13 مليار دولار مجموع الإستثمارات المتوضئة في ماليزيا
المبلغ دا دحين ما كتير على بلد زي بلدنا دا ؟؟
بلدنا اليتظاهر فيه مرضى الفشل الكلوي في الشوارع معقول دا ؟؟
بعدين لي شنو 13 مليار دولار دا لو في أمريكا كان جاب لينا "مانهاتن"
وكمان يزيدونا عليها "الوول ستريت" مش كان أحسن نيويورك ؟؟
نحن ما بهمنا غير العائدات من تلك الاستثمارات ممكن تساعدنا شوية ولا كيف ؟؟
ولو الماليزيين "الملقلقين" قلو أدبهم نطردن من كوالالمبور يشوفوا ليهم بلد فيها قمبور
بس ما نخلي إلا الماليزيين الشفافين
والله ولا حاريين ولا داريين أهي جاتنا في صمة خشمنا ودولاراتنا بي هناك قالبة قلب
بعدين أنا أشهد بأن الماليزيين ديل أمينين خلاص وكمان شفافين نشروا الخبر في جرائدهم
وطبعاً مخافة الله عندهم ما فيها أي كلام والحق حق والفضل فضل
اللهم أحفظ الحكومة التي قطعت من لحم جلدا ودخلتنا في الاستثمارات المليارية الماليزية
وكان ما الحكومة دي والله "ختة" ما ندخلا خلي نستثمر لينا 13 مليار دولار
ياعين ياعنية ياكافرة يانصرانية
اللهم نعوذ بك من حسد الدول الفقرانة والشعوب الجعانة
اللهم نعوذ بك من الحكام البياكلوا قروش الشعوب وما بستثمروها ليهم
موضوع: بمناسبة تسريبات الصحف الماليزية عن 13 مليار دولار تمثل إستثمارات "المتوضئين" في "ماليزيا" !! يكونوا إشتروا كوالالمبور ياربي ؟؟ 
الخميس 23 فبراير 2012 - 13:12
