اكتب لي يا غالي الحروف

·‏. أكتب لي يا غالي الحروف
واحكي لي ياما الدنيا نوره وفرحتها
صارت بلاك غيمة شتاء
تنسج طيوف وتجيب طيوف والشوق جدار بيناتنا يحجب بهجتها
يا سكة الزول البعيد يا حليله لما اتوارا غاب
خليته يمشي وفي العيون دمعات الم ودمعات عذاب
أتمني وعده يكون حقيقة وعهده ما خدعة سراب
أتمني في لهفة محب شال الصبر لما الصبر في قلبه داب
ارحل قطار ويعود قطار وأصبح الليل الغريب طلت نهار
ويجيني منك إنا بس خطاب اكتب لي حتي الناس تقيف لما يفوته أقول اسلم للجميع
خايف يبين خاطري الكسيح ارجع براي اشقي الدموع
قلب سقاك موسم حنان موسم فرح موسم ربيع
ياريت تشوف انا كلما تنعس شموع بوقد شموع وأفضل أتوه عبر البلاد
يا رب متين وقت الرجوع
اكتب لي خلي النار تموت والهم يفوت انا غير حروفك افقد الدنيا وأضيع

ماف حتى رسالة واحدة؟؟؟؟؟؟
خطاباتي البوديها تقول لا بتمشي لا حاجة وديت ليهو زول مرسال المرسال مشى وما جا
البريدو مالو تأخر بريدو
سعدية مساء الخييييييييييييييييييير لسه الدبرسة ما فكت؟؟

المشاركه جميله....واغنيه من الزمن الجميل...ولسان حال المغتربين يقول..


ياريت تشوف انا كلما تنعس شموع بوقد شموع وأفضل أتوه عبر البلاد
يا رب متين وقت الرجوع....

يا السنجك لسان حال المغتربين يقول يا الله ما في بلدا تاني نطير ليهو .. السودان بعد شوية حيفضل فيه ناس الانقاذ بس وكلوا حا يشتت ...
قولها لي الكلمة ديه قولها لو نفرح شوية

لو كملت الأغنية دي ستفوز بجائزة معتمد الحصاحيصا القادم ....

وييين يا العروس شوقنا يتحداك؟؟؟ أكتب لي...........

ابو النجا يازول يارايع سلامات وعوافي


شفتيني كيف انا ببقى بيك سيد الفرح والريد براى
تشرق شموس زمن الهنا ويرحل جفاف عمرى وصباى
وإن شاء الله طول ما عمري ليك ما تنجرح عزة هواى
بحلم معاك...
بحلم معاك إنو الحزن غيمه وخلاص رحلت بعيد
...وانو اللي باقي من الزمن ومن عمرى كلو بعيشو عيد
إن شاء الله طول ما حبي ليك ما نعيش زمن قاسى وعنيد
جيتي ومعاك..
جيتي ومعاك جاني الصباح عْم الشروق حزن الحروف
يا طيبه زي دفقة طمي بالخير غشت جدب الجروف
إن شاء الله طول ما عمري ليك ما نلاقي يوم قسوة ظروف,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,

لولا الحزن ما كان الفرح، لنحزن حتى يجد الفرح مساحات يدخل إليها.. فلولا الضد لما ظهر حسن الضد..