مؤتمر مغتربين ؟ بِسْ .. قديمة شوفوا غيرا !!

مؤتمر مغتربين ؟ بِسْ .. قديمة شوفوا غيرا !!
• الأزمة اقتصادية لا مخرج منها ، فشلت معها كل محاولات استقطاب المنح والقروض بفوائد ربوية حتى ولم يفلح النظام تحسين صورته أمام العالم وهو ما يزال أحد محاور الشر الداعم للإرهاب تطارد قائده المحكمة الجنائية وفقد أي دعم ومؤازرة وصبر داخلي . توصل الشعب إلي أن لا رجاء في هذه الحكومة وكما يقولون ( ارجي سفيه وما ترجي باطل ). بطلان الحكومة لا يحتاج لأمثلة ، لان وراء كل سياسة أو مشروع اوتوجه (كوم) من الفشل و (ردوم) من الفساد .

• عندما فرضت الولايات المتحدة وحلفاءها العرب في السعودية والكويت والخليج حصارا اقتصاديا علي جمهورية اليمن الديمقراطية الشعبية تحت قيادة (الترويكا )، سالم ربيع علي وعبدالفتاح إسماعيل وعلي ناصر محمد ، منعوا عنهم المساعدات والقروض حتى يسقط حكمهم .إلا أن (الإنقاذ) كان علي يد المفكر الشيوعي والاقتصادي العراقي الفذ إبراهيم كبة الذي وضع أسس اقتصاد الهجرة بعد أن صاغ إستراتيجية اقتصادية ناجحة للاستفادة من تحويلات المهاجرين اليمنيين في بناء الدولة الوليدة .

• تتوجه اليوم والغد أنظار الحكومة إلي قاعة مأمون بحيري للمؤتمرات التي تستضيف المؤتمر الثاني لاقتصاديات الهجرة المنعقد تحت شعار ( نحو شراكة مثمرة بين الدولة والمغترب ) علي أمل أن لا يفشل هذا المؤتمر كما فشل المؤتمر(الملياري ) الأول في برج الفاتح ولم يخرج إلا بمزيد من الكوارث علي المغتربين وحوافز وفوائد من نصيب القائمين عليه.وكما قال ذات مرة القائد الرفيق الراحل الراحل الأستاذ محمد إبراهيم نقد ، أن أزمة السودان تسبب فيها بعض من حملة درجة الدكتوراه والتخصصات الرفيعة .

• اليوم يجتمع بعض أولئك الذين منحوا أنفسهم صفة ( الخبير) من حملة درجات علمية أصبح مشكوك فيها لضخامة أعداد الذين تحصلوا عليها في عهد الإنقاذ دون أن يكون لهم جهد علمي معروف .هؤلاء النفر يجتمعون اليوم من أجل ( منافع لهم ) ليقرروا في مصير شريحة هامة من أبناء السودان دفعتهم الظروف السياسية والاقتصادية والاجتماعية أن يختاروا (الدياسبرا ) والغربة عن الأوطان ملاذا أخيرا . فشل هؤلاء الخبراء والدكاترة في الاتفاق حول تعريف تلك الشريحة التي (يأتمرون) من أجلها هل هم مغتربون أم مهاجرون .

• المغترب يغادر وطنه لفترة مؤقتة إلا أن الذين عادوا منهم سرعان ماغادروا بلا رجعة لأن السودانيين في مطار الخرطوم يتزاحمون لاختيار الدياسبرا أوطانا وعبثا تحاول الحكومة أن تطلق شعار ( من أجل شراكة ..). المهاجر يملك المال عصب الاقتصاد والحكومة لا تملك ما تشارك به غيرالجبايات بحلب موارد المهاجرين الذين فضلوا التعامل مع شركات تحويل الأموال الصومالية وعن طريق المقاصات الخاصة و المهاجرون سودانيون يريدون إسقاط هذا النظام أيضا .

غي ما يلي جانب من تعليقات متصفحي موقع الراكوبة لان الموضوع ينشر متزامنا في صحيفة الميدان وموقع الراكوبة والحصاحيصا دوت كوم

لتعليقات
#430199 United States [عزوز السوداني]

0.00/5 (0 صوت)

07-17-2012 08:47 PM
دولاراتنا تشموحها قدحة يا وقحين

[عزوز السوداني]

#430185 United States [salah]

0.00/5 (0 صوت)

07-17-2012 08:24 PM
جهاز المغتربين ما قدم لينا اى مساعدة او تسهيلات
ما ادونا ارض نسكن فيها اشتريناها بقروشنا ولا عربية ندخلا برسوم مخفضة
ولاتعليم ابناءنا فى الجامعات زى باقى السودانيين
العكس حاصل : رسوم مع كل خطوة فى السفارة فى المطار فى المغتربين
فى الجامعة ..
اذن اكون غبى لو حولت دولار واحد بالبنك !!!!

