قي برلمان الحصاحيصا دوت كوم ..هذا المعتمد يجب أن يذهب لأنه ..(أذكر الاسباب )

كلكم ما عارفين حاجة.. اول شيء كيف تتكلموا عن المعتمد قبل أن تعرفوا أولاً ما هي وظيفة المعتمد أصلا؟؟.. تشيلوا وتنتقدوا في الراجل.. عمل ليكم شنو؟؟ .. أول حاجة من مهامه أن يجلس في المكتب.. تاني حاجة خالتي سعيدة تجيب ليه الشاي.. ثالث حاجة.. خالي سعاد تجيب ليه الجبنة.. رابع حاجة خالي أمال تجيب ليه الفطور.. خامس حاجة خالتي هدية تجيب ليهو شاي الفطور.. سادس حاجة يرد على التلفون.. سابع حاجة يتصل هو بالتلفون.. ثامن حاجة ينادي سواق العربية رقم 1 يرسل معاهو احتياجات البيت.. تاسع حاجة ينادي سواق العربية رقم 2 يجيب ليه الجرايد.. عاشر حاجة يقرأ الجرايد.. أها دا كلو وتقولوا ما شغل بعد دا كلوا؟؟ إنتو ما بتخافوا الله؟؟ يعمل ليكم تاني شوووو؟

1ـ استطاع في فترة قفل الأفران ومنع بيع العيش.. في مشكلة الخبز الشهيرة.
2ـ استطاع منع الباعة التجولين والفراشة بفرض جبايات وغرامات ومضايقات عليهم.
3ـ استطاع مضايقة سوق السماكة وترهيبهم.
4ـ استطاع مضايقة ستات الشاي وترك الكثير منهن العمل(يعي قفل بيوت).
5ـ طارد أصحاب المحلات بالسكة حديد موقف أبو عشر وطردهم لحدي ما خلى عبد اللطيف يقول الروووب.
6ـ نجح في الاستثمار فباع كل أراضي السوق وما خلى زقاق(تخطيط جد) الزول دا كان عميد أراضي وللا شنو؟؟
7ـ ضايق كثير من مدراء الإدارات بمحليته حتى قدم عدد منهم اسقالاتهم.
8ـ تفرد بالقرار في مجلس محليته وقال للمتخصصين: (إنتو ما بتعرفوا حاجة.
9ـ ضايق أصحاب الكماين في أرزاقهم وأصر رغم معارضة كثير من محليه على قفل باب رزق الكمننجية.
10ـ أكثر ما يحب (اكتشاف طريقة لقف رزق العباد) وحاله يقول موش كلهم حقيني براي أعمل فيهم زي ما داير.
11ـ ما زال يعتقد أن المحلية مؤسسة عسكرية.
12ـ يكره المثل البقول البياكل براه بخنق. دا مثل عفن خلاص أنا مالي ما خنقتا.
13ـ في محليته غثنان فقط يحبونه كليل كليل والسواق.
14ـ مواطنو الحصاحيصا لا يعرفون حتى اسمه.. فهو لا يحب الكلام يحب الأكل أقصد العمل.
15ـ آآآمن بالمثل القئل من كانت أمو داعية ليه يجيبوه معتمد محلية الحصاحيصا)
16ـ لكن والله ما نظلمو صلح ظلط فور 25 حفرة ظلطاوية ردما ودوبو ما قعد 4 سنة.
17ـ كل من عليها فان.