نادي الشبيبه

نادي الشبيبه صرح عظيم في مدينه الحصاحيصا قبل سنوات قليله كان اجمل الانديه في المدينه وانشطهاالان وعندما تمر به تحس بالعبره في حلقك من الكابه التي الت اليه دفعني للكتابه في هذا الموضوع حديث بين اخوان في الفيس بوك بخصوص توثيق للنادي حتي موضوع نادي الشبيبه وكانه منطقه عسكريه ممنوع الاقتراب من التحدث فيه من حقنا السوال عن الحاصل فالنادي كان ترفيهي واسري صراحه النادي صار فضيحه لاتشبه ابناء الحصاحيصا وبالذات ابناء الحله الجديده

نعــم لقد كان لنادي الشبيبة دور فعال في تربية أبناء الحلة الجديدة. باختصار ممكن الناس تعمل مرة أخرى على إعادته سيرته الأولى بل وأكثر ... بس كيف الناس تبدأ العمل. وحقو المسألة ما تكون على عاتق الرجالة فقط لازم النساء يسهمن في ذلك من جميع النواحي.

نعــم عبد المنعم أنت على حق يجب أن نضع هذه النقاط ونتلمس العقبات ونحدد الأهداف لنبدأ في حلها. ونطالب جميع أبناء الشبيبة المشاركة أولا بالإدلاء بدلوهم لكي تنطلق المسيرة ... فلنسمها مسيرة "الإنقاذ"

بالطبع أخي عبد المنعم تحديد هذه المشاكل وتلمس الحلول لها تحتاج لتضافر الجهود. والناس الموجودين في السودان أكيــد أكثر درايـة بها من المقيمين خارج البلاد

اعتدال الشيخ كتب:

نادي الشبيبه صرح عظيم في مدينه الحصاحيصا قبل سنوات قليله كان اجمل الانديه في المدينه وانشطهاالان وعندما تمر به تحس بالعبره في حلقك من الكابه التي الت اليه دفعني للكتابه في هذا الموضوع حديث بين اخوان في الفيس بوك بخصوص توثيق للنادي حتي موضوع نادي الشبيبه وكانه منطقه عسكريه ممنوع الاقتراب من التحدث فيه من حقنا السوال عن الحاصل فالنادي كان ترفيهي واسري صراحه النادي صار فضيحه لاتشبه ابناء الحصاحيصا وبالذات ابناء الحله الجديده

نادي الشبيبة ما فضيحة يا إعتدال ،،
إنتي قريبتي ،، أنا زي خالك ،،
أمين محمد عثمان ،، أمي إسمها صليحة بت عبد الرحمن ،،
الكان بيبيع السـُكـّر بتاع التموين ،، في حي العمدة ،،
مشلخا تلاتة مطارق ،،
لي تحت ،،
أبوي مشلخ لي فوق ،،
نادي الشبيبة ما فضيحة ،،
عشان ،، بابكر عبد الرازق ،،
وزمان ،، عفيف إسماعيل ،،
وبعدين هنداوي ،، راجل نجوي بحـّاري ،،
كدي تعالي هنا ،، نادي الشبيبة مالوا ،،

مغ ،،

حبيت القي الضوء علي الموضوع عشان من يهمهم الامر يتحركو ياامين لو شفت نادي الشبيبه اليوم كلمه فضيحه بسيطه وخلي بابكر عبد الرازق وعفيف اسماعيل يقولو رايهم

اعتدال الشيخ كتب:

حبيت القي الضوء علي الموضوع عشان من يهمهم الامر يتحركو ياامين لو شفت نادي الشبيبه اليوم كلمه فضيحه بسيطه وخلي بابكر عبد الرازق وعفيف اسماعيل يقولو رايهم

وليد العشي ،،

هاك الموضوع دة ،،

إهتم ،،

إعتدال دي بتاعت مشاكل ،،

وبتجيب لي هواء بارد ،،


أميـــــن :-


أمين :-

الشكر كل الشــكر للاستاذة اعتدال على لفت الانتباه لنادي الشـــبيبة.

ومن هــذا المنبر أحمــد ســـركيس يدعـــو ذوي الشأن للتفاكر والتباحـــث لإيجــاد آليــة تعيــد للنادي ولو بعض من ســـيرته الأولى.