[salah]

#430156 United States [ود الشريف]

0.00/5 (0 صوت)

07-17-2012 07:22 PM
سلاااامات

اصلو تحويل مافى يسمهم سم هلللة ما بنحولها ليهم لانه ببساطة نصابيييين وقاييلييين نفسهم شطار
اها انا بحكيليكم قصة حصلت معاااى قبل كم شهر وباقى عندى معاهم افلام كتيييرة ناس السفارة والمغتربيين بس بقوليكم دى مشيت الرياض اسدد الخدمات وانوه حينها كان الريال بى 450 قامو حسبوها لقو لو انا دفعت بالريال بيكون المبلغ اقل من ما ادفع فى السودان بالجنيه قام قال لى انحنا ما بناخد الخدمات تمشي تسدد فى السودان شفتو النصب اسي يتمنونا نجى نسدد ما محتاجييين للبنفسج الا يشموووه قدحة

[ود الشريف]

#430147 United States [الفقير]

5.00/5 (2 صوت)

07-17-2012 07:02 PM
يا شحادين يا معفنين يا نجوس يا حمام ميت تف تف تف عليكم مرقنا خلينا البلد عايزننا كمان نديكم عرقنا يا حرامية ....اسمعو الحسو كوعكم

[الفقير]

#430116 United States [كمال الدين الشيخ]

0.00/5 (0 صوت)

07-17-2012 06:00 PM
جهاز شئون العاملين بالخارج فاشل فاشل ماقدم للمغتربين اى شيى والجهاز مدار بأشخاص عاسوا فسادا . ومستبدين والوجوه يجب ان تتغير يعنى ماممكن كرار وجماعتو قاعدين كده ؟ والمضحك ياجماعه مافى سياسات واضحه لهذا الجهاز المهترى . اوكما طلعوا اليوم قرار جديد فتح استيراد السيارات المستعمله ديل بلعبو بعقول الغتربين ولاشنو؟ نحنا فقدنا المصداقيه فى الحكومه وكل الاجهزه التابعه لها . نحنا تركنا السودان ولا بندخل سيارات مستعمله ولابنحول اموال على القنوات الرسميه . الله ادمركم ويأخذكم أخذ عزيز مقتدر.

[كمال الدين الشيخ]

#430115 United States [الكاهلى]

0.00/5 (0 صوت)

07-17-2012 05:59 PM
اعرف واد مغترب فى المملكة له عشرات السنين ولا ياتى السودان الا كل
خمسة سنوات فهو بالتالى لم يحكمه المدعو عمر البشير ولايدرى شيئا
عن تربية ابنائه ولا عن زوجته وكنه يدافع عن هذا النظام باستماتة
تفوق صاحب لحس الكوع 1 فهؤلاء هم من يعنيهم هذا المؤتمر

[الكاهلى]

#430105 United States [TIGERSHARK]

* *

0.00/5 (0 صوت)

07-17-2012 05:33 PM
I would donate money to ISRAEL rather than give it to KEZAN

[TIGERSHARK]

#430103 United States [ali]

*

0.00/5 (0 صوت)

07-17-2012 05:31 PM
غايتو الانقاذ دي تضايق النمل في عيشتوا دناءة ورخصة وبلادة حس منقطعة النظير والله ديل حقوا نحرقهم بعدين حيوانات

[ali]

#430090 United States [baboy]

*

0.00/5 (0 صوت)

07-17-2012 05:19 PM
ولاااا نكله

[baboy]

#430078 United States [مغترب]

*

5.00/5 (1 صوت)

07-17-2012 05:09 PM
عايز افهم ليه القنوات الرسمية.. يعني الحكمة شنو طالما الفلوس داخله السودان داخله .. ولا هي رسوم غير معلنه على اموالنا يعني انحنا نصرف على اهلنا ولا نصرف على الحكومة ولا نصرف على الاسلاميين عاطلي المواهب ... قايتوا الله لا يرميك تحت رحمة من لا يرحم ولا يخلي رحمة ربنا تنزل

[مغترب]

#430072 United States [اهل العوض]

*

5.00/5 (1 صوت)

