Breaking News لاتقرأوا هذا البوست قبل ان تتحسسو رجالتكم!!

[img] [/img]

العربة رقم (واحد) مريضة وسافرت الخرطوم للعلاج والاعادة .. فاتورة العلاج تكلف 166 مليون جنيه (قديم ) في مثل هذه الحالات تكون لجنة لتدرس عروض عدة جهات متخصصة ومعروفة وتقدم فواتير مناقصة الا أن الامر لا يبدو كذلك .. الخزينة كالعادة فاضية وهنالك نص المبلغ (عبارة عن جنين خارج الرحم ) اي تلك المبالغ التي تجمعها المحلية ولا تدخلها الخزينة ( تصرف برا برا وتدخل الخزينة ورق وفاوتير ) وهو عبارة عن بيع الوحدة الادارية لعدد من الدكاكين الاستثمارية ( لامن شاف ولامن دري ) عن طريق البيع الايجاري بواقع 8 مليون للدكان الواحد والموقع شمال المقابر وجنوب شارع الفريجاب ولان المبلغ لن يكفي فاتورة الصيانة سيتم بيع 24 دكان بالبيع الايجاري ايضا في سور المدرسة الصناعية الشمالي والشرقي علما بان المدرسة الصناعية لا تتبع لادارة العنطج وهكذا اراضي الحصاحيصا تروح شمار في مرقة وإذا غلبهم ام غلاب فإن مبلغ 166 مليون دا كبير خالص خالص خالص بشهادة ( مجاهد المتخلف ) واحسن تقرش العربة توطئة لتلجينها وتباع بدون جرس او تمنح منحة ومعها خطاب رقيق بالاعتذار الي حين وصول عربة جديدة تكلفتها نصف مليار جنيه والتسويهو في شوارع الحصاحيصا تلقاهو في عربيتك
----------------------------------------------
الحصاحيصا يا القايمة بي جهلك لميتي زي ديلا وطلعتي (...) أهلك[/size]

انا ماقادر اصدق عيوني في العبارات المكتوبه اعلاه
ولااعني موضوع العربيه بل موضوع تحسس الرجاله - هل يعي الكاتب مايقول ولا انا فاهم غلط

يا مهاجر هنالك فرق بين الرجالة (الجدعنة ) ....والرجولة وهي القدرة الحنسية للرجل..
ما تمشي بعيد!!

والله انا بفضل انك تحذفها خروجا من الشبهات وحفاظا علي الحياء والتباس الالفاظ لدي البعض( كالذي وقع معي )اضافة لعدم وجود القرينه بين المرادين
مع اعتذاري . وبحاول اقتنع بترجمتك

عزيزي مهاجر ..هذه عظمة لغتنا الجميلة انظر الي :
(انما يخشي الله من عباده العلماء ) اذا تركت اسم الجلالة الله بدون علامة النصب ( مفعول به ) سيقرأ بالضمة ( فاعل ) بحكم أنه فعال لما يريد وينعكس المعني بالتالي ..
العنوان يجب ان لا ينسينا التعليق علي جوهر الموضوع ..
حلقت عصفورة دوت كوم ووجدت العربة رقم (1) داخل المظلة في البيت الاخضر الحدادي مدادي في انتظار لجنة التلجين المنبثقة من لجنة التخلص من البائظ علما بأن البائظ كرت فتوح للاخوان المبوظين ( المبوذين ) زي عادل امام جابوا ليهو كباية موية قال عاوز كوكاكولا ..جابو ليهو برادوا قال لالا ما شفتو البرادو حصل ليها شنو في بورتسودان ؟؟ انا عائز همر بس اوع الهمر يطلع شاكوش وزير المالية
والتسويهو في شوارع الحصاحيصا تلقاهو في عربيتك شوفتوا كيف ان الله يمهل ولا يهمل كم عربة باظت بسبب شوارع المدينة والدليل بالجرس لدلالة العربة رقم واحد وهي عربة معتمد المحلية وليست عربته الخاصة واتفرجو وياسلام ع الناس الجنتلمان حيجيبو الديب من ديلو ويشبع كل جعان يا سلملم ياجدعان وحقيقة شر البلية ما يشرط من الضحك

واللة مسكينة رقم واحد كفارة ليها وربنا يكتب سلامتا وكان عجذت مالو نجيب أختا تكون شابه وفيها روح تقدر تواكب الجديد والواجب نتحمدل السلامة ربنا يشفيها

