تغشف مع الرئيس

البنزين بقى نار والنار بقت مافي لدرجة فكروا في إلغاء بعض الآثار المجتمعية أمثال أغنية (نارهم ما بتموت يا وليد)والله تموت موت مع الغاز الغالي دا. وأمثال عبارة حبابكم ألف) وصارت لا حبابكم ولا حاجة ونحن مع التقشف فأقرر تقشفيا الآتي:
ممنوع زيارة أي ضيوف ما معاهم ضيافتهم( بارد, شاي, ...لخ)
ممنوع شدة العربية لأي مشوار حتى لو كن المستشفى.
وقف بند التوصيلات للجيران والأصدقاء.
مصاحبة موظفي المحلية ( الغنيانين) وشحدة تصديق جالون البنزين.
عمل علاقات مع علي بلال وعثمان أحمد العطا وعمر بوتو.
السفر مع دفار الحديد الخردة وكذلك العودة.
ويا الله تحلنا.

[left]

الفطور يوم بعد يوم
اجازة بالخصم للمدام
خمسة اشخاص لكباية الشاى
عدم رد السلام

[b]كلو الكلام دي في الحصاحيصا يعني لوفي كم زواج فنان واحد الف الاعراس كلها كل واح اديهم اغنيه والعرسان اعملو شيلنق واتخاتتو اتمو حق الفنان

زياده تغشف.....
السير علي الاقدام من والي السوق...المستشفي...النادي ....الكليه الصحيه...يا وليد اعمل ليقاقه للمشي..
خفض المنصرفات...الشخصيه من سجار وسعوط وجبنات وشاي...والفطور سندوتش طعميه ...
العوده للعصيده بدلا عن الخبز...وجمع الحطب بدلا من الغاز((جمع الحطب من الغابات القريبه مثال اربجي ام دغينه البطاحين وامتدادا حتي ابو عشر))
محاربه ((البمبارس)) للاطفال واستخدام اخري...
الزهاب للمناسبات عقب الوجبه ((للمباركه فقط ))وشكرا
بالطريقه دي نكون اتقشفنا ونشفنا ....

بكرة ربك بفرجه

اسع عليك الله يا ود عوض جندي كان داير اسلم عليك بحرارة شديدة وبالاحضان واقول ليك مشتاقين اعمل شنو ؟ انتظر ليك الجماعة ديل ينكشحو ؟ والا اسوي شنو ؟
معليش استهلكت حروف كثيرة في زمن التقشف ده ... ما مشكلة اخصموها من التموين حقي (نص الكيلو ) ..