أربعة مليار دولار لصالح الأرباب صلاح إدريس

يعني يا جاهوري السنة دي إحتمال الأرباب بالمليارات الراجعة دي يشتري للهلال محترف نرويجي ، وبعد ما يزعل من مجلس الأدارة يقدم بلاغ لأسترجاع فلوسو .

المحامي ده لو لقي ليهو مليار يكون حامد شاكر ، طيب التوماهوك ولا الكروز زاتو سعرو كم ؟

يا جاهوري :
جمال الوالي ما عندو مصنع في ليبيا ؟

صداح فاروق وراق كتب:

المحامي ده لو لقي ليهو مليار يكون حامد شاكر ، طيب التوماهوك ولا الكروز زاتو سعرو كم ؟

ده الاتعاب ولا بلاش ..
الكروز واحد بالشي الفلاني ..
لكن الامريكان طلعوا غلطانين اتحملوا نتيجة غلطهم ..
بعدين الامريكان لو عارفين بقعوا في واحد عكليته زي صلاح ما كان ضربوا من الاساس ..

....... هذا وقد اعلن السيد / زعيط بن معيط امين امانة ---- بالمؤتمر الوطني الحاكم عن تقارب وجهات النظر بين المؤتمر والارباب ، وسيتم اعادة انتخابات الاتحاد العام لكرة القدم وسيقف الوطني ضد اي مرشح غير الارباب .
...... كدي خلونا نشوف ابالسة المال (المؤتمرجية) حا اتصرفوا كيف بعد ان خربوا ذات البين مع الارباب .(راقبوا)

الاربعة مليارات دي لينا كلنا كسودانين ولا لصلاح ادريس بس ؟؟
جاهوري رايك شنو نقدم طلب إستشكال في توزيع "المغنم" بإعتبارنا متضررين من خُلعة الضربة الصاروخية
أيش رايك طال عمرك

جيبوا لينا تلفون راشد الجاك عشان نبقى عمليين
نعمل كشف بأسماء الذين "إنخلعوا" من الضربة
قول واحد
المحبوب أحمد الأمين
إن شاء الله تجيني عشرين ألف دولار أهو برضوا الواحد إتفكفك

أنا ذاتى انخلعت ولغاية هسع مخلوع منذ ذلك اليوم وحتى تاريخه بعد ده شوفوا ليكم محاسب 11 سنة خلعة *365 يوم *1000 $ = كم يا عوض حسابات ؟

اربعة مليارات دي بتساوي ليها في حدود يعني ذي ... طيب اربعة في 9 اصفار معاك التسعة وتطلع بالاربعة وتنزل بالنص وماترجع تاني .
المهم حقنا ياناس الانقاذ (الضريبة) علي المبلغ واجبة السداد وعافينها ليك ياحكومة (هيييى حظي) والتحية موصولة للاخ سواد اقصد سوار والجاتكم في اربابكم سامحتكم .

يا اخوانا الرقم دا فىهو غلط ولا انتو بصحكم ؟؟؟؟؟
بالمليار ودولار كمان؟؟؟؟
قووووووول اتنين ....
راشد الجاك
ان شاء الله 8500 دولار بس ( حقت التاكسى .... رزق جديد وكدا )

يأاخونا شوفو لينا صرفة ، بطلنا اشغالنا وبقينا نحسب فيها ليل نهار ، ولقيناها ما لافقة ، واهم شئ ما سمعنا مباركة اهل العريس (السواراب والنافعاب والبشراب )

يا جاهورى كدى ضرررب لى ال 30 متر مربع بتطلع بى كم ...(طبعا ده نصيبى من أل 300م م مساحة بيتنا ) لانى داير إتفق مع الجماعة الشغالين فى ليبيا رجم ديل بأى ثمن قبل ما يبعدوا.... وبالله شوف لى طيار شاطر لانه المسافة ضيقة وعارف بيوت فريق النوبة راكبة فى بعض وبحاول اتشاور مع الورثة يتضايروا ويخلونى طرف ويبعدوا عن (الجناح بتاعى) والحكاية فزعة والأخوان ماحايقصروا واهو لقينا ليك قضية وعارف حنكك ماكلك....والأتعاب مابيناتنا ...بشرط ما نتشربك مع ناس البنتاجون ديل ونشوف أى طيران غيرهم عشان بكره مايدبروا لينا مصيبة يقلعوا حقهم وحقنا.

جاهوري الدولار في امريكا ما منو فايدة
واحد دولار = واحد دولار
لكن شوف واحد دولار = كم افتفت بتاعتنا دي .
بعدين هو جايبا ليه ما امشي ليها هو الخفيف .

عبد الرازق عبد القادر كتب:

يا جاهورى كدى ضرررب لى ال 30 متر مربع بتطلع بى كم ...(طبعا ده نصيبى من أل 300م م مساحة بيتنا ) لانى داير إتفق مع الجماعة الشغالين فى ليبيا رجم ديل بأى ثمن قبل ما يبعدوا.... وبالله شوف لى طيار شاطر لانه المسافة ضيقة وعارف بيوت فريق النوبة راكبة فى بعض وبحاول اتشاور مع الورثة يتضايروا ويخلونى طرف ويبعدوا عن (الجناح بتاعى) والحكاية فزعة والأخوان ماحايقصروا واهو لقينا ليك قضية وعارف حنكك ماكلك....والأتعاب مابيناتنا ...بشرط ما نتشربك مع ناس البنتاجون ديل ونشوف أى طيران غيرهم عشان بكره مايدبروا لينا مصيبة يقلعوا حقهم وحقنا.

العزيز زروق ... والله افكارك رهيبة وعجيبة وده ما سبقك عليها زول ..
انا زاتي قلت اشوف الفكرة ده لكن اتصلنا بالجماعة واعتذروا قالوا ما بقدروا على فريق النوبة وام جغوغه لانوا الاحداثيات صعبة شوية وكمان ماهولة بالسكان وخايفين القصة تجر ... شوف ليك حاجة تانية ..