد يجهز الكاميرا وبالله باابو رائد

ما تعمل لينا زحمه وتضيعنا من السفرية ..

بدريتو طبعا بقترح عليك المره الجايه تكون الاجازة اطول شويه عشان نستمتع

بالرواية وطريقة سردك للاجداث رغم انك اختصرتنا في حتات كتيره ...

اكيد لي عوده ثانيه للموضوع

دمت ياجميل يابنفسج ..

الجعفروون اسعدنى مرورك والله وعقبال البنفسج فهو رائع كان مره ولا ما مرة ودى على وزن اغنية تردى ولا ما تردى بكتب ليك يوماتى .
تعجبنى الحبيبات وذلك يعنى ان فى البشرة حيوية ونشاط وشباب .
ل الفل مون القادم بأسمرا كتر من العلب والشموع وما تنسى حلويات مارينا وفيشار اركويت وكاميرا البابا وانفاس البنفسج لفض الاشتباك .
تسلم يا رائع مرة اخرى

عبدالمنعم ترتورة كتب:

الأخ / بدر لك التحية
كلام ممتع وإنتقال من موضوع إلى الآخر بكل سلاسة وسهولة، بس عندي ملاحظة واحدة هي أن معظم المعلقين على هذه الرحلة ماعجبتم غير فقرة الأربع علب والشمعة " العالم عطشان للدرجة دي " وأوعا إنت تكون اكتفيت بالأربع علب البايتة للصباح " ياراجل أربع علب غلبنك والله شنو "

ترتورة كل سنة وأنت بخير واحشنا بجد( 1982-- 2012 ) عمر امرأة ناضجة دافئة وغامضة ك قارة اسيا .
بخصوص 4WD اصبحنا كأبل الرحيل شايلة السقا وعطشانا وافتقدنا حلل وراق الطاعمة فى الزمن الجميل .
تسلم على المرور

ايقظت فينا زكريات جميلة فى تلك المدينة الرائعة ذات الصقيع الدافئ والمناظر الخلابة....
مدينة تدهشك بنظامها وهدؤ سكانها ....ونظافة وتخطيط شوارعها
مدينة لازالت فى خاطرى وستظل كذلك ....
كل شبر وكل شارع وكل حارة لى فيها زكريات ....واجمل من ذلك انسانها وروعة تعاملة ورقى سلوكه....تمنيت ان اجد هذا فى بلادى ....
حالما تسكت الامطار تجد متعتك للخروج والتنزه والاستمتاع بالاجواء اللطيفة الرومانسية ...
فالتسعد بايامك واجازتك وتمتع بها فكل شئ هناك جميل

الحصاحيصا وبس

ام راما كتب:

ايقظت فينا زكريات جميلة فى تلك المدينة الرائعة ذات الصقيع الدافئ والمناظر الخلابة....
مدينة تدهشك بنظامها وهدؤ سكانها ....ونظافة وتخطيط شوارعها
مدينة لازالت فى خاطرى وستظل كذلك ....
كل شبر وكل شارع وكل حارة لى فيها زكريات ....واجمل من ذلك انسانها وروعة تعاملة ورقى سلوكه....تمنيت ان اجد هذا فى بلادى ....
حالما تسكت الامطار تجد متعتك للخروج والتنزه والاستمتاع بالاجواء اللطيفة الرومانسية ...
فالتسعد بايامك واجازتك وتمتع بها فكل شئ هناك جميل

[color=blue]ام راما[/color
اسعدنى مرورك وكلماتك الجميلة فى حق هذه البقعة من العالم وتشكراتى مرة اخرى