محاكمة الطالبة راما صابر بمحكمة الحصاحيصا

تستجوب محكمة الحصاحيصا يوم الخميس المقبل عميد كلية التربية بجامعة الجزيرة في قضية الطالبة راما صابر المتهمة تحت المادة (97) الإدلاء ببيانات كاذبة، وقالت المتهمة راما صابر لـ(الميدان) أن ملابسات القضية تعود إلى القبض عليها بتهمة توزيع بيان سياسي داخل الجامعة، ومحاكمتها تحت المواد (67) و(77) الإزعاج العام وإثارة الشغب، وأدانتها والحكم عليها بالسجن والغرامة وكتابة تعهد، فيما أوضح محامي المتهمة الاستاذ عاكف إسماعيل
أمس لـ(الميدان) أن تهمة الإدلاء نبعت من مخاطبة الجامعة في مرحلة التحريات لإثبات إنتساب المتهمين لجامعة الجزيرة، ونفت الجامعة أن تكون راما طالبة بالجامعة بالفصل الدراسي الحالي، مؤكداً بأنه يمتلك من الوثائق ما يثبت إنتساب راما للجامعة، ومضيفاً بأن ما قدمه من دفوعات في جلسة الأمس، إستدعي أن تقوم المحكمة بإستدعاء عميد الكلية وإحضار لائحة الجامعة للفصل في الإتهام، ومعرباً عن ثقته في براءة موكلته من التهمة المنسوبة إليها

جلست مع الطالبة لبضع وقت.. وكنا في الجلسة عدد من الرجال ما عدا هي المرأة.. وقالت بالحرف الواحد: البلد كان فيها رجال ما كنا وزعنا المنشورات نحن النسوان.. ثم أردفت: إنتو ما بتخجلوا تدعموني وللا تتهموني.. كلكم عاوز يخرج الشارع وخافين.. منو فيكم الشبعان؟؟.. منو فيكم المبسوط؟؟.. راتبكم دا بكفيكم؟؟.. يا ناس خافوا الله.. أنا ما بنكر شيء عملتو وكان فكوني أسسسه تاني بوزع المنشورات.. وصدقت البلد ما فيها................

إنت عارف يا عاطف النشورات مكتوب فيها شنو؟؟.. والله تضحك.. حكت المنشورات عن حال البلد وحال الحكومة وحال الشعب.. فقط.. وبرضو قبضوها الكلاب.

يا ناجى ..سلام .. والتحية والإجلال للكندكات بلادنا فى زمن القهر والإستبداد .

يا أخونا منشورات شنو .ده زمن منشورات ماهو دا المنتدى هذا الناس بتقول فيه ما لم يقل مالك فى الخمر ......... والموضوع لمن يصل القضاء حقه ما يسيس
لأن عدالة القضاء فوق السياسة خاصة القضية فى يد أمينة عند المحامى الخلوق عاكف اسماعيل . وبشهادة الأعداء أنزه قضاء فى العالم اليوم القضاء السودانى

صلاح كتب:: يا أخونا منشورات شنو .ده زمن منشورات ماهو دا المنتدى هذا الناس بتقول فيه ما لم يقل مالك فى الخمر ......... والموضوع لمن يصل القضاء حقه ما يسيس
لأن عدالة القضاء فوق السياسة خاصة القضية فى يد أمينة عند المحامى الخلوق عاكف اسماعيل . وبشهادة الأعداء أنزه قضاء فى العالم اليوم القضاء السودانى

يا أخونا صلاح عثمان تحياتنا :

لفتتنى الفقرة الأخيرة من كلامك و إتخيلتا أنو ده شهر أبريل ، بس عايز أقول ليك أرجع لمساهمات مولانا سيف الدولة حمدنا الله عن القضاء السودانى وعن رئيس القضاء وعن المحاكم الخاصة فى الاتصالات وخلافه ، وأرجع يا طويل العمر لمحصلة اللجان القضائية للتحقيق فى الجرائم المرتكبة فى دارفور ، و أرجع لمخرجات لجنة أبوقناية بتاعة مكافحة الفساد وعن موضوع شركة الأقطان وموضوع شركة كور وموضوع الأسمدة المنتهية الصلاحية ...... الخ الخ

خليك من دا كله يا أخى صداح :أنا ما لقيت فى العالم قاضى محكمة عليا يلقى
قرار رئيس الجمهورية إلا فى السودان . ودونك قضية القطعة فى حى الموظفين
بسنار التى حكم فيها القاضى الأمين الطيب بالقاء قرار رئيس الجمهورية القاضى بأيلولة القطعة الى حكومة الولاية . الفضاء من حولنا أنت أعلم به على الأقل فى الدول العربية والتى قام فيها على أيدى السودانيين .