07-17-2012 05:05 PM
دولارات المغتربين تشموها قدحة يانصابين مافي أي مغترب بحول دولار واحد عن طريق بنوك وصرافات الكيزان وهي معروفة لهم الآن فقط بعدما انزنقتو تذكرتوا أهمية المغتربين ودولاراتهم الآن بعد ماقضيتو على الاخضر واليابس من ثروات البلد في الداخل عايزين تلقفوا ثروات المغتربين بالخارج بعدما تركوا لكم جمل السودان بما حمل وهربوا بجلودهم من جحيم سياستكم الفاشلة!!!
الدولارات دي ورقة رابحة في يد المغتربين لدعم الانتفاضة الشعبية في الداخل ضد نظام الكيزان الفاشي وتشديد الخناق عليه وزيادة الضغط الاقتصادي على الحكومة الفاسدة حتى تسقط ويتحرر الشعب من غطرسة الكيزان ومن فسادهم ومن دنسهم.
دي فرصة المغتربين للمساهمة الفاعلة في اسقاط نظام البطش والطغاين ودي فرصة المغتربين لمحاصرة الكيزان اللصوص سارقي قوت الشعب تجار الدين خلاص ايامهم قصرت وراح ليهم الدرب في الموية.
الشعب لن يتحمل بعد الآن وزر سياساتكم الفاشلة ياحرامية ياكيزان بعد أن صبر عليها مايقرب من ربع قرن وحصد الهشيم لأنه لن يكون بعد الآن حقلا لتجاربكم الفاشلة والشعب لن يتحمل بعد الآن ثمن فسادكم وفساد بطانتكم وفساد الحرامية الكيزان الذين خدعوا البسطاء باسم الدين وكان مبلغ همهم الدنيا فعملوا على نهب ثروات البلاد وكنز الذهب والفضة ونسوا (يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنُوبُهُمْ وَظُهُورُهُمْ هَذَا مَا كَنَزْتُمْ لأَنفُسِكُمْ فَذُوقُوا مَا كُنتُمْ تَكْنِزُونَ).ثورة ثورة حتى النصر ولا نامت اعين الرقاص ولص كافوري وبقية حرامية الانقاذ.

[اهل العوض]

#430069 United States [قيم سودانية مفقودة]

*

5.00/5 (4 صوت)

07-17-2012 05:03 PM
تقسم دور المتابعة والرصد سنوات الانقاذ النفطية لشقين .السنوات الأولي ذهبت كل المداخيل النفطية للانفاق علي السلاح وآلة الحرب ، أما المرحلة التالية والتي بدأت 2002 فتقول أن غالبية الاموال ذهبت الي جيوب بطانة الحكم وان بقي الانفاق علي التسليح عاليا .اما التنمية فقد تم الصرف عليها من القروض الضخمة التي أنهمك المسؤولون في استقطابها دون مراعاة لتكلفتها الباهظة علي الاجيال القادمة.
مقتبس من المقال ادناه
http://www.alrakoba.net/news-action-show-id-64903.htm

[قيم سودانية مفقودة]

#430053 United States [ود الجبل]

*

0.00/5 (0 صوت)

07-17-2012 04:46 PM
الوطن يحتاجنا هذه اللحظة نحن المغتربين يجب علينا ان نساهم فى رفعته وحا الضائقة التى يمر بها بلدنا الحبيب السودان وان نقوم بتحويل الاموال الشهرية لاسرنا عبر البنوك وبالسعر الرسمى حتى نفرج الازمة التى يمر بها السودان وهى مساهمة بسيطة لاجل بلدنا الحبيب وما حا تاثر على اى مغترب بل ستساهم فى خفض الاسعار والسوق ونحن فى النهاية المستفيدين ووفق الله الشعب والرئيس المشير عمر حسن اليشير ......

[ود الجبل]

ردود على ود الجبل
United States [سعود] 07-17-2012 07:38 PM
حريقة في الانقاذ وفي عمر البشير ياخي خاف الله حتتحاسب يوم لا ينفع مال ولا بنون يا ناس خافو الله في البتكتبوه ده

انا مستني اشوف يوم القيامة كيف حيحاسب البشير والحرامية المعاهو

حسبي الله ونعم الوكيل حسبي الله ونعم الوكيل

United States [رامبو] 07-17-2012 06:46 PM
انقلع

United States [maha bit samira] 07-17-2012 06:04 PM
نحن لسنا بحاجة لوصيتنا على الوطن ولا على أهلنا ولابعد اتهمتونا بشذاذ الآفاق عايزين تتهمونا بالعقوق؟؟؟ ولكننا وفى هذا الوقت لانقبل إطلاقاً بتمويل الحكومة لضرب الثورة لأننا مش طابور خامس لصالح البشير, ولو كنت أملك مليار يورو لن أرسل منها سنت واحد عبر صرافات الكيزان الآن, ولكن سأضعها فى البنك بإسم الشعب السودانى لدعم إقتصاد الوطن بعد نجاح الثورة,وبما أننى لا أملك ذلك المبلغ فانا على إستعداد للعمل فى وطنى بكل ما أملك من علم وخبرة دون مرتب لمدة عام لدعم الاقتصاد الوطنى..وح نبنيهو بالنحلم بيهو يوماتى..وطن حدادى مدادى..وطن حر وديموقراطى...وإنتوا لازلتوا جارين ورا القريشات وماجايبين خبر الكفاءات والعقول المهاجرة ياعالم أصحوا عندكم خريجين بسبب التمكين وصلوا مرحلة ان يكونوا علماء يشار لهم بالبنان فى ناسا الامريكية وإنتوا ماجايبن خبر ...ريال دولار يورو لله يا مغتربين ناس كافورى فقرانين...

