الحالة واقفة "منقول" هنا ولا شنو ؟؟ وأقسم بأنـها "شديدة" شنو دي ؟؟ الوقفة

الحالة واقفة

· الركود الاقتصادي أثر في حياة المواطنين بعدم قدرتهم على توفير أبسط احتياجاتهم الضرورية وارتفاع الأسعار والغلاء امتص موارد محدودي الدخل. في السابق كان فردا واحدا يرعى كل أفراد الأسرة لينقلب الحال في عهد الانقاذ ، الأسرة كلها تعجز في رعاية فرداً واحداً منها. حركة تتداول (النقد) تنحصر بين الصيدليات ،الركشات ، صاج الطعمية وستات الشاي و كل ذلك يجري لمستقر له في جبايات المحليات.

حكومة الفنادق!!

· اختفى من المشهد السياسي السوداني مصطلح معارضة الفنادق والسفارات بعد أن أصبحت المعارضة كلها في الداخل وبردتْ ( اضانا) من وصف المعارضة بالعمالة الخارجية بعد أن إلتحق الاتحاد السوفيتي بـ(الرفيق الأعلى ) هذا الوضع لم يعجب الحكومة التي (هجت) وأصبحت حكومة فنادق وسفارات بتواجدها الدائم في الخارج أكثر من الداخل، وتتوسل وتتسلفق وتصعر خدها وما تجيب (مريسة ) تام زينو.

كرتي غائب في حلايب

· الحكومة ما صدقت رحيل حسني مبارك ولذا فكرت في ( كسر عين) أولاد بمبا بخمسة ألف (تور) وعشرين ألف رأس من الضأن لزوم تقديم (السبت) الذي لم يدم طويلا حتى تقدمت حكومتنا
بـ( الأحد) مطالبة بحلايب ومصر مشغولة بالانتخابات ظننا إن أولاد بمبا بعد أن لهطوا التيران ومزوا بالخرفان سيوافقون علي التخلي عن حلايب ، كان ردهميا كرتي، حلايب أهي موجودة حصل ابيي ما تروحش منكو)!!

يحيا العدل!!

· أخيرا العدالة انتصرت لملاك أراضي مشروع الجزيرة والذين ( لٌهفت) أراضيهم بثمن بخس لم يتجاوز( 1185 )جنيها للفدان( اقل من 300$) وذلك بعد خصم 400 جنيها من كل فدان لصالح إدارة المشروع . المحكمة العليا الإدارية ألغت قرار إدارة المشروع بالتصرف في أراضي الملاك والتي (سمسر) فيها البنك الزراعي و العمولة تفوق 800 جنيها/ الفدان ، وبنك المال المتحد اشترى الترماج و دفع 97 مليار شمار في مرقة.

قطار الهم!!

· في قطار كريمة ( رد الله غربته ) صعدت واحدة شايقية وأخرى رباطابية في عربة مزدحمة ، وجدت الشايقية مساحة في الأرضية فرشت عليها بطانيتها ورقدت نائمة وبعدما انتصف الليل قامت الرباطابية تبحث عن بعض أغراضها مما جعلها (تعفص) الشايقية التي قامت مذعورة تهرج ” نسوان شنو الحايمات بالليل ديل؟” ردت عليها الرباطابية.. ” عاجباني إنتي يا النايمة عند أهلك “. الراكوبة / البانوراما / حسن وراق

أها شديدة ولا ما شديدة ؟؟
طيب بتغالطو مالكم ؟؟

شديدة خالص ...

لكن يا حاج سودانا فوق ... كان ناس حكومتنا مشو جاي ولا جاي .. ما عادي من اخوات وعيلة واحدة مع بعضينا ( باللغة المصرية ) مع كسر الضاض .

ما هي امريكا لم تنزنق بتجي الخليج ولما اوريا تنزنق بتجي الخليج ..

وهناك فرق يا مان ...

ناس لما بيمشوا عشا يبنوا السودان .. لكن ناس المعارضة لما يشموا عشان يهدموا السودان ... ودليل ألولو...

» "سناء" تقضي على آمال "مسار" ما "مققت ليهو" فِرِد "طقة" جابتوا "واطة" بالحتة الفيها الحديدة" شديدة ولا ما شديدة ؟؟
» الاشجار تموت واقفة
» الحالة السودانية الراهنة
» "كتابة" أعتقِد بأنـها "سامة" ليه كدا بس ؟؟ رفقاً بـ"الألباب" يا أصحاب
» صور يوم الوقفة في الحصاحيصا