كمل الملاح المفروك يا خالد محمد عثمان ،،

قبل الغداء ،،
جاني تلفون من خالد ،،
شوية كدة ،،
وأبوي كورك ،،
الغداء يا ولد يا أمين ،،
قلتا جاااااي يا أبوي ،،
قعدنا نتكلم ونتكلم ونتكلم ،،
خالد رصيدوا قطع ،،قلتا الحمد لله نحصّل لقمة ،،
مشيت ،،
يا دوب لقمتين ،،
خالد رنّة تاني ،،
وقعدنا نتكلم ونتكلم ونتكلم ،،
وجات بتوا شهد ،،
وهاك يا عموا أمين ،، وحاجات ،،
تاني رصيدم قطع ،،
عاينتا الصينية ،،
لقيتا ملحوسة لحس ،،
كوركتا يا جماعة مافي ملاح ،،
مفروك تاني وكسرة زي طرحة العروس ،،
أبوي جاط وقال لي يا بهم إنت ،،
عايز تاكل وتتكلم بالتلفون ،،
إنت قايل نفسك في الجنة ،،
يا تاكل يا تتكلم ،،
وضاع الملاح المفروك ،،
والكسرة الزي طرحت العروس ،،
أها يا خالد إرتحتا ،،
إنت وبنتك شهد ،،
أحححححححي من الملاح المفروك ،،
الضاع مني دة ،،
والكسرة الزي طرحة العروس ،،

والله تتضحكوا أجي أفلعكم بالحجار ،،
أوعا تضحكوا ،،

ركابـــــــي :-
وقـ المغارب ـت :-

.. والله ياركابى حكاية خالد مع الاكل دى شنو ماعرفناها ...
من يومين اتصل على ... بس لسه بشترى فى فتة فوووووووووووووووول صاحبك ضرب
كان معاى ابوى ناولتو لخالد وشكلو البطارية خزلتنا ...
تخريمة: خالد حاولت اتصل على الرقم بتاعك رفض تماما يجى معاى !!!!!!

عارفين ليه؟
شكلو ما بحب الاكل ......
مثله
يقتاتون على التواصل رغم البعد والرحيل
...........................................؟.

السمحة قالو مرحلة كتب:

عارفين ليه؟
شكلو ما بحب الاكل ......
مثله
يقتاتون على التواصل رغم البعد والرحيل
...........................................؟.

والله بحبو جنس حب
لمن بقع فى ( الجب)

مبارك عثمان كتب:

السمحة قالو مرحلة كتب:

عارفين ليه؟
شكلو ما بحب الاكل ......
مثله
يقتاتون على التواصل رغم البعد والرحيل
...........................................؟.

والله بحبو جنس حب
لمن بقع فى ( الجب)

جب شنوا يا مبارك ،،،

ماتجيب لي سيرة سيدنا يوسف ،،،

كي شوف قميصك مقدود من وين ،،،

كع كع كاااااي ،،،

ركابــــــي :-
وقـ المغارب ـت :-