#430009 United States [maha bit samira]

5.00/5 (6 صوت)

07-17-2012 03:55 PM
نحن معشرالسودانيون خارج الوطن لسنا مغتربين ولا مهاجرين نحن ضحايا التمكين والقمع السياسى والفكرى والعلمى والجندر, إذا كانت هذه الحكومة الغبيانه تريد منا عملات صعبة !! جداً أصلونا فى أوروبا وأمريكا وأعملوا مؤتمرات مغتربيكم هذه فى إحدى هاتين القارتين, ونعد أهلنا فى السودان أننا سندفع تكلفة ترحيل الصناديق المعقمة بالفورمالين لكل فطائس الانقاذ طرفنا وسنكتب عليها تسلم ليد الشعب السودانى, قروشنا وعلمنا ياسفله ستدخل البلد بعد رحيلكم عن السلطه لتوطين أهل دارفوروالنيل الازرق وكردفان وشرق السودان وتعويض ناس كجبار والمناصير,وبناء الوطن, وعلاج ضحايكم فى بيوت الأشباح...

[maha bit samira]

#429992 United States [اااخ يا بلد]

*

5.00/5 (3 صوت)

07-17-2012 03:36 PM
ايها المغتربون امانة عليكم..اى واحد يوصي اخوه المغترب مايحول عن طريق القنوات الرسمية او البنوك ..النشوفهم بسووا شنو؟
امانة عليكم
امانة عليكم
امانةعليكم ..

[اااخ يا بلد]

ردود على اااخ يا بلد
United States [اخت الشامتة] 07-17-2012 04:34 PM
انت يا جنى مطرطش كيف نخلي اولادنا يحولوا لينا للحكومة ولما نمرض نتعالج بي قروش اولادنا والحيكومة ما جايبه خبر في فسادها
انا كلمتي اولادي البحول للحيكومة ما عافيه منو وبقطع شطري
فرق المبلغ بعالجنا من الملاريا

United States [mohmd] 07-17-2012 04:18 PM
اخي الكريم الموضوع مايحتاج توصية السعر في السوق الموازي أكبر من السعر المعلن والثقة متوفرة.

#429977 United States [الزول الكان سَمِحْ]

5.00/5 (3 صوت)

07-17-2012 03:21 PM
لقد إختارت الحكومة...كرار الحرامى..لشغل هذا المنصب وإختيار كوادره من أقاربه والمقربين منه وهو قد نجح نجاحاً منقطع النظير فى سن القوانين المجحفة ليحلب بها البقرة التى لا تُعلفْ لإرضاء سادته فى الخرطوم..

هذا الجهاز يكيل بعدة آلاف من الميكاييل وليس بمكيالين كما جرت العادة على إطلاق الوصف على عدم العدل والمساواة..ومن نماذج الكيل بتلك الميكاييل مقر إقامة كرار الحرامى (دبى) و (الدوحة)ومعظم العواصم الأوروبية..والنزول فى أفخم الفنادق والسياحة الراقية والموائد الدسمة.والحفلات الماخمج التى خلالها تتم التوصيات ومنح الإستثنآءات والهدايا..وماخفى أعظم..بينما لا يحظى ا(لمكتربين) فى المملكة حيث أكبر جالية فى العالم سوي بسماعهم أن إجتماعاً مع مدير الجهاز قد تم عقده اليوم الفلانى بالرياض..

تحركات وسكنات وإقامات وحفلات وطيارت وسيارات وفيلات ومجاملات كرار التهامى يقوم بتسديدها المغتربون الذين يعلم الله مدى قسوة فراق الوطن والأهل وبعض منهم الزوجات وفلذات الأكباد..

ودايرننا بعد ماتلبن نديها الطير؟؟ يا أخى أحا

[الزول الكان سَمِحْ]

ردود على الزول الكان سَمِحْ
United States [ابو دياب] 07-17-2012 06:30 PM
والله كلامك هي الصميم ...
وكرار التهامي مما استلم الخرابة ده وهو منشار طالع نازل واكل... ولم يقدم للمغترب أي شيئ ... ومعاناة المغتربين لا يعلمها إلا الله وهذا الكرار يعتبر من اسباب بهدلة وعذاب المغتربين .. الله لا يمتعو لا بصحة ولا عافية... ويوريهو عذاب ومعاناة المغتربين في اسرته واهله.. وبالمناسبة انا من المتابعين لتعليقاتك في كل المواضيع لجديتها... وندعو الله ان يرجعك لينا زول سمح قرييييييب ....

