دي مقتطفات من القصيدة
"من موقع مركز أخبار السودان اليوم"
كتبتها من الفيديو
وهي حسب سمعي
"وفي إعتقادي"
زيها وزي أي طاقية القدرو كلو يدرع
سبحتو من حبال المشنقة المرفوعا
جلابيتو من كفن الشهيد مقطوعا
صحة عضلو من مرض الأهالي وجوعا
الفاتورة من لبن الرضيع مدفوعا
الرحمااااااااااااة
تكورك في بلاد الغربة
تكورك والعمائل كعبة
فاكر رحمة الله يابمشانق لعبة ؟؟
ولا الرب رهو منك بتدخلو رغبة ؟؟
سبحان مكرو
إسمو المنتقم لعبادو
وإسموشديد عقاب ويل للذين تمادو
يمهل حبلو داك طويل سلبة مادو
ما بـهمل وقط ظلم النفوس ما وادو
ياسفاح عشان تـهنى وتعيش فرعون
ياداسي الجثث يا الفي الفجر ملعون
يا تارك الفقير مانع علي الماعون
ياعارض عرض فوق البلد طاعون
قولة أضربوهم كيف يرجعا فوك
وين تلقى العدالة ودا العهدنا سلوك
احكام ظل بلا بينة وحكم متروك
لا للمادة ولكن لي مزاج صعلوك
متهمك ،،
متهمك يشُر دمو وأمام القاضي
يضربو فيه يكفيهم فخامتك راضي
كيف يتهنى جفنك ساعة بالإغماض
يوم يندهوك ويواجهوك بالماضي
ما تتحوا بآيات عزل معزولا
ما تغشك سبح متسولات بي قولا
ما فيش اليقيك وكتين تجيك في تولا
نوح نوحاً كتير وأطرى القيامة وهولا
أعزل لي دجل آية وتفادى الأخرا
قالت آخرة الظلم الجحيم في الآخرا
يا العاجباك امارتك تنقز فخرا
ربك كيدو أكبر يوم يلين الصخرا
خلي الدين بعيد ما تجرو شوك في دنيئتك
ما قاليك جوع وعبي في صينيتك
ما قاليك أسرف وسف وعلي بنيتك
وعربد وعير وعاند وخلي إنسانيتك
موضوع: فيديو للراحل صلاح أحمد أبراهيم يهجو فيه دكتاتوراً "هجاء زي الهجاء" بإختصار "طاقية القدرو يدرعا" 
الثلاثاء 10 أبريل 2012 - 9:28