خليك من دا كله يا أخى صداح :أنا ما لقيت فى العالم قاضى محكمة عليا يلقى
قرار رئيس الجمهورية إلا فى السودان . ودونك قضية القطعة فى حى الموظفين
بسنار التى حكم فيها القاضى الأمين الطيب بالقاء قرار رئيس الجمهورية القاضى بأيلولة القطعة الى حكومة الولاية . الفضاء من حولنا أنت أعلم به على الأقل فى الدول العربية والتى قام فيها على أيدى السودانيين .
يا راجل اتصل علي الناجي صاحب الدكان والقضية في سنار قول ليه الحاصل شنو في الموضوع قال لقي قرار رئيس الجمهورية

صلاح كتب:: يا أخونا منشورات شنو .ده زمن منشورات ماهو دا المنتدى هذا الناس بتقول فيه ما لم يقل مالك فى الخمر ......... والموضوع لمن يصل القضاء حقه ما يسيس
لأن عدالة القضاء فوق السياسة خاصة القضية فى يد أمينة عند المحامى الخلوق عاكف اسماعيل . وبشهادة الأعداء أنزه قضاء فى العالم اليوم القضاء السودانى

يا صلاح ،سلام .تعرف جماعة الجهاد الالكترونى ديل لو وجدوا
فرصة فى المنتديات كان نجموها نجام قبورة! والبُعع التانى
الرقابة القبليه فى الصحف، وما تنسى ناس المصنفات الادبيه ،
كل هذا لقمع الاصوات المعارضة لنظام الانقاذ .. اما حديثك عن
نزاهة القضاء السودانى ، فى تقديرى ، جانبك الصواب ! وما تشكر
لينا الراكوبة فى الطرفه ! رحم الله زمن نزاهة القضاء ! فامثلة اخونا
صداح لا يختلف عليها أثنان ! وازيدك فى بيت القصيد بيتاً عن
نزاهة قضاء الانقاذ ، لماذا شطتبت قضية دكتور فاروق محمد
ابراهيم ؟ ولماذا لم تكتمل إجراءات محاكمة قتلة الشهدين
دكتور على فضل 1990، والشهيد عبدالمنعم رحمة 1996.
ولكى تدرك نزاهة قضاء الانقاذ إقرأ بوست أخونا ترتورة .

صداح فاروق وراق كتب:

صلاح كتب:: يا أخونا منشورات شنو .ده زمن منشورات ماهو دا المنتدى هذا الناس بتقول فيه ما لم يقل مالك فى الخمر ......... والموضوع لمن يصل القضاء حقه ما يسيس
لأن عدالة القضاء فوق السياسة خاصة القضية فى يد أمينة عند المحامى الخلوق عاكف اسماعيل . وبشهادة الأعداء أنزه قضاء فى العالم اليوم القضاء السودانى

يا أخونا صلاح عثمان تحياتنا :

لفتتنى الفقرة الأخيرة من كلامك و إتخيلتا أنو ده شهر أبريل ، بس عايز أقول ليك أرجع لمساهمات مولانا سيف الدولة حمدنا الله عن القضاء السودانى وعن رئيس القضاء وعن المحاكم الخاصة فى الاتصالات وخلافه ، وأرجع يا طويل العمر لمحصلة اللجان القضائية للتحقيق فى الجرائم المرتكبة فى دارفور ، و أرجع لمخرجات لجنة أبوقناية بتاعة مكافحة الفساد وعن موضوع شركة الأقطان وموضوع شركة كور وموضوع الأسمدة المنتهية الصلاحية ...... الخ الخ

تسلم ياصداح ، على الامثلة الساطعة التى تقدح فى
نزاهة القضاء الانقاذى ، إن النظام الفاسد لن يشرع
لجهاز عدلى قويم ، لانه يتنفس فساداً فى كل الاصعدة
سياسياً ، إقتصادياً ، ثقافياً ، عدلياً .. الخ فساد انظمة
الشموليه .