#429965 United States [Adrob]

5.00/5 (2 صوت)

07-17-2012 03:06 PM
الأ حباب في الراكوبة مساء الخير.

أبقوا عشرة على قروشكم والمؤمن لا يلدغ من جحر مرتين، قولوها بالفم المليان

عشم ابليس في الجنة.

[Adrob]

#429922 United States [Elmansoor]

5.00/5 (5 صوت)

07-17-2012 02:31 PM
السنة ما نازلين اجازة ولا اي سنة ما لم تنزل الانقاذ ما بتشفو مننا لا ضرائب ولا مساهمة ولا زكاة ولا بدل خدمة الزامية ولا رسوم مغادارة. قرفنا وقرفتونا وقرفتو الناس فينا بالله عليكم زمان الناس كان بوظفو السوداني عشان تعليمو قوي ولغتو الانغليزية قوية دحين ما بيوظفو السوداني عشان تعليمه ضعيف ولغة منتهية بس ده مثال بسيط بين قبل وبعد الانقاذ. كيف وأحد يصرف علي بلد أمنها بعتقل الأولاد والبنات وبعذبهم وبمرمط بكرامة شعبو الأرض كيف تسهام باموالك عشان يصرف علي كلب أمن ينتهك حرمات البيوت ويهين الشيوخ ويذل الأمهات كيف تساهم بمالك عشان تستعبد وتذل وتهان وتعامل ككمبارس.

[Elmansoor]

#429914 United States [المغترب دفتر الحكومة المفلسة]

5.00/5 (3 صوت)

07-17-2012 02:28 PM
البفلس بفتش دفاترة

الحكومة المفلسة عازية ترجع وتشد الضغط على المغترب وبتفتش في دفارتها لجمع ولو بسيط من العملة الحرة علشان تصبح هي حره من الزنقة الشديده دي لكن مافي ليكم يا تجار العملة ادونا اعلى سعر بالله علشان نحول ليكم الدولارات دي نخلي الجماعة يموتو بغيظهم وياكلوا من سنامهم .

وعهدا منا كمغتربين سنبنيك يا وطن ولن نبخل عليك شرطنا مغادره التماسيح والحرامية الماسكة زمام البلد وخانقاك يا وطن استحمل شوية وراجعين ليك معززين مكرمين ونصلح امورنا بانفسسنا

[المغترب دفتر الحكومة المفلسة]

#429907 United States [حلفاوي السوداني]

5.00/5 (4 صوت)

07-17-2012 02:23 PM
التحية لك استاذ حسن وراق

الفرق كبير بين (( المؤتمرات )) و (( المؤامرات ))

[حلفاوي السوداني]

#429897 United States [karlos]

*

4.00/5 (9 صوت)

07-17-2012 02:14 PM
ايها المغتربيين السودانيين

الاحتياطى المركزى فى انتظار دعمكم لاستيراد البمبان و الغازات المسيلة للدموع.

التلفزيون السودانى يحتاج الى دعمكم عشا ربيع عبدالعاطى يستفزكم

جهاز الامن محتاج ليكم عشان يادب ليكم اولادكم.

ايها المغتربين الشرفاء وداد بابكر محتاجة تشترى ما تبقى من بيوت الشيخ مصطفى الامين.

نافع محتاج لاموال لتشغيل مزرعته الفاخرة ادارة تشغيل المزرعة.

مصطفى عثمان محمول و محتاج لدعمكم عشان ما يتسؤل و يبقى شحات.

عمر البشير محتاج للفحم عشان يشويكم الفحم غالى.

البيوت الفى ماليزيا و ايران و تركيا و دبى محتاجة ل فواتير الكهرباء و الموية و الخدمات .

مما تتخلوا عننا ايها المغتربين نحن حصل قصرنا معاكم.

