دي حاله شنو

لا النوم عاوز اجي ولا الزمن ماشي
ولا حتي السجاير لها ريحه
وحتي الشطه صارت بارده
وطعم الليمون غير
يا ربي يكون دا000000000000000

امكن عندك ملاريا ياابو سماح الحق رقبتك بسرعة قبل ماتطلع ليك فى راسك

يقوموا بعدين يودوك شرق الله البارد لشيخ حياتى

عوض والله جد خوفتني
ولله الحمد عمري ماجاتني
الله يستر

ملارية شنو؟؟.. أحمد الله إنك سوداني.

يابوسماح حالتك حالة عادية ما بنفع معاها إلا عنقريب "هبابي" تحت شجرة نيم "كاربة"
طبعاً بعد "فطرة" مدنكلة شطتا "قبانيت" مسقية بموية ليمون طعم ولون
جرب الوصفة دي وصدقني حا تدعو لينا

الوصيه بالمهله ...دحين كلام المحبوب دا ماااااااااتهملو ..اضيف ليها ام فتفت هو نسى يزكرها ليك

الف سلامه دا قهر اغترب بس .الله يكون فى عون الجميع قول امين

مرضك دا يا خوي إسمه مرض حامد، عرفتو والله نوضح أكتر

غايتو لو طلع كلامك صاح أبوسماح يشيل شيلتو مع الامريكان
وقول إن شاء الله ما يعتروا بي مداخلتك دي
ياترتورة تكون بتقصد حامد بريمة ؟؟

لا أنا بقصد حامد ديار

ناجي جندي كتب:: ملارية شنو؟؟.. أحمد الله إنك سوداني.

سوداني او زين الحال من بعضو

المحبوب أحمد الأمين كتب:: يابوسماح حالتك حالة عادية ما بنفع معاها إلا عنقريب "هبابي" تحت شجرة نيم "كاربة"
طبعاً بعد "فطرة" مدنكلة شطتا "قبانيت" مسقية بموية ليمون طعم ولون
جرب الوصفة دي وصدقني حا تدعو لينا
المحبوب سلام
لكن خالد اخوك ابي لينا بالباقي من الوصفه

كوثر يوسف عبدالصادق كتب:: الوصيه بالمهله ...دحين كلام المحبوب دا ماااااااااتهملو ..اضيف ليها ام فتفت هو نسى يزكرها ليك

الف سلامه دا قهر اغترب بس .الله يكون فى عون الجميع قول امين

ام فتفت مش لما نعرف ابوها منو بالاول

عبدالمنعم ترتورة كتب:: مرضك دا يا خوي إسمه مرض حامد، عرفتو والله نوضح أكتر

ترتوره
حامد وين وانا وين

مشكلتي راجع من البلد كويس

اي توضيح اخاف البوست يمشي الخور
خلها كدا عايمه

المحبوب أحمد الأمين كتب:: غايتو لو طلع كلامك صاح أبوسماح يشيل شيلتو مع الامريكان
وقول إن شاء الله ما يعتروا بي مداخلتك دي
ياترتورة تكون بتقصد حامد بريمة ؟؟
حامد ود الجبل كيف معاك امكن يكون هو
وبعدين الامريكان ديل اهلنا ونسابتنا

عبدالمنعم ترتورة كتب:: لا أنا بقصد حامد ديار

حامي الحمي حلو

يعني شنو يا جماعه الخير
لما الزول يابي الاكل
يا ربي تكون دي حاله حب وانا ماعارف

طيب اللف والدوران من الأول لزومو شنو ماكان تقول كنت في زيارة للبلد العامر بأهله، كان من الأول تم تشخيص حالتك صاح وأخذت العلاج الصاح وبقيت صاح ورجعت لي حالتك القديمة ومشيت الدوام تنقش . .. تنقش... تنقش، ورجعت من الدوام كمان برضو تنقش، وأكلت الغدا ونمت وزي مابقولوا من تغدا تمدى ولو الحرب دائرة، وكان عندك دوام تاني تقوم تمشي تنقش لي شغلك وإذا ماعندك دوام تقوم تشوف واحدة من قنوات السودان الكثيرة ذات البرامج الواحدة مع إختلاف العناوين، و تلقى برنامج يحلل المباريتين السابقتين المشهورتين، شهرة الشمس والقمر، ومن القهر الذي يحصل ليك بعد المشاهدة، ترجع ليك الحالة مرة تانية، وكأننا يا عمر لا رحنا ولا جينا، وترجع ريما لي عادتها القديمة، وتيتي تيتي زي ما رحت زي ماجيتي.
آخر نصيحة: مافي داعي للمشي للسودان، عشان شكلك كدي حساس شوية، زي وكِدا

ابوسماح عندك واحد من اتنين يا تمشي مطعم ليالي الخرطوم يوم الخميس عندهم كبدة ابل مع شوربه بس انسي ولا كمان تشوف رمادا دربو بيوين

والله ماعارف من وين اجيب واجيد الاوصاف
لكن دي ما حصلت لي من قبل
اوجاع بالضهر وتكسر في كل الجسم وصداع
وكحه من جوه ولا نوم ولا شم ولا طعم
وكميات من القلق
انتو ناس الصيدله قريتو شنو وبتصنعوا في شنو
وكمان توهان واحلام شينه في عز النهار
وانت صاحي
ينط عليك ود ام بعلوا ذاتو
تسمع الاذان ولا تدري هل هو للصبح ام العشاء
وهضربه
عموما يا خريجين الصيدله
حاولوا اجتهدوا وشوفوا لينا وصفه ناجحه

والتحيه لكل من مر من هنا ووجد المحل مقفول

مقفول للصيانه

ترتوره بالمحل اكياس بلاستيك للبيع

ابو حمودي

وعابدين فون لخدمه التلفزيون

هل الأكياس مربوطه بالزاويتين والله محتاجة نعمل ليها قرنين

وتتشابه الايام

و الله يا ابوسماح حالتك دى ما عندى ليها دوا غير ترجع السودان . قلت شنو ؟

يرجع السودان هههه قالت يرجع السودان هي ناقصه يا كوثر

» سيب الدزاين في حاله
» برج حاله خاصة
» عبر عن حاله مزاجك اليوم
» في حاله نادرة الحدوث سيدة حامل بتوئم من رجلين مختلفين
» هذا الرجل ، هو أحد ابرز منْ دمروا مشروع الجزيرة!!! ولسوف لن يسهم في إصلاح حاله!!!