برج حاله خاصة

أحمد بابكرالكوني كتب:

ياخ بلا إرادة بلا بطيخ هو أنا لي خمسة سنة وأنا بحاول أخلي الصعود ((التنباك)) وماقادر،، قال إرادة قال!!!!

أحمد... أنا يمكن كنت بسف تمباك من 1969م. خليتو فجأة بقوة إرادة و في يوم واحد موش بالتقليل. هاك تمرين جدي علي المسألة:
ما تغير شئ من عادتك...
أذهب و إشتري صعوتك كالعادة.
خت الحُقة او الكيس قدامك.
في كل مرة تخرم انظر للكيس او الحُقة و قل ليهم: يا أنتو يا أنا!
مرّة تانية قول ليهم: هو دا معقول بس انتو ما عندكم عقل و تسيطروا علي إنسان عندو عقل؟!
استمر علي هذا التمرين كم يوم و ما تشفق.
لاحظ كم مّرة في اليوم بتقول ليهم الكلام دا... يعني دا بعدد السفات في اليوم.
في نفس الوقت فك الإرتباط بين السفة و الأشياء التانية اللي بتشجع علي السّفة زي الشاي و القهوة.
بعد كم يوم ستجد نفسك تغلبت علي مسألة الصداع المرتبط بالعادة. ستجد نفسك تأكل بشهية و نفسك مفتوحة علي الآخر... ما تشفق حيث ان هذه حالة تقدم صحي.

و هكذا ستتخلص من هذه العادة الكريهة. و زي ما قلت ليك انا تخلصت من الصعوط في يوم واحد و من السيجائر السنة الفاتت رميت آخر سيجارة في احدي المحطات في السويد و قلت لبنتي شهد إذا شفتيني اسجر تاني قول لي يا بابا انت جبان. و الحمد لله تخلصت من السيجائر أيضاً.

خالد
http://www.hoa-politicalscene.com/environment-protection.html

أمين الركابي كتب:

وين يا أحمد يا كوني ،،

أنا من برج الميزان ،،

كدي شوف الحاصل شنو ،،

مع العدل الملخبط دة ،،

يكون ميزاني مطفف ولا شنو ،،

يا النبي نوح ،،

من هذا البوح ،،

ركــــــــابي ،،
وقـ المغارب ـت

[b]وين يا أمين ياركابي،،،
حمداً لله على السلامة،،
حمى كفارة إنشاء الله،،
ملارياااااااااااء،،ولا شنو،،
عموماً سلامتك عارفك بتداويها دون الأطباء والحقن،،
ما من زمان مابتريد الحقن،،،
حظك ياحبيب ((تتفاوض على عمل حساس وقد تناقش عقداً أسأل من تجدهم مؤهلين لنصيحتك وأحذر من أفكارك الحالية ، أنت الآن في فترة ركود فكري نتيجة ضغط متواصل لذا عليك التروى)) تكون حتتعاقد مع يوفنتوس ولا شنو،،،
ياخوي هاك حظك مني وسيبك من ديل(( ستذهب إلي مكان ترتاح اليه كثيراً ،مافله راكوبة بي حطب الكتر مزروبة عادمة سرير والسوسيو وقع في الزير وتخرج بافكار جنونية يتحقق منها القليل والبقية تؤجل إلي أجل غير مسمى)) أها رايك شنو[/b]

خالد محمد عثمان كتب:

أحمد بابكرالكوني كتب:

ياخ بلا إرادة بلا بطيخ هو أنا لي خمسة سنة وأنا بحاول أخلي الصعود ((التنباك)) وماقادر،، قال إرادة قال!!!!

أحمد... أنا يمكن كنت بسف تمباك من 1969م. خليتو فجأة بقوة إرادة و في يوم واحد موش بالتقليل. هاك تمرين جدي علي المسألة:
ما تغير شئ من عادتك...
أذهب و إشتري صعوتك كالعادة.
خت الحُقة او الكيس قدامك.
في كل مرة تخرم انظر للكيس او الحُقة و قل ليهم: يا أنتو يا أنا!
مرّة تانية قول ليهم: هو دا معقول بس انتو ما عندكم عقل و تسيطروا علي إنسان عندو عقل؟!
استمر علي هذا التمرين كم يوم و ما تشفق.
لاحظ كم مّرة في اليوم بتقول ليهم الكلام دا... يعني دا بعدد السفات في اليوم.
في نفس الوقت فك الإرتباط بين السفة و الأشياء التانية اللي بتشجع علي السّفة زي الشاي و القهوة.
بعد كم يوم ستجد نفسك تغلبت علي مسألة الصداع المرتبط بالعادة. ستجد نفسك تأكل بشهية و نفسك مفتوحة علي الآخر... ما تشفق حيث ان هذه حالة تقدم صحي.

