اوعك تعرس واحدة فيهن ........

يا راشد أنشاء الله تكون من مامون حميدة ....
بس المهم دكتورة يا سعدية.... ,ياراشد
امريكيا مافيها دكتورات بايراكس...........

هوي يا سامي الكلام ده لازم يكون بواســـطة الشـــركة ... أو ده حيكون تعدي على حقوق الملكية ... وبعدين يا خي ما تشطح قدر ده

الاستاذة سارة عليش
كيفك
اكيد البوست الجاي اختار واحدة من ديل
ودا طبعا بعد ما ننتهي من المهن الطبية والصحية بعدين نجي للمحامين والذي منو ( ماتقلقو الصف طوييييييل ولو تعبتو ختو ليكم طوبة وامشو بوست العذابة )

ميرغني ابراهيم اسعدتني مداخلتك
وبقول ليك مكتبنا جاهز لتلبية كل الطلبات ( بكرا وثيبا )
ونبدا ليك ذي ما عاوز وهاك الحردانة دي عشان تامنـــــــوا )

الحردانة...... دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب..... تطقطق...في اصابعيك.. ومدنقر في اشللة...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوها عندكم ....عشان توفر المشاوير والجري..

احمد سركيس
يازول انت كدا ما وريت ناس الضرايب من الصباح اتصلو علي عاوزين يعرفو راس المال
( خاصة شركاه دي عملت لينا مشكلة )
كان ممكن تكون .......................( ذي ما قال ادروب )
برسلا ليك في الخاص عشان ما نتفهم غلط

عشي بركة الجيت
ات قاصد صور الحنة وللا الحنانة
عشان كلو عندنا
وبيتمنوووووووووووووووو

سامي وكج وراشد مساءكم خير
ما قلتو اللايوقة ظريفة
من الاول قلنا ملاح الويكاب الا تغسل يديك الاتنين بالتراب
واللايوقة ان بقت من الاحفاد وللا حميدة ما نافعة
ووعدنا ياسامي سارة عليش بان الدفعة الجاية الدكتورات والبياطرة ( سامعة يا استاذة البياااااااااااااااطرة )
وبعدين الله كريم علي المحاميات

سعدية احمد حاج التوم كتب:

ميرغني ابراهيم اسعدتني مداخلتك
وبقول ليك مكتبنا جاهز لتلبية كل الطلبات ( بكرا وثيبا )
ونبدا ليك ذي ما عاوز وهاك الحردانة دي عشان تامنـــــــوا )

الحردانة...... دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب..... تطقطق...في اصابعيك.. ومدنقر في اشللة...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوها عندكم ....عشان توفر المشاوير والجري..

سعدية كيف حالك ؟

الحردانة ما قلنا عندنا ... وموضوعها خلاص إنتهى بتكتيكات إكتسناها بمرور السنين .... على فكرة لم تكن هناك طقطقة اصابع ولا يحزنون ... شوفوا لينا بقية العقد الفريد.

لك الود.

ما تخافي بنسكتم بي .......

عاوز اقول ليك .... في نوع حق شلة الجبنة وقعدتا ... النوع ده تضيفي لياتو مجموعة من مجموعاتك

ودي بوبارة خاصة ليك يا ميرغني

البوبارة.......دي تحملك فوق طاقتك...تشريك الما بينشري....وجيت ناس في البيت...تجري علي علبة الدهب...وتتعنكش علها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب

قلت لي تعمل اعلان للشركة ؟؟؟؟؟؟؟؟

ســـعدية كدي أرمي لي قـــدام ... عشان أظنو المشوار طويل معاك

كلفنا وليــد يقوم بمهمة الدعايــة والترويج وليه نص الســـتة...

ياسركيس
ديل ما بسكتو الا نقفل
ات ماسمعت ب جورج المسيحي لمن ناس الضرايب قالو ليهو ضريبتك 10 مليون
قال ليهم ( لااااااااااا اله الا الله محمد رسول الله )
قالو ليهو اسلمت ؟؟؟؟؟؟؟؟ خلاص نرسل ليك ناس الذكاة
بعدين شلة الجبنة دي الا توديهم الصومال
نحن عاوزين قروووش
خلينا في العمارتين ديل

ههههههههههههههههههها

إنت يا زولة مجنونة الكلام ده بتجيبيوه من وين

ههههههههههههههههههههها

ممكن نعمل فرع في ارتريا والصومال

إنتي أسكتي ســاكت وخليها علي .

