ممكن تسموها حسادة مني على البوست الذي سجل الأرقام القياسية في المشاركة والمشاهدة وقلت أشارك مالقيت أي طريقة فطريقة الطرح فيها إيقاع سريع يصعب على أمثالي مجاراته أها بقيت "أتفرج" وحقيقي إستمتعت جداً بالايقاع دا لما فيهو من حميمية وإلفة وتلقائية جذبت إليه القراء كما تبدى لي حاولت "بيني وبين نفسي" أسحر البوست أو أطقو ب"عين" حارة عشان نفرملو شوية نلقى فرصة نتابع ولما فشلت جميع محاولاتي في الفرملة أو المتابعة قلت أجيبا من قاصرا وأجيب ليهم "هدية" متأكد من ملائمتها يعني حا تعجبهم حا تعجبهم وبعداك أنا متأكد البوست حا يطير برجليه "الأربعة" والبركة في الشبكة العنكبوتية
عدل سابقا من قبل المحبوب أحمد الأمين في الأحد 6 مايو 2012 - 5:19 عدل 1 مرات
بالمناسبة الهدية "الحمد لله" ماهلة وممكن في حالات النفوس المتطايبة تشيل خمسين نفر يعني تقعدوا بالراحة وتسولفو زين لمن تقولوا شكراً وممكن كمان "تغنوا" لو دايرين ويابوسماح ممكن تاخد ليك نومة وتقوم تلقى رقبتك في "قندهار أمدرمان " أصلك باقي "شجاع"
وأصـــلوا الوســـاع في القلـــوب ... إن ضاقت القلـــوب الدنيا كلها بتضيق...
وعنقريبك ماهل مهلـــة قلـــوب الجماعـــة الذكرتهم لديل ســعدية وجعفرون وكوثر وكج وخضر وكل الناس الداخلين جوه والبيعاينو من الحيطة او الشباك أو من بعيد لبعيـــد ... وندعوهم ونقول ليهم العنقريب وسيع وبشيل أمة محمد كلها ... بس وسعوا صدوركم ... والمحبة والوود والتحية للجميع.
ممكن تسموها حسادة مني على البوست الذي سجل الأرقام القياسية في المشاركة والمشاهدة وقلت أشارك مالقيت أي طريقة فطريقة الطرح فيها إيقاع سريع يصعب على أمثالي مجاراته أها بقيت "أتفرج" وحقيقي إستمتعت جداً بالايقاع دا لما فيهو من حميمية وإلفة وتلقائية جذبت إليه القراء كما تبدى لي حاولت "بيني وبين نفسي" أسحر البوست أو أطقو ب"عين" حارة عشان نفرملو شوية نلقى فرصة نتابع ولما فشلت جميع محاولاتي في الفرملة أو المتابعة قلت أجيبا من قاصرا وأجيب ليهم "هدية" متأكد من ملائمتها يعني حا تعجبهم حا تعجبهم وبعداك أنا متأكد البوست حا يطير برجليه "الأربعة" والبركة في الشبكة العنكبوتية
فعلا إنت ســحرت البوست حقنا ... هسع لحد الآن ما في اي واحد ظهر ... عين الحسود فيها الف عود.
الشكر أجزله لكم جميعاً أحبائي ومالو ما بتستاهلو المهلة والرحابة يعني كنتو دايرني أجيبو ليكم "هباب" ؟؟ مش ممكن لازم يكون بسعتكم وأريحيتكم وما تقولو نسيت كج نو نو دا طبعاً عندو حساب براهو فكما جاء في الأثر الصالح "عشاء السيرة ما زي عشا العريس"
[b]والله يا المحبوب عنقريب بتاعك دي داير همبريق الصداقه البارد داك واكون علي البحر والله اشيل ناس الصداقه ونسايبهم معاهو يعني انا والعشي والبقيه والله الصداقه كلها كرم وكثر الله من امثالهم.
قد تخلو الزجاجة من العطر .. ولكن تبقى الرائحة العطرة عالقة بالزجاجة .. كما تبقى الذكرى الطيبة عالقة بالقلب .. المحبوب ( المحبوب ) من أولئك الذين ينقشون حبهم بطيب تعاملهم على جدران قلوبنا .. ويصعب علينا أن ننساه .. فطاب مساءك
تعرف يا سعيدة كان نفسي اشوف لي كلب تحت العنقريب دا مطلع لسانة بلهس وريالته سايلة . .. ولا ديك زاكي ليه جدادة ولا كديسة بتحفر ليه في حفرة عاوز تعمل ( ....................) وزير كبير قدر النقريب دا تحالبه تقول يا غربتي وفيه كوز طلس بي جوه مخدر وبي بره مطرقع ونقاعة جردل بستك اخضر .
ولا حمامة راقدة في الشمس دي فاردة جناحة تشكو من الهيم ...
موضوع: هدية لسعدية وسركيس وأبوسماح وبت عبد الصادق وجعفرون وبقية "شلة" البوست الكابين ليهو باكنكنبودر داك !! 
الأحد 6 مايو 2012 - 5:08
[/img]