يا ود عيسي وينك يا حبيب مختفي في ظروف غامضة !!
من الطبيعي اي زول عيان ما بكتفي بي طبيب واحد من ناحية العلاج وتكلفته فان يحتاج لرأيآخر من طبيب مختلف ويسمي ذلك Second opinion في هذه الحالة العربة يجب ان يعاد فحصها بواسطة لجنة (كونسلتو ) للعلاج او التلجين ولا يترك الامر للسواق والا انا ماغلطان

اجر وعافية العربة رقم (( 1 ))
وانا عن نفسى لا زال الامل يحدونى فى زيارة العربة رقم واحد
الى شفعى (( اطقال الردمية والشوارع المنسية ))
وانا ملتزم بالحشد والهتافات وباكت مياه سوبا وبساهم فى الكهرباء
وما دايرين مرافقين عشان اشللة سخنا

إنشاء الله يالسيارة رقم واحد ربنا يفك أسّرِك ويعطيك الحرية ويتم تلجينك ويخرجوك من الخدمة ظاهرياً ولكن فعلياً يتم بيعك لأحد الأصحاب المقربين من المعتمد، وتباع له بأبخس الأثمان، كيتاً تكوي الناس المتابعين حركات وسكنات السيارة المنكوبة بواسطة عيون الحساد والحاقدين من أعداء المؤتمر الوطني، وتموتوا مغص يا باقي الأحزاب وكلمة الأحزاب هنا تشمل أيضاً أحزاب الحكومة العريضة، التي أتمنى أن يتعارض ليها الجلا وين ما راحت، وهذه الحكومة العريضة شاحد الله ربنا يكشكشا ويجعلها أصغر من حبة الخردل

عبدالمنعم ترتورة كتب:: إنشاء الله يالسيارة رقم واحد ربنا يفك أسّرِك ويعطيك الحرية ويتم تلجينك ويخرجوك من الخدمة ظاهرياً ولكن فعلياً يتم بيعك لأحد الأصحاب المقربين من المعتمد، وتباع له بأبخس الأثمان، كيتاً تكوي الناس المتابعين حركات وسكنات السيارة المنكوبة بواسطة عيون الحساد والحاقدين من أعداء المؤتمر الوطني، وتموتوا مغص يا باقي الأحزاب وكلمة الأحزاب هنا تشمل أيضاً أحزاب الحكومة العريضة، التي أتمنى أن يتعارض ليها الجلا وين ما راحت، وهذه الحكومة العريضة شاحد الله ربنا يكشكشا ويجعلها أصغر من حبة الخردل

ههههههههههههههههههههههههههههههههههههه

وينك ياعريس نايم في العسل والدلالة إنتهت من زماااااااااااااااااااااااااان قبل التلجين

ماتخاف مامشت بعيد كم كيلو كدا بس ماتتكهن غرب الكنار ولا غرب الظلط

وشوف ليك عربية زفة غيرها

إنت صليت جمعه في مسجد.............. ولا جبت الدعا من وين

( اذا ما أخر العلاج الكئ) انصح العربة رقم( 1 ) البحث عن العلاج في نار شوارع المدينة المتهالكة

عبدالمنعم ترتورة كتب:: إنشاء الله يالسيارة رقم واحد ربنا يفك أسّرِك ويعطيك الحرية ويتم تلجينك ويخرجوك من الخدمة ظاهرياً ولكن فعلياً يتم بيعك لأحد الأصحاب المقربين من المعتمد، وتباع له بأبخس الأثمان، كيتاً تكوي الناس المتابعين حركات وسكنات السيارة المنكوبة بواسطة عيون الحساد والحاقدين من أعداء المؤتمر الوطني، وتموتوا مغص يا باقي الأحزاب وكلمة الأحزاب هنا تشمل أيضاً أحزاب الحكومة العريضة، التي أتمنى أن يتعارض ليها الجلا وين ما راحت، وهذه الحكومة العريضة شاحد الله ربنا يكشكشا ويجعلها أصغر من حبة الخردل

ياود عفيف لك التحية
الدعا دا جبتو من الراكوبة، وبعدين أنا بصلي الجمعة في مسجد أحرار

البرادو عسل لكن جهحهتونا بالفاتورة دى

» خبر عاجل Breaking News
» Breaking News حادث توجد صور !
» Breaking News انتبهوا بيان هام جدا
» Breaking News خبر عاجل ( يوجد سبق صحفي )
» Breaking News بيان الي الشعب السوداني!!