ماهي أولويات المرأة السودانية كي يتحسن مزاجها؟.

1/ الأخ ترتورة ((والمواضيــــــــــع الساخنة جداً))
2/ بصراحة الموضوع ده محتاج لـ (( رزان وعـــــــاطف عمر))
3/ نفسي ((وليــــــــد العشي)) يكتب 7 سطــــور
4/ ممتنعة عن ((التعليـــــــق))

و الله يا سركيس الا البد ليه لبده قويه / انا اسه مترصداهو / لكن ما لاقياهو

عاينو تغريد قالت ممتنعه عن التعليق بعد الكتبتو ده كلو

يا جماعه المره بتحسن مزاجها بهديه من الجنس الآخر - الهديه بتقلب كل الموازين " سر رقم واحد " ادفعوا حقو حديد .

أهـــا يا أخوانا الســـوق بدأ يحــر .... الآن عندنا اثنين زبونات ...

المناعك شنو من التغريد يا تغريــــد .... غردي وكمان غـــردي

ويا رزان الهديــة بالهديـــة والبادي أحســـن

[b]اول تعليق من الجنس الاخر كان مادي وااسفاي

يا ايها السيد / بكش
الهديه ممكن تكون ورده من اقرب شجره

وممكن تكــون كلمــة طيبــة ... مش كــــدة؟

أنا كنت متوقع رزان هي التي تحجم عن التعليق عشان ما تدي عاطف عمر فرصة ينقض عليها ويكرها في الكلام الكتبتو، وقالت تحسين المزاج بالهدية ولم تحدد مواعيد الهدية، هل هي مرة في العمر؟ أو هدية شهرية، أو اسبوعية؟ وأنا من أنصار الهدية السنوية وتكون مربوطة بعيد الزواج ومن الأول يكون هنالك اتفاق مافي احتفالات بأعياد الميلاد عدا عيد ميلاد الأطفال فقط، ويكون الاحتفال على الضيق " الأولو شرط آخرو نور " ، إما أذا كانت الهدية شهرية فعليها أن تدفع نصف قيمة الهدية، إذا كانت الزوجة إمرأة عاملة، أما أذا كانت الزوجة ربت منزل، فلا داعي للهدية الشهرية، أما الهدية الإسبوعية فهذا خراب بيت وأحسن تتلم عند بيت أبوها من أول المشوار
ويارزان عليك الآمان أنا كربت ليك عاطف عند فكي الهلال، وإن شاء الله شوفتك ليه حتكون طشاش.
وبعدين تغريد دي مالا خايفة، شكلها عاملة حلف مع قائد فريق المدفعية الثقيلة " سعدية"، وظهورها السريع دا نوع من التمويه واكتشاف مكامن الضعف في القوات الغازية
رصوا الصفوف وسدوا الثغرات وتجهزوا للهجمة المباغتة

razan كتب:: يا ايها السيد / بكش
الهديه ممكن تكون ورده من اقرب شجره

قالت وردة من أقرب شجرة
دخل الرجل وفي يده وردة قطفها من الحديقة العامة "على إعتبار أن هنالك ميادين بين مربعات الأحياء وفيها حدائق غناء، والحدائق عبارة عن أشجار ظليلة وأشجار زهور متنوعة".
وفتح باب الحوش، وفي الحقيقة كان الباب مفتوح، وبدأ في الصياح إنت وين يا حبيبتي إنت وين ياروحي، إنت وين ياعمري، وجاءت الزوجة تهرول من الداخل "ياراجل اسكت عايز تفرج فينا الجيران دا شنو الكلام الغريب البتقول فيهو دا عايز الجيران يقولوا عليك بقيت تسكر بالنهار وتقول جنس الكلام الغريب دا.
وقف الرجل مدهوشاً من كلام زوجته ومِحَقِب يديه في قفاه
وتتحدث الزوجة بنبرة عالية وغاضبة " دا شنو الداسيهو وراك دا
ويُظْهر الرجل ما يحمله مجموعة الزهور التي قطفها من الحديقة العامة، وظل يردد هذه الزهور هدية لك ياحبيبتي بمناسبة عيد زواجنا.
ترد الزوجة "سجم خشمي، سجم خشمي، هدية عيد زواجنا تكون زهور تقطعا من الشارع" وتواصل في الثورة "أمانتاً تقدد عيونك ما قاعد تشوف محلات الورود الطبيعية المالية السوق، يعني مستخسر فيني باقة ورد بالشي الفلاني، وتواصل في الحديث، ونبرة الصوت تزداد حدة وتقول له أمشي شوف باقة الورد الجابا كمال لي مرتو لمن مرقت من الاستبالية، يمين بالله أطول منك مرتين
وهذه هي الحالة لمن تكون الهدية غير مادية