[karlos]

ردود على karlos
United States [Elmansoor] 07-17-2012 03:20 PM
أضعف الامان ولا تعريفة ما بنحول وكان ودنا نكون جوه نحمي أولادنا وبناتنا من الكلاب ديل. وحييييييييييييييييييه والواحد داير يقطع أصبعه من شدة العض

#429891 United States [عصبنجى]

5.00/5 (8 صوت)

07-17-2012 02:10 PM
وصلتنى اللحظة رسالة من ANB(الآن حول عبر بنك الخرطوم واستلم بالدولار بسعر 5948 للجنيه من تلى مونى )
الرسالة مرتبكة وخاتين الدولار محل الجنيه والعكس
No No NOOOOOOOOOOOOOO
أنا أحول لأبو العفين وأبو ريالة وقطبى المهدى ؟NO Transfer
عايزين تشتروا بيها بمبان ؟No TRANSFER
تحاربوا بيها فى النيل الأزرق وجنوب كردفان ودارفور؟ NO TRANSFER
تطبعوا ساكت وتشتروا وتودوها برة..إسمكم

[عصبنجى]

#429887 United States [karlos]

5.00/5 (5 صوت)

07-17-2012 02:07 PM
الاحتيال الاحتيال الاحتيال الاحتيال

القانون لا يحمى المغفلين

و اى واحد عايز يساهم قشة ما تعتر ليهو

قروش شهامة مشت وين الاول

مشروش سندس اول ماسورة اخده المغترب

طيب الحكومة لو حريصة على اقتصاد السودان 70 مليار بتاعت البترول مشت وين؟

و مشروع الجزيرة و الصمغ العربى و السكر الحاجات دى مشت وين

ايها المغتربين الشرفاء سوق مواسير الخرطوم فى انتظاركم الظاهر عليها اخر ماسورة و منها قروشكم تكون فى ماليزيا شايف اليومين ديل كرار التهامى بقى اهم من عوض الجاز كل واحد بى زمنوا

احذر و احذر واحذر القانون لا يحمى المغفلين دى نصيحة اخوية ليكم يا المغتربين حيث لا ينفع اندم الماسورة الاخيرة راجياكم.

جهاز المغتربيين للعامين بالخارج لقينا منو شنو غير المذلة و الاضهاد الواحد حياته كلها مغترب حتى عفش البيت ما رحمونه فيهو و لا تعليم اولادنا و لا ولا و لا

تسقط حكومة النصابيين

[karlos]

#429878 United States [زول]

4.50/5 (4 صوت)

07-17-2012 02:01 PM
لما يلحسوا اكواعهم
ولا دولار ...

بحول مصاريف اهلي بالسودق الاسود
وزمن التدقيس ولى ياحسن وراق
وماتخاف والله لن ينوبهم منا فلس
نوم قغا ...
القروش ال 70 مليار حقت البترول عملوا بيها شنو كايسين ليهم لي فتات وتعب الغربه
خليهم ياخدوا بدلات المؤتمر والغداء والاكل الفاخر والوجاهات ... والكومشنات ... والتلج الب 100 مليون ... والصالات المستأجره بملايين
مننا
بح

[زول]

#429865 United States [مكتوي]

5.00/5 (5 صوت)

07-17-2012 01:55 PM
انا في السعودية جاتني رسالة بالجوال تقول (الآن عبر بنك الخرطوم واستلم بالدولار بسعر 5948 للجنيه من تلي موني

ياسلام ولا في الاحلام والله هللة منى إلا تشموها قدحة شوف المحتالين ديل عليك الله

[مكتوي]

#429849 United States [ود بلد]

5.00/5 (1 صوت)

07-17-2012 01:42 PM
اعتقد ان الكاتب يقصد كلمة الدياسبورا Diaspora وليس الدياسبرا . والدياسبورا كلمة معدلة من كلمة اغريقية استخدمت لقصد توطين اليهود ولا اعتقد ان المعنى هنا يصح

[ود بلد]

ردود على ود بلد
United States [karlos] 07-17-2012 03:00 PM
ويحك يا ابن المقفع الدياسبورى الى اين انت ذاهب مع هذه القافة الى اليمن ام الشام.

قوم لف

#429848 United States [دقاش]

5.00/5 (4 صوت)