و هكذا ستتخلص من هذه العادة الكريهة. و زي ما قلت ليك انا تخلصت من الصعوط في يوم واحد و من السيجائر السنة الفاتت رميت آخر سيجارة في احدي المحطات في السويد و قلت لبنتي شهد إذا شفتيني اسجر تاني قول لي يا بابا انت جبان. و الحمد لله تخلصت من السيجائر أيضاً.

خالد
http://www.hoa-politicalscene.com/environment-protection.html

[b]شكراً ياخالد سوف أحاول إنشاء الله،،
لكن بيني وبينك ماصعبة تعاين للكيس وماتسف،،
تسلم ياحبيب وهاك رقم صحيح ((نسبة المتنبكين بالسودان تعدت 25%)) الله يكون في العون[/b]

عليك الله ياكونى شوف برج حسن وراق ده شنو ..فى حاجه اسمها برج الحظ؟؟ ده بكون برج حسن غايتو!!
شوف لينا معاك الاسد ..
كل برج وانت بخير..

أحمد بابكرالكوني كتب:

العزيزأبوحراز،،
الله سترك ،،زولك دا دجال ،،
لكن قريت ليك برجك اليوم(( ربما تواجهك بض المشكلات العائلية الجدية، لا تحاول أن تكون صاحب الكلمة الأخيرة في كل شئ لأن الإستئثار بالرأي يقود إلي نزاع في محيطك وقد لا يكون الأنسب.)) أها لقيتني كيف؟؟؟؟ قتاحة صاح

قال صاحب الكلمة الأخيرة قال !!!
ياخي بالله انت زول قديم جداً
حليل زمن الرجال أصحاب الكلمة الأخيرة
نحن الآن في مرحلة { الحمار } طالع شايل ونازل شايل
صحيح مرات كتيرة بتكون صاحب الكلمة الأخيرة في كل شيء
وهي { حاضر 00 حاضر 00 }
ياخي والله عاوز الصراحة نسوانا مسكينات جدا
صحيح مرات بتحرد وبتتكرفس وبتقبل على الحيطة
لكن كلمة واحدة تلقاها طلعت في السماء ولامست بأجنحتها أهداب المطر !!!!

أخوي صاحب التمباك
أول شيء ياجماعة الفرق شنو بين التمباك والسعوط ؟؟
تاني شيء عندنا عمنا يوم جاتو { خرمة } نص الليل
وعمك سيد التمباك زول صعب جدا
لكن لحسن الحظ كان ببيع أكفان
مشى عمنا وصحاهو وقال ليهو عندنا حبوبتنا ماتت وعاوزين ليها كفن
الراجل قام مخلوع وشال الفاتحة مع عمنا
اها لمن دخل الدكان قال ليهو والله معليش عاوز لي تمباك
زولك شدة مازعل اداهو { سفة } واحدة وقفل الحقة الكبيرة والدكان

طبعاً مابيعرف كلامكم الكبار بتاع المحاورة مع الحقة
يوم حلف بالطلاق انو مايسف مرة تانية
وجاب حجر كبير بعد الفطور وقدام آلاف المشجعين
وقام وقع ليك في الحقة وطفقها وكسرها
ومشى نام
والجماعة كانوا مبسوطين باليوم الأبيض
أها اتغدينا
كان نشوف صاحبك مشى جاب ليهو شاكوش وبدأ يصلح في الحقة مرة تانية

قال علي بالطلاق قال !!!!

يا كوني كالعاده مبدع وموضوعك شيق وجميل وطال ما انك فتحتها تنجيم اه شوف لي الحمل بيقول شنو وعن الارقام انا من مواليد 9/4 يعني 13 الخلاصه 4 رايك شنو في الرقم اربعه وعن التنباك اقول ليك ما تحاول وانت في السودان صعب صعب صعب تخليو والله انا خليتو في السودان قبل ما اجي هنا بي سنتين ولي هنا 6 سنه ووالله والله لسه خرمان وراسي ناقص ليو سفه بس مستحيل اتمو بعد الوقت ده كلو ( خجل بس ) النصيحه انسى الفكره ..
مع خالص الود والتقدير

يا كوني أنا أديتك خلاصة حل (سايكولوجي) إشتغل قبل كدا بلغة مبسطة عشان التنفيذ يصبح ساهل! و تأكد إذا مشيت بالخطوات دي حا تنجح لانها تتعلق بتمرين الإرادة و دي من الأشياء المجربة علمياً عندنا هنا نحن طبقنا عليها أكثر من 10 حالات في حلقة دراسية واحدة، بس طبعاً موش في السفة.