سبق وان قلت انه موضوع نادي الشبيبه اشبه بمنطقه عسكريه ممنوع الاقتراب والتحدث فيه محظور جدا وحتي البتكلم قال الموضوع دا بجيب هواء

أنا حقيقة ما فاهم كلامك يا أستاذة اعتدال يعني عليه حظر من السلطات؟ أم ماذا تقصدين؟

قاصده شباب الحصاحيصا البهمهم امر النادي ماملاحظ مافي مرور

التحية والتقدير لكل الاخوة والاخت اعتدال

والله العضيم زعلت شديد من الكلام الداير بينكم واذا كانت هنالك مشاكل فى هذا الموضوع فالاخوة فى لجنة النادى الحاليين يفترض طرحها على الجميع وايجاد الحلول المناسبة لها ولكن المطلوب حاليا معرفة اسباب التدهور الرهيب الذى حدث فى مسيرة هذا العملاق ووضع النقاط فوق الحروف وخلونا نكون واضحيين وشفافيين اذا كانت هنالك مشاكل سياسية ولا لاتوجد مشاكل سياسية واسباب ابتعاد بعض الاخوة من النادى فى السنوات الاخيرة علما بانهم من المخلصيين لهذا الصرح

الشبيبة حبيبة
مرت بالنادى بعض الظروف التى خصمت كثيرا من مكانة الشبيبة
والان هنالك مجهودات من بعض الاخوان حتى يعود النادى الى وضعه
الطبيعى القيادة والريادة

اعتدال الشيخ كتب:

سبق وان قلت انه موضوع نادي الشبيبه اشبه بمنطقه عسكريه ممنوع الاقتراب والتحدث فيه محظور جدا وحتي البتكلم قال الموضوع دا بجيب هواء

صاح ،،

بيجيب هواء ،،

أعتدال مالك إنتي ،،

خلي موضوع الشبيبة دة ،،

بغضب أنا ،،

بغضب ،،

وبجيك في البيت ،،

مغـــــــارب :-

معليش يا حبايب ،،

إغتبثت الكاتبة ،،

من ،، أحوال كتابتي ،،

نزال ،،

ما ،، مشكلة ،،

معليش ،،

مغ غستي الشديدة ،،
مغـــــــارب :-

وليد العشي كتب:

الشبيبة حبيبة
مرت بالنادى بعض الظروف التى خصمت كثيرا من مكانة الشبيبة
والان هنالك مجهودات من بعض الاخوان حتى يعود النادى الى وضعه
الطبيعى القيادة والريادة

شنو يا وليد ،،

مالك خجلان كدة ،،

نادي الشبيبة يا عمك ،،

يا وليد العشي ،،


مغارب :-

قلت لي مالك انت
اقول ليك ياامين انا مالي بس بقصه بتعرف بعدها انا مالي
لحظه وصول جثمان المرحوم عادل الشيخ اصرت صغيرته منار علي رؤيه والدها خاف الجميع عليها تحت اصرارها امسكها بابكر ابشوره وادخلها لتري الطفله جثه ابيها ولدهشه الجميع رجعت باسمه وكانت قولتها المشهوره بابا نايم ذي لما ينوم والشبيبه غالبه نايم وهو مبتسم
عرفت الان انا مالي
فانا اخت عادل

بت العم الاخت اعتدال لك التحية والتقدير مشكورة علي طرحك موضوع

الشبيبة والنادي وما وصل اليه من تدهور في كل الاتجاهات وبالتاكيد

عزيزتي الاسباب كثيرة ويطول الشرح ؟؟؟؟؟ اعلم تماما مدي ارتباط الاسر

في الحلة الجديدة بالنادي وزكريات ابائهم واخوانهم بهذا الصرح العملاق

ولا يسعني الا ان اقول اتمني ان تعود سيرته الاولي .......

وسلام لجميع المتداخلين

راشد عبدالرحيم كتب:

قلت لي مالك انت
اقول ليك ياامين انا مالي بس بقصه بتعرف بعدها انا مالي
لحظه وصول جثمان المرحوم عادل الشيخ اصرت صغيرته منار علي رؤيه والدها خاف الجميع عليها تحت اصرارها امسكها بابكر ابشوره وادخلها لتري الطفله جثه ابيها ولدهشه الجميع رجعت باسمه وكانت قولتها المشهوره بابا نايم ذي لما ينوم والشبيبه غالبه نايم وهو مبتسم
عرفت الان انا مالي
فانا اخت عادل