ارح علينا جاااااااااااى
توجد صور

ســـعدية وين بقيـــة "العقـــد الفريـــد لكل محب ومريـــد"

هسع عندي كشـف كـــبير قدر البرش بالطلبات ... من جميع الأنواع

ولا خفتي من ناس الضرايب.

مرحب ومليون هلا بالاخ الدكتور ميرغني منور المنتدي والبوست ...

سركيس اطمنك الامور ماشة تمام التمام وعلي مسئوليتي جهز الشقة

الفيز خلاص طلعت .. وحصلنا علي 8 حنانات 3 فنانات 2 كسرة ....

نحاول نزيد الفيز عشان نكمل البرش بتاعك ....

وييييييييييييييين مديرة الاعمال صاحيه الشركة مختفية في ظروف

غامضة .. ياربي تكون سافرت من ورانا ....

هههههههههههها
البرش هين ... كدي فتشــوا على المدير العام المختفية دي ...
يمكن اختطفوها ناس الضرائب

وعماد كج اصـل رسميا وطلب عدد (2) حبــة

معليش شاركت متاحر ما الجامع بين المدرسه والباقيات من علمك يا سعديه صراحة جال فى خاطرى المعلمات عالية سعيد فاطمة الحبوب سعاد الخضر ليلى يوسف السرة عبيد واخريات نسال الله ان يتقبل منهن ويرحم من توفاهن الله عز وجل ام الباقيات نكتيهين من وين

والله يا خضر نحن منتظرين ســـعدية تحكي لينا كل فئة من "العقـــد الفريـــد" عشان ذاتو عاوزين نعرف العلاقة شــــنو ... وكان الواحد الواحد عاوز يعرس تاني يعرف يقبل على وين. ... طبعا أنا بتكلم على كيفي ... عشان أم العيال ما من الحصاحيصا ... وما في واحد فيكم يعمل فيها بوليس سري. ... ويشمي يضرضر الشمار.

سركيس الرايع
وجعفرون
سلامات
ظبطت ليكم الامور مع ناس الضريب ودفعت مقدم ويادوب جيت

لقت خضر احمد نمر بعد ماسلم علي وبرد التحية ياخضر.. وبقول ليك ات كتبت نمازج من خيرة المعلمات المتزوجات المحترمات والبوست بتاعنا بقول ما تتزوج واحدة منهن ( ابقي الاتزوجهن ديل امرهم مقضي )
وكتبت انا ردا علي عمر المهذب

دايما احترم المعلمات واكن ليهن من التقدير والود ما يشبع
كاد المعلم ان يكون رسولا
وكتبت ايضا ( مع احترامنا للمهن واكل العيش )

وما تبقي لي ياخضر ذي دي
الله لا رماك في واحدة زيها

اللوامة.....دا نوع مزعج جدا.....لو جبت سيرة اخوك ساكت....تفتح فيهو... الله بيسألني.......سنتنا ديك وقت انت خليتنا بلا قروش وسافرت.... يدخل ويمرق علينا مدلدل ايدهو...كيس موز ساكت ما بيجي شايلو......
.ولو جبت سيرة امك...... هي والله امك دي اصلها ما بتريدني.....من توشفني تزعل والنيران تنطلق فيها....وتمد قدومها.....ووليداتي ديل السلام ياااااا الله ويا امين تسلم عليهم

وكان الواحد الواحد عاوز يعرس تاني يعرف يقبل على وين.

( ياسركيس كان الواحد عاوز يعرس تاني ماااااااااااا اشتغلت ليك حنااااااااانة وبلا شركة بلا لمة ( وللا شنو يا جعفر )

... طبعا أنا بتكلم على كيفي ... عشان أم عيالك ما من الحصاحيصا ... وما في واحد فيكم يعمل فيها بوليس سري. ... ويمشي يضرضر الشمار.

(خاصة انو الصبغة بتكون راااااااقدي )