razan كتب:: يا ايها السيد / بكش
الهديه ممكن تكون ورده من اقرب شجره

عفوك ورضاك علينا ومعتزرين

أحمد سركيس كتب:: وممكن تكــون كلمــة طيبــة ... مش كــــدة؟

كده تمام ياريس

عبدالمنعم ترتورة كتب:

razan كتب:: يا ايها السيد / بكش
الهديه ممكن تكون ورده من اقرب شجره

قالت وردة من أقرب شجرة
دخل الرجل وفي يده وردة قطفها من الحديقة العامة "على إعتبار أن هنالك ميادين بين مربعات الأحياء وفيها حدائق غناء، والحدائق عبارة عن أشجار ظليلة وأشجار زهور متنوعة".
وفتح باب الحوش، وفي الحقيقة كان الباب مفتوح، وبدأ في الصياح إنت وين يا حبيبتي إنت وين ياروحي، إنت وين ياعمري، وجاءت الزوجة تهرول من الداخل "ياراجل اسكت عايز تفرج فينا الجيران دا شنو الكلام الغريب البتقول فيهو دا عايز الجيران يقولوا عليك بقيت تسكر بالنهار وتقول جنس الكلام الغريب دا.
وقف الرجل مدهوشاً من كلام زوجته ومِحَقِب يديه في قفاه
وتتحدث الزوجة بنبرة عالية وغاضبة " دا شنو الداسيهو وراك دا
ويُظْهر الرجل ما يحمله مجموعة الزهور التي قطفها من الحديقة العامة، وظل يردد هذه الزهور هدية لك ياحبيبتي بمناسبة عيد زواجنا.
ترد الزوجة "سجم خشمي، سجم خشمي، هدية عيد زواجنا تكون زهور تقطعا من الشارع" وتواصل في الثورة "أمانتاً تقدد عيونك ما قاعد تشوف محلات الورود الطبيعية المالية السوق، يعني مستخسر فيني باقة ورد بالشي الفلاني، وتواصل في الحديث، ونبرة الصوت تزداد حدة وتقول له أمشي شوف باقة الورد الجابا كمال لي مرتو لمن مرقت من الاستبالية، يمين بالله أطول منك مرتين
وهذه هي الحالة لمن تكون الهدية غير مادية

مشكور استازنا منعم وكنت ابقي ارد ذي ردك دي خفت رزان تشب لي في حلقي وتقول كتفنا عاطف جانا ايها السيد بكش
ولكن اهنئك بطريقة الرد والاسلوب الجميل والزي خانني التعبير فيه
هديه رمزيه دي قبل الزواج بعد الزواج جده غير ولا شنو يا ناس جده القدام

لقد تاكدت تماما دون ادنى مجال للشك - و ذلك بعد التمحيص فى الردود من الجانب الآخر - ان الغرض الفعلى من هذا البوست هو شن حمله قويه جدا على حواء تحت ستار كيف يتحسن مزاجها - لكن بنوريكم ليهو

razan كتب:: لقد تاكدت تماما دون ادنى مجال للشك - و ذلك بعد التمحيص فى الردود من الجانب الآخر - ان الغرض الفعلى من هذا البوست هو شن حمله قويه جدا على حواء تحت ستار كيف يتحسن مزاجها - لكن بنوريكم ليهو

شفت ده لب المشكلة ومنبع الخـــوف والتوجس

يظهر أنو تحسين مزاج حواء أصبح من رابع المستحيلات،" والمستحيلات الثلاثة هي الغول والعنقاء والخل الوفي" ومهما جملنا ليها الدنيا هي مصرة على النكد لأن النكد يظهر أنو bUILT IN في شخصية حواء والله أعلم

عبدالمنعم ترتورة كتب:: يظهر أنو تحسين مزاج حواء أصبح من رابع المستحيلات،" والمستحيلات الثلاثة هي الغول والعنقاء والخل الوفي" ومهما جملنا ليها الدنيا هي مصرة على النكد لأن النكد يظهر أنو bUILT IN في شخصية حواء والله أعلم

ترتوره يا مشاكل ... ازيك .. شايفاك ليك دور بحالو تلت وتعجن . ترص وتقص .. دا كلو لزوم الاستفزاز واخرتها اعلنتها . اها اريتكم تحملو الجاياكم .