إنا لله وإنا إليه راجعون ،،
هسة في داعي لي جنس الكلام دة ،،
يا لطيف ،، يا لطيف ،،
أنا بـُكرة ماشي الحصاحيصا والله ،،
ماش أشوف الكنار ،،
وأزور المقابر ،،
وأبقي مارق ،،
لا لا ،، دقيقة ،،
بمشي لي عثمان الشبخ ،،
في الطاحونة في حلة فور ،،
بعدين بمشي السكة حديد بي ناحية غرب ،،
هناك ،، عايز أبكي ،، أبكي ،،
والشمس ،، تنجعص كدا ،،
وتتنحنح ،، علي ( الأسكيف ) ،،
وأنا أبكي ،، أبكي ،،

يا مهدي بكش ،، أبكي النهاية ،،
ألحقني يا مهدي بكش ،،
الولد والبت دي ،، طلعوا رويحتي ،،


مغـــــــارب :-

اول شئ يامين انا مارديت عشان تقول الولد والبت حرفوروحى الاستاذه بى الخطاءردت من عندى الشى الثانى انت مالك وبترمى لى شنو زوله بيسال عن احوال نادى الشبيبه المشكله شنو فى الطرح بتاعه وبعدين اى صرح عملاق بتكون فيه مشاكل وخلافات وفى النهايه الشبيبه لم ينضب رحمهابعد وستظل مناره وعملاقه ولن تتاثربذهاب فرداوجماعه

الاخت اعتدال .....لك التحية وللعيال ولي راشد والمدام
يعطيك العافية ...وفعلا والله حرام نادي الشبيبة يكون بهذا
الحال واتمني من الاخوة في النادي ترك الخلافات جانبا ويعملو
لمصلحة النادي واولاد النادي ما شاءالله عليهم اذا في المهجر
او داخل السودان ..... ونحن جاهزين وممكن عمل تعبئة لاسترجاع
مكانة النادي رياضيا ..ثقافيا...اجتماعيا...ترفيهيا وزي ما قال راشد
معين الشبيبة لم ينضب..(الجفاف ) ممكن يزول ببعض التكاتف والعمل
الجاد...وتعود الخضرة للنادي....والبسمة للجمبع....

شكر الاخ عماد والله كلامك ريحني ومادام الحصاحيصا فيها ناس ذيك اكيد نادي الشبيبه برجع ذي زمان واحسن ودا القصد

الشبيبة جذورها ضاربـة في أعماق الأرض ... فهي صــرح شامخ ثابت أرسى قواعده أباؤنا وإخواننا الكبار ... ومشينا على ما اختطهوه ... ويمشي من ورائنا على الدرب .. الشبيبة للذين راحوا والرائحين والموجودين والقادمين ... وهي الشببة ولن تكون غير الشبيبة ... إن كانت هنالك إخفاقت فهذا أمــر طبيعي .. طالما أن الأصل راسخ القواعد ... وسوف تحل بسواعد وإمكانيات أبناء الشبيبة من الشيب والكوامر نساء ورجال... وكان هذا وما زال ديدنهم.

التحية لكم جميعا .. ولكن أرجــو من أبناء الشبيبة في أرض المهجر أن يعملوا على عقد اجتماع أو سمونه ما تشاؤون للتواصل مع فلذات أكباد الشبيبة في الداخل للعمل على تذليل اي عقبات ونقض الغبار العالق إن كان هنالك.. وأكرر الشكر للأخت اعتدال الشيخ والأخوان راشد وعماد ... وكمان الشكر موصول للأخ مغارب على مداخلته ... وأقول له إن كان له صلة بالشبيبة فليقف معنا ... وأن لم يكن فالشبيبة شيبيتنا ونحن أدرى بها ... فما يغبى ابن عن امه الرؤوم.

راشد عبدالرحيم كتب:

اول شئ يامين انا مارديت عشان تقول الولد والبت حرفوروحى الاستاذه بى الخطاءردت من عندى الشى الثانى انت مالك وبترمى لى شنو زوله بيسال عن احوال نادى الشبيبه المشكله شنو فى الطرح بتاعه وبعدين اى صرح عملاق بتكون فيه مشاكل وخلافات وفى النهايه الشبيبه لم ينضب رحمهابعد وستظل مناره وعملاقه ولن تتاثربذهاب فرداوجماعه

راشد ،،

عوافي ،،

أناما برمي لي ،،

أنا برمي قدام ،،

تسلم إنتا ،،

والمعاك ،،

كن في أمان الله


أمين محمد عثمان :-
مغارب :-