اوعك تعرس واحدة فيهن ........

(
الفنانة .......... والحنانة........ والحردانة ,
المدرسة....... والمدبرسة........ والمفلسة ,
النوامة ......... والحوامة ........ واللوامة ,
البوبارة ....... والكوُبارة........ والخبّارة ,
الممحوقة ...... والمطلوقة ........ واللايوقة
)

)
اها...اجي اوريك ليه؟
الفنانة...... حتمرق معاها وتقعد تحوم.....في الحفلات...وتشوف كرسي قدام. وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين
ونواصل البقية لاحقا
واعتزارنا ليهن كلللللهن

لكن يا ســــعدبة دي ما بتجـــيب قروش وكمان قروش كتار

يا احمد مساء الخير
اها دي بتجيب قروش اكتر
مع احترامنا للمهن واكل العيش

الحنانة........طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين....والنهار كلوانت تحاحي في الشفع ما يلمسو الصبغة.

عايني يا اختي مالو كل واحد يكون عندو وظيفة ... واحدة تحنن تجيب القروش

والتانية تهتم بالبيت والراجل كمان ... ولا رأيك شـــنو؟؟ بس الصبغة حتكون مشكلة كبيرة وهاجس ومنها خوفة وجفلة لا غادي
وكل كباية شاي نعاين ليها وفحصها كويس ... ونحاول نجيب لاب صغير في البيت "طبعا بالدس" ... لزوم عدم الانتقام

والله العظيم يا ســـعدية أنا أعـــرف واحدة ســـودانية حنانة عندنا في الرياض تمتلك عمارتين اثنتين في الخرطوم ... وأنا مترجم قدر الضربة يا دوبك عملت لي حتة بيت.

اكلو لحمنا ناس الحلة قالو عطالة
مرات طلب مرات كتار عتالة
بعد مارضينا نبقي عمالة
فتحولنا الحدود للحبشة والبنقالا

اللهم ارحم حميد
وهو يتحدث عنا

يا سعدية الناس كدا يحتسبوا ويرجو الحور العين >>>>>>

يا سغدية الواحد تالت ما يعرس يعنى ولا شنو

ياسعديه الحمدلله نحنا معرسين بس كوكتيلك ده ينفع مع المحكومين أعمال شاقه مؤبده
وهيئة القضاء العالي ماتسمع بيه عشان ماينزل في قانون عذاب العذابه
بس بي صراحه الخمستاشر ديل كتبتيهم بي أي مزاج [b]

يا ربي اللايوقة دي حتكون كيف ؟

كدي يا أخوانا أصبروا خلو الزولة دي تكمل لينا العقـد الفريد ده

وبعدين إنتي نسيتي أصعب واحدة فيهم ... "أم نقــة".

يا سركيس ام نقة دي قالوا بدخل الجنة ...

لان الواحد كل ما يشوفها بيتعوز من الشيطان
قالوا بتخلي الواحد واصل أرحامه هرباً منها
وقالوا الرجل بكون مبدع في عمله لان اول واحد بمشي المكتي واخر واحد بطلع من المكتب ...

بس زي ما قال أخونا عاطف عمر المدرسة دي
انشاءالله اول واحدة يخطبوها . واول واحدة يسدو مالها
تستاهل واكثر وربنا يديهم الصحة والعافية جميعا

والله ياسعدية يا اختي
انا عجبتني الكوبارة ...واللايوقة...
كدي شوفي لي واحدة فيهن..

والله يا سعديه فى الناس ديل كلهم ما شايفاكى جهجهتى زول غير عماد كج والماجدى

شكيت محنك . طيب انا بقترح عليك اكتبى ليهم عكس الحريم الواردات الزكر . بدل الجهجه

دى ودمتى [center]

والله يا كوثر عندي احساس اللايوقة بتكون {ظريفة }
جدا .علي الاقل في المطبخ {تلايق} اي حاجة .....
يا الله منك انت يا اللايوقة... بس ماتوديها السوق

تخيلــــوا واحــــد كــــده من النوع البلقى العضم في الفشفاش

عرس أربعـــة من النوع ده ... أي أربعــــة . ولا واحدة من المجموعة الأولى و واحدة من المجموعة التانيةو واحدة من المجموعة الثالثة والرابعـــة "أم نقـــة" ....

سعدية احمد حاج التوم كتب:

)
اها...اجي اوريك ليه؟
الفنانة...... حتمرق معاها وتقعد تحوم.....في الحفلات...وتشوف كرسي قدام. وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين
ونواصل البقية لاحقا
واعتزارنا ليهن كلللللهن

وبعــد يصـحوا من النوم الشـــكلة تدور في القروش

ابو رائد كيفك
ناس الحور العين معروفيييين ااااخوي
الناس يستشهدو من 89 هسي عاوزين تنافسوهم
ربنا يتقبل جميع الشهداء

عشي يا رايع
سلامات
يا اخوي الواحد يعرس تالت ورابع ويجي موسم فك التسجيلات ويسجل اتنين اتنين
نان البنات القيامة دول يمشن وين ( مدرسة الرحمة براها 1500 طالبة في سن الزواج غير المدارس الخاصة واتحاد المعلمين والمنازل )
قال ما يعني ما نعرس تالت .........!!!!!

ابن عفيف
شكرا للمرور والتعليق
الحمد لله انتو معرسين بس البحر ما بيابي الزيادة
تعرف لو قلنا نسبة الرجال للحريم 1 : 4 دا يعني انكم اقل من 25%
النسبة تشمل الحيين والماتو والما اتولدو
اما العذابة ديل نرجع ل بوست حسن وراق ونسال

وياكج
هاك اللايوقة دي


اللايوقة...........دي حكاية تانية.... تمسك في موضوع يحلك منو الجليل الرحيم......يا...دا ....هوي يا دا..... الليله يا يمة.... طرشت؟...وقدرما تطنش هي
مصرة.....وممكن تجي جنبك وتخجك.....خجة جامدةعشان تنتبه...... للنقة

المهذب عمر
تفتكر المدرسات كان لقن طريقة يقرن صيدلة كان مشن تربية ؟؟؟؟
دايما احترم المعلمات واكن ليهن من التقدير والود ما يشبع
كاد المعلم ان يكون رسولا
اما بخصوص حبوبتك الله يرحما
لو اضفنا ليك كلاما دا ( مــــا ودرتنـــــــا وبــورتنــــا )
الف رحمة ونور