amar salih كتب:: خليك من دا كله يا أخى صداح :أنا ما لقيت فى العالم قاضى محكمة عليا يلقى
قرار رئيس الجمهورية إلا فى السودان . ودونك قضية القطعة فى حى الموظفين
بسنار التى حكم فيها القاضى الأمين الطيب بالقاء قرار رئيس الجمهورية القاضى بأيلولة القطعة الى حكومة الولاية . الفضاء من حولنا أنت أعلم به على الأقل فى الدول العربية والتى قام فيها على أيدى السودانيين .
يا راجل اتصل علي الناجي صاحب الدكان والقضية في سنار قول ليه الحاصل شنو في الموضوع قال لقي قرار رئيس الجمهورية

تسلم يا عمار ، إن تجاوزات القضاء الانقاذى على قفا من شيل !
ولعنات المظلومين لن تذهب هدراً ، طال الزمن أم قصر . عند الاطاحة
بنظام الانقاذ سوف يحاسب شعبنا كل من إنتهك حقوقه .

هبوا لحضور محاكمة الطالبة الجسورة راما صابر
غداً ،15/11/2012.

ربنا يوفقكم يا استاذ دي مش راما صابر دي قااااما صابر

انور عوض كتب:: ربنا يوفقكم يا استاذ دي مش راما صابر دي قااااما صابر

تسلم يا استاذ انور ... والتحايا لباسلة راما ولجسور السمؤال
ولكل من قال فى وجه نظام الانقاذ الغاشم لا .

الاخوان / عاطف وصلاح وناجي وصداح وانور لكم التحية ولكل محبي دوت كوم

عاوز اقول حاجة لكن قبل ما اقولها انا متاثر جداً بالمقدمات بحكم انو كنت في يوم من الايام اعمل معلم ومعروف عندنا في التعليم قبل ما تبدا تدريس الدرس الجديد لازم تعمل مقدمة للموضوع
واعود لمقدمتي وهي حادثة واقعية ايام الدراسة الجامعية كان يدرس معنا زميل الله يطراهو بالخير هذا الزميل كان خجول جدا خاصة اما الجنس اللطيف وفي احد الايام كانت هنالك جلسة مسائية بحضور عدد من الزميلات حضر زميلنا معنا بحكم انه واحد من الشلة وكان من بين الحضور احدى البنات الجريئات فوجدتها فرصة وسالت زميلنا عن سبب انعزاله وابتعاده عن البنات فرد عليها قائلا : انا امي وصتني قالت لي ما تقرب البحر وما تقرب البنات فانفجر الجميع بالضحك.
اعود للموضوع منشورات شنو البتوزعها بنت !!!؟ البنت دي ما عندها طايوق ؟ ما تشوف قرايتها بي وين وتخلي الكلام الفارغ البتعمل فيهو ده ! !!
ده طبعا راي الشخصي وكما تعودنا في دوت كوم ان اختلاف الراي لايفسد للود قضية ونلتقي،،،،

اذا تغير النظام...هل تتغير النفوس..الجشع ..والطمع ...والفساد...والظلم...
هل سياتي من يحقق اماني هذا الشعب...هل يسد جوعنا...؟ام سياتي
هو جوعان ليشبع؟....

اصبح السودان جسدا بلا روح....فقد انهكته الحروب...واصبح غير قادر علي اطعام
ابنائه.....
كم انت عزيز ايها الوطن....

في هذه الساعة يتم في محكمة مدني الكبري محاكمة بعض طلاب جامعة الجزيرة الشرفاء منهم :
احمد سلاجه
راشد بله
متوکل الدابی
محمد صلاح
تحت البلاغ رقم 7102(التحريض علي الشغب والعبث بالممتلكات العامة
وتسبب الاذي الجسيم للغير ).
كامل التضامن معهم والتحية لمحموعه المحامين الوطنيين الشرفاء
الذين يساندونهم وفي انتظار نتائج المحكمة المسرحية لارهاب الطلاب
والمواطنيين .