احب اقول ليك انو المراة من اجمل المخلوقات البريئه . وعجينه سائقه تستطيع بما لديك من دراية تشكلها حسب ما ترى وتريد

ولا اكون قد بالغت ان قلت لك انها كا لقزاز . اذا علق بها شى تستطيع بقطعة صغيره من القماش اللين ان تمسحها . اما ان استعملت

معها القوه فسوف تنكسر واول المجروح هو انت .

المراة طيبه وحنونه . بكلمه بسيطه رقيقه نستطيع انت الرجل ان تغير مزاجها . ولكن اين من ذلك الداخل ومعه كل مشاكل الدنيا

وبيقول ياشر اشطر . وتلك الكلمه الجميله ( دى طارت وين ) عليك الله يا ترتوره دا مستوى ناس يعدلو مزاج . عليك الله خلينا ....[center]

ترتورة يا شقي.......تحياتي
تيكو اسوي شنو عاد مكتوب علي مرة احلّك من ابواية
والمرة دي احلّك من ترتورة....
ياشباب المرأة كائن حي جميل جدا رقيقة شفافة حنينة
خلاص كفاية كدة لانو الباقي كتيييييييييييييييييييييييير
يا تيكو ترتورة دة كان شقي جدا ما شاف الحب الا في mbc 2
ياترتورة معليش عشان تيكو الايام دي عندها هواجس وهي الان
في طور النقاهة (والعروق مبلولة ) والحمدلله

يا كج ما عندكم عـــروق بالعكـــس

كوثر يوسف عبدالصادق كتب:

عبدالمنعم ترتورة كتب:: يظهر أنو تحسين مزاج حواء أصبح من رابع المستحيلات،" والمستحيلات الثلاثة هي الغول والعنقاء والخل الوفي" ومهما جملنا ليها الدنيا هي مصرة على النكد لأن النكد يظهر أنو bUILT IN في شخصية حواء والله أعلم

ترتوره يا مشاكل ... ازيك .. شايفاك ليك دور بحالو تلت وتعجن . ترص وتقص .. دا كلو لزوم الاستفزاز واخرتها اعلنتها . اها اريتكم تحملو الجاياكم .

احب اقول ليك انو المراة من اجمل المخلوقات البريئه . وعجينه سائقه تستطيع بما لديك من دراية تشكلها حسب ما ترى وتريد

ولا اكون قد بالغت ان قلت لك انها كا لقزاز . اذا علق بها شى تستطيع بقطعة صغيره من القماش اللين ان تمسحها . اما ان استعملت

معها القوه فسوف تنكسر واول المجروح هو انت .

المراة طيبه وحنونه . بكلمه بسيطه رقيقه نستطيع انت الرجل ان تغير مزاجها . ولكن اين من ذلك الداخل ومعه كل مشاكل الدنيا

وبيقول ياشر اشطر . وتلك الكلمه الجميله ( دى طارت وين ) عليك الله يا ترتوره دا مستوى ناس يعدلو مزاج . عليك الله خلينا ....[center]

الأخت كوثر لك التحية
أنا معاك أن المرأة طيبة وحنونة لكن المشكلة التي تعاني منها هي حبها للنكد

عبد المنعـــم

صباحك خـــير

يا أخينا الجماعـــة ديل ما عنـــدهم مزاج أو اســتعداد للخوض في مواضيع زي دي ... كان جبت ليهن سيارة أيس كريم ما يدخلن هنا ... لكل أقول ليك كل أمرأة "السودانية" مزاجها قائم بروس ... لكن بشتركن في حاجة واحـــدة:

تمشي الســوق وما تنسى اي حاجـــة الجزر والملجة والبقالـــة والتشاشــة مع جميع البهارات وتكتر في الشمار ... كدة مزاجها يتعدل مية المية ... ولا زول ضارب حجرين مع فنجان قهوة.

