الجزء التاني

التاني
بس في غلط لغوي في ذكريات نصححو زكريات بالزاي وليست بالذين معليش امي لو سمعت بيهو حاتزعل لانها استاذة لغة عربية وهي الكانت بتدرسني
الجزء التاني
زكريات
كنا واقفين في ناس بر الحصاحيصا كانت بالنسبة لينا قمة السعادة ومرات كنا بنقعد الاجازة كلها لعب وجري اليوم كلو في الشارع. نلعب حجلة في الشارع سك سك دوسوسية بنرجع ناكل بس وطبعا الاكل دي مامشكلة ممكن تدخل اي بيت وتاكل بس الاقرب لمكان اللعب وبناء علي طلب السيد بكري نعرف الاسماء جدي عبد الحفيظ عائد الانا كنتا فاكرة انو صاحب اول فرن في الحصاحيصا الا صحح لي المعلومة خال ميرغني المهم الاغرب انو الناس كان بتجي تقرا كورسات في الاجازة في الخرطوم انا كنتا بمشي ادخل كورسات صيفية في الحصاحيصا كورس طلاب الفرع الصيفي وكمان كنتا بشارك في الايام الثقافية بتاعت الكورس طبعا الكورس ملح لاني تبع عثمان عبد اللطيف ود خالتي ايام الكورس كانت جميلة شديد اتعرفتا علي ناس كتار من حلل تاني حلل دي جمع حلة وبعد الكورسات بعد امتحنتا شهادة سودانية الفترة كانت طويلة جيت قعدتا اجازة طويلة اشتغلتا كمان في البنك السعودي كنتا بمشي مع بنت خالتي اخلاص يومي البنك وكانو مشغلني مراسلة ومرتبي كان فرات ووعندي زكريا ت حلوة مع ناس البنك اسي كلهم بيكون مافي مامون وعلاء وطارق واحلام وغادة وزملائي المراسلين عبد الله والطيب وعمك الكان حارس البنك ايام والله وكان عندنا برنامج ثابت بنمشي نقعد جنب البحر كفاكم كده نواصل ..............

الاخت تماضر لك التحية وانتى ترطبى اجواء المنتدى بهذا السرد الجميل والحنين الى ايام خلت اكيييد تركت فى نفسك الكثير وها انت تمسحى عن الذاكرة ماعلق ، وتتحفينا بها ...... واصلى

ياوليد وتماضر وين ياخوانا عثمان عبداللطيف؟

عثمان عبدالطيف قاعد في الحصاحيصا وشغال في الضرائب

من طرف Tamador في السبت يوليو 25, 2009 12:55 pm

اقتباس :

عثمان عبدالطيف قاعد في الحصاحيصا وشغال في الضرائب

طيب ما تدعوه يبارك لينا المنتدي ده؟

والله كلمناهو قال التكنولوجيا دي ما بعرف ليها لكن بنعلموا انشاء الله

وانا اقول ميزانية الكورس داك فرقة لييييييييه ؟

ياراشد لازم نحاسب الرشيد حسن نصير لانو كان السكرتير الاكاديمي .....

شكرا يا تماضر علي هذه الزكريات الجميلة والتي أعادتنا لنهايات الزمن الحلو .........

تحياتى تماضر

الزكريات جميله جدا رجعت لينا الزمن الجميل ، واكتر ما عجبنى فيها مرتبك فى البنك السعودى (ولا مجال للمقارنه ) . واعتبرى مرتبك لسه ماشه واسالى منو عثمان عبداللطيف .

الاخت تماضر الناس الرايحين من زمن البنك السعودي كتار علاءالدين عبدالمجيد لسه بانكر شغال في ابوظبي وسندعوه للتواصل معكم في شريط الزكريات مع مودتي وشكرى 27-7