07-17-2012 01:40 PM
من أكثر قطاعات الشعب السوداني المهمشة قطاع المغتربين أو المهاجرين أياً كان المسمى، هناك مغتربين من عشرات السنين في دول الخليج العربي، دفعوا ضرائب وزكاة ودعم فضائية ودعم مجهود حربي ودمغة جريح ودمغة شهيد، ألف دمغة ودمغة فماذا قدمت لهم الحكومة في المقابل؟ إذلال شديد في كل الإجراءات تبدأ منذ الوصول لمطار الخرطوم مروراً بجهاز المغتربين ولا تنتهي بمغادرة مطار الخرطوم، أبناء وبنات المغتربين يتعرضون للتمييز الاجتماعي عندما يتقدموا للجامعات السودانية، تخصم منهم حوالي 12% بدون أي مبررات، فإذا قلنا القبول للطب في جامعة الخرطوم والجزيرة وغيرها فوق نسبة 90% فإن ابن أو بنت المغترب إذا حصل على 100% (وهو مستحيل) تحسب بعد الخصم 90% يعني بعبارة أخرى لو كان انشتاين ابن مغترب سوداني لن يدخل طب الخرطوم أو طب الجزيرة أو طب أي جامعة كحيانة في الأقاليم. كل ذلك لإجبار المغترب على القبول الخاص ليدفع الملايين مثل أي أجنبي قل عقله وقرر تعليم ابنه أو بنته في السودان. ننتقل للأراضي السكنية ما زال معظم المعتربين بدون قطعة أرص سكنية في بلد كان يسمى بلد المليون ميل مربع، هل فكر أحد في منح المغتربين قطع سكنية أو حتى بيعها لهم بأقساط مريحة؟ لم يحدث ذلك والنتيجة معظم الأسر المغتربة لا تملك بيت وتقيم عند الأهل حيث تقضي الإجازات. ننتقل للإعفاءات الجمركية: هل تم تقديم أي إعفاء جمركي للمغترب لإدخال سيارة أو عفش بيت عند الخروج النهائي؟ لم يحدث ذلك، معظم المغتربين لا يملكون سيارات في السودان، ولا يقدرون على شراء سيارة هناك، ويحلمون بأن تسمح لهم الحكومة بإدخال سيارة معفية من الجمارك عند الخروج النهائي وهو حلم لا يبدو أن سيتحقق. المظالم كثيرة ولكن دعوني أحكي لكم قصة طريفة ومحزنة في نفس الوقت:
ذهب أحد المغتربين في إجازة إضطرارية لوفاة والده، وبعد انتهاء العزاء جاء ليعمل تأشيرة الخروج، طلبوا منه دفع الضرائب ثم تم تحويله إلى الزكاة، وقام موظف الزكاة بعد أن طلب منه أداء القسم عن راتبه الشهري، قام بحساب الزكاة، فقال له المغترب المسكين (دا مبلغ كبير ما عندي استطاعة أدفعوا، أنا أصلاً مديون وما قادر أسدد ديوني) قال الموظف لازم تدفع عشان تعمل التأشيرة، قال بس المبلغ كبير، قال الموظف ما في مشكلة نخفضه، وقام بإعادة الحساب وقال له خفضنا ليك الزكاة 50% يعني عليك بس 50% والباقي عفيناك منو. فكر المغترب قليلاً ثم قال لموظف الزكاة، هل الزكاة واجبة علي شرعاً في المرتب؟ قال الموظف نعم، بس راعينا ظروفك وخفضناها ليك 50%، قال المغترب: جزاك الله خير، بس عندي مشكلة. قال الموظف: ما هي؟ قال عندي مشكلة في صلاة الصبح وصلاة العشاء لو تعفوني منهن يكون عملتو كويس. قال الموظف: إنت مجنون، في زول في الدنيا يقدر ينقص ليك الصلاة. قال: في. قال الموظف: مين؟ قال: انتو ... إذا نقصتو ركن من أركان الاسلام وهو الزكاة فما المشكلة تنقصو ركن تاني من أركان الاسلام وهو الصلاة.
سبحانك اللهم وبحمدك أستغفرك وأتوب إليك.

[دقاش]

#429837 United States [وعد]

5.00/5 (5 صوت)

07-17-2012 01:30 PM
يحلمون بان تاتيهم دولارات المهجرين (تم تهجيريهم بسبب سياسات الانقاذ) علي طبق من ذهب حتي يتحصلوا علي بعض الدولارات التي انفقوها في ملاذاتهم وفسادهم وشراء المباني والمشاريع في ماليزيا والقاهرة واوربا
سبحان الله عينهم قوية. لقد نسوا او دعونا نقول تناسوا ان اللغة الاعلامية التي يستخدموها مع اهل السودان الطيبين الموجودين في السودان ونسو ان المهجرين يتملكون الحقائق عن فسادهم المالي والاخلاقي وان الاعلام الحكومي واللغة العاطفية المسبوغة بالشعارات الدينية تصيبهم بالغيثان

كيف يقوم المهجرين بدعم الحكومة؟ كيف يقومون بارسال اموالهم وهم يعلمون انها مسرحية هزيلة سيئة الاخراج حتي يستولوا علي اموالهم عديمي الوطنية من ادمنو الحرام قبح الله وجههم

ارحمونا من كلامكم الغبي البتعملوا فيه لن نرسل اموالنا اليكم
دولارات مافي الحسوا كوعكم قبال تشوفوا دولاراتنا ياحرامية

[وعد]

#429833 United States [عصبنجى]

5.00/5 (6 صوت)