ولو ما عملت كـــدة تخــرب عليك مزاجــك تخليه ليك زي لستك القندران الضارب في الظلط ومفرتق حتة حتة ... عشان هي بعد كدة مزاجها يتعدل بعكننة مزاجك ... لكن أنا أبوص ليك مزاجها ... أخليها تهضرب اليوم كلو ... تلبس نعالها بالقلبا ... عارف كيف: أقوم ألبس جلايبيتي الما خمج وأطوي عمتي واتناول عصياتي .. تقول لي يا راجل هوي ما شي وين؟ (طبعا بنهرة وصوت ضخم) ... أقول ليها والله عبد المنعم صاحبي ... عقدو الليلة ... سجمي إنت عبد المنعم صاحبك ده ما معرس ... كيف معرس ... ودي التانية .. مالو ... وبسرعة سرعة أطلع قبل ما الشبشب يحصلني ... وبعد ما ترجع البيت ... شوف ليك رواقـة وحنية ... يا أبو فلان نعمل ليك غدا ... أو أبو فلان نعمل ليك عصير ... يا أبو فلان نعمل ليك ... أبوك جلد جات في التنك ولا ما جات!!!

قال مزاج قال

والله يا سركيس دواك دا دوا ناجع، وخلطتك دي فاقت خلطة كنتاكي السرية، لكن حكاية ماشي تحضر العقد بتاعي دي شكلها لم يحالفك التوفيق فيها، عشان الحكومة متعودة تقرأ كل ما يعرض في هذا المنتدى وبالذات الحاجات التي أكتبها أنا، يعني دي أنانية منك إنت يدلعوك وأنا أروح فيها، طبعاً تلقى صاحباتك مبسوطات يضحكن سن سن، ويقولن من حفر حفرة لأخيه وقع فيها، وهن تلقاهن متوقعات أنا إستنجد بالأصحاب وأصيح يابو مروة ألحقوني، لكن يافرحة ماتمت، أنا مسيطر على الموقف بالتمام والكمال، وسوف أخرب كل اللابتوبات في البيت لمدة أسبوع حتى يختفي هذا البوست ولمن المدام تفتش ما تلاقي أي أثر للجريمة التي لبسني لها سركيس، وإنشاء الله مردوده ليك عما قريب

ما تخـــاف ولا ترتعش حنحل الموضوع كالآتي:

يا أخــــوان جاء اسـم "عبد المنعم" على سبيل ضرب المثل فقط.

ايش رأيك؟

الموضوع كدا اتحل، لكن تلقى بنات حواء يبحبشن عشان يلقن طريقة يتواصلن مع المدام عشان يفشوا غبينتن، لأنهن نعتني بأني بتاع مشاكل

ترتــورة يا أخينا ... ما تتعب نفســـك ساكت ... كي شوف ليك موضوع ثاني

الجنس اللطيف ما بدخل عليك عشان يفتح لنفسـو طاقة ما يلى البسـدها

أما أصحابنا فقد وصلتنا معلومات:

صدرت تعليمات وأوامر لكل منهم بعـدم التقريب من بسوت ترتورة وأبو آيــة ... وعدم التعرف عليهم وقطع اي علاقة معهم ... ومن يخالف سوف يجد حسابا عسيرا.

عشان كدة أنا بقترح عليك تعمل بوست جديد تمسه:

سبل حل مشكلة العزوف عن الزواج .. أو أي اسم من هذا القبيل ... وتعال شوف كيف زباينك ... والله بيتك ده ما يفضى

» التحية للمرأة السودانية فى يوم المرأة العالمى
» في يومها العالمي المرأة السودانية إنتخبوها
» هل المرأة السودانية المتزوجة مسئول تتعاطى السياسةو تحكى اسرار وشمارات فى ونسات النساء الخاصة؟؟
» مظاهرة الجالية السودانية في كندا أمام السفارة السودانية في أوتاوا
» أولويات الحكومة!! مقـــال د. القراي ((نقلاً عن الراكوبة))