07-17-2012 01:26 PM
الحكومة إتبعت تصدير السودانيين للخارج ،بدلا عن اللحوم والقطن ، لتحصل على العملات الصعبة من عرق جبينهم وبعدهم أن أرضهم وأهلهم وأصدقائهم ..
نتيجة للضغوط التى تمارسها الدولة على مواطنيها، فقد هاجر وتغرب الملايين ، بسبب الحروب والتمكين وضيق ذات اليد
هاجر الذين لا يرغبون فى النهل من البرك الآسنة
وعاد للوطن الكيزان المغتربين ليمتصوا دم الفقراء
الذين خرجوا من الوطن عانوا ما عانوا من حكومة الضلال ..ولن يكونوا سعداء بتحويل هللة واحدة ..تغذى عمر النظام ولو لثانية
إئتمروا كما تريدون أيها الواهمون

[عصبنجى]

#429831 United States [كتمت]

5.00/5 (4 صوت)

07-17-2012 01:25 PM
غايتو كان مغتربين السعودية والخليج .. منبطحين منبطحين .. دافعين دافعين ديل نزلوا اجازات مخصوص عشان ترشيح البشير .. اكتر ناس ضد الشعب السوداني .. بذات مغتربين السعودية عن قرب وتجربة معظم من هم حولي مؤيدين لهذا النظام ومعظهم اجلاف .. ناس بقولوا ليك البشير رجع لينا هيبتنا وزمن البشير السوداني بقى اسود بقى يندروا بيهو في المسلسلات السعودية وبقى مادة للسخرية .. اللعنة الله عليهم ..

[كتمت]

ردود على كتمت
United States [وهـــم] 07-17-2012 03:21 PM
هوي يا وهم قاعد وين انت المعظمم من هم حولك مؤيدين للبشير الا كان قاعد في السفارة ولا القنصلية... يأيدو منو ويرشحو منو ؟ كان كدي ما كان رجعو قعدو حدا البشير.. ما تطلق كلامك ساي

United States [زين] 07-17-2012 03:03 PM
كلامك صح يا كتمت - هيبة شنو البيقولو عليها - لو قاليق العربي يا زول يعني اسود البشرة

United States [مواطن سودانى] 07-17-2012 02:29 PM
زى البتتكلم عنهم ديل، خليهم يرجعوا من اجازاتم دى.... شوف الغلا لو ما طير ليهم البشير من راسم، زى ديل مقفلين فى الشقق ويلملمو فيها هللة هللة، لبس زى الناس ما بيلبسوا واكل زى الناس ما بياكلوا "أعوذ بالله"... لمن تجيهم فى قريشاتم دى بجلو ليك البشير على المؤتمر الوطنى،

United States [ابو محمد] 07-17-2012 02:26 PM
والله كلامك صح جلهم مخلوعين وسماحة جمل الطين ؟ وما عرفه الحديث الا لما طلعوا ومعظمهم فاقد تربوى

United States [سوداني حر] 07-17-2012 02:26 PM
يا اخي كتمت نرجو أن لا تعمم الموضوع بتلك الصورة , نحن مقيمين في السعودية لفترة طويلة لكن اقول لك ليس كل السودانيين في الملكة العربية السعودية مع النظام ولا يمكن أن يكون معه لأننا عارفين الصحيحة من الخطاءولو كان هناك فئة تقف مع النظام تلك فقط لمصالحهم ولا عندنا بهم اي دخل,فنرجوا منك أن تصحح كلامك والله سببت لنا ضغط وسكري عديل كدااااااا.

#429826 United States [كوكو]

3.50/5 (2 صوت)

07-17-2012 01:22 PM
الجبايات دي كلها ولسع بتفتشو على شراكة مع المغترب ، هو المغترب فضّل ليهو شنو علشان يشاركوهو فيهو ، يااخي بعرتنا نشقت ...فكو دربنا وجعتو قلبنا

[كوكو]

ردود على كوكو
United States [سعران] 07-17-2012 06:02 PM
ولله العظيم ضحكتنى يا كوكو لمن مسكتنى عشراقه بعرتنا الاتشقت مبالغه الله يديك العافية

United States [ali alfred] 07-17-2012 02:57 PM
كلامك صحيح ودقيق,ولا أدري كيف يدعي ذات الفرد بأنه يدافع عن هؤلاء الذين قطع أرزاقهم وجوعهم وقهرهم وأذلهم وأنه مؤتمن عليهم!!!!!

United States [عوض كدودة] 07-17-2012 02:29 PM
ماتخاف ياكوكو شراكة ذكية .. شراكة نهب وبلع ولغف .. الجماعة واقعين وسعرانين ومافى دولارات فى البلد والزعر حاصل والرئيس إنبطح لسلفاكير .

» يا معتمد الحصاحيصا.. قديمة شوف غيرا !!
» حراك ابناء الجزيرة .. قديمة ألعبوا غيرا !!
» قديييمة شوفوا غيرا!!
» وحدة الاسلاميين .. قديمة ، شوفوا غيرها !!
» يا بت أحسن من غيرا