عاطف عمر كتب:: الاخوان / عاطف وصلاح وناجي وصداح وانور لكم التحية ولكل محبي دوت كوم

عاوز اقول حاجة لكن قبل ما اقولها انا متاثر جداً بالمقدمات بحكم انو كنت في يوم من الايام اعمل معلم ومعروف عندنا في التعليم قبل ما تبدا تدريس الدرس الجديد لازم تعمل مقدمة للموضوع
واعود لمقدمتي وهي حادثة واقعية ايام الدراسة الجامعية كان يدرس معنا زميل الله يطراهو بالخير هذا الزميل كان خجول جدا خاصة اما الجنس اللطيف وفي احد الايام كانت هنالك جلسة مسائية بحضور عدد من الزميلات حضر زميلنا معنا بحكم انه واحد من الشلة وكان من بين الحضور احدى البنات الجريئات فوجدتها فرصة وسالت زميلنا عن سبب انعزاله وابتعاده عن البنات فرد عليها قائلا : انا امي وصتني قالت لي ما تقرب البحر وما تقرب البنات فانفجر الجميع بالضحك.
اعود للموضوع منشورات شنو البتوزعها بنت !!!؟ البنت دي ما عندها طايوق ؟ ما تشوف قرايتها بي وين وتخلي الكلام الفارغ البتعمل فيهو ده ! !!
ده طبعا راي الشخصي وكما تعودنا في دوت كوم ان اختلاف الراي لايفسد للود قضية ونلتقي،،،،

اخونا عاطف .. سلام ،مع كامل إحترامى لام صاحبك ! إلا أن
الاوطان تتقدم بابنائها (اولاد وبنات) ، ومن واجب الوطن على
الجميع الوقوف بثبات ضد اى إنتهاكات حقوقيه مهما صغر
حجمها. اما فهمك عن البنت مكانها البيت وليس لها دور
فى العمل السياسى أو العمل العام ،فهذا فهم تجاوزته
المرأة السودانية منذ الكنداكة ، ومهيرة بت عبود ،وشغبه
المرغبايه وفاطمة أحمد ابراهيم ... الى راما صابر.
فالباسلة راما صابر سليلة نضالات ضاربه فى اديم السودان،
لذلك لاتنتظر الإذن من شخصك الكريم أو فرمان من جهاز
أمن الانقاذ لكى تمارس اى نشاط سياسى ، فزمن الوصاية
على المرأة ولى من غير رجعة الا فى ذهنية من يريدون أن
يسبحون عكس تيار تقدم ،وإزدهار،وتفرد الاوطان .
كما تعلم إننى مُعلماً، يؤسفنى أن أقرأ مثل هذا التعليق من
زميلٍ فى مهنة التدريس .[/

معتصم السنجك كتب:: اذا تغير النظام...هل تتغير النفوس..الجشع ..والطمع ...والفساد...والظلم...
هل سياتي من يحقق اماني هذا الشعب...هل يسد جوعنا...؟ام سياتي
هو جوعان ليشبع؟....

اصبح السودان جسدا بلا روح....فقد انهكته الحروب...واصبح غير قادر علي اطعام
ابنائه.....
كم انت عزيز ايها الوطن....

اخونا معتصم ، تسلم ويسلم السودان من أفة الانظمة الشمولية،
التى تُكرس لليأس والاحباط ، بأنها الخيار الاوحد للشعب فى انظمة
الحكم ، الا أنها الاسوأ فى إهدار كرامة الانسان وتخريب الاوطان ،
واسطع مثال نظام الانقاذ الفساد ،الذى جعل الوطن تذروه ريح
الفساد على مستوى كل الاصعده سياسياً وإقتصادياً وإجتماعياً
وتنموياً. فشعبنا قادراً على رمى نظام الانقاذ الى مزبلة تاريخ
الانظمة الشمولية مهما طال الزمن أم قصر .

جهاز الأمن يعذب طلاب ثانوي بصب (ماء النار) على أجسادهم !

(الراكوبة – حريات)

عذبت الأجهزة الأمنية مجموعة من طلاب المرحلة الثانوية بمدينة نيالا الذين كانت اعتقلتهم الخميس 8 نوفمبر .

والطلاب هم : ابو القاسم محمد اسماعيل ، محمد الفاتح محمد ادم ، عايد عبدالله احمد ، نزار الفريع ، محمد بله محمد ، احمد عوض وعمار عبدالله تيراب.

ومارست الأجهزة الأمنية على الطلاب مختلف أنواع التعذيب البشعة ، من ضرب وصب (ماء النار) على اجساد بعضهم، بل قامت بالقاء المعتقل أبو القاسم بمنطقة (مرشنج) التي تقع خارج مدينة نيالا.

وحاولت أسر المعتقلين التقدم بفتح بلاغات جنائية ضد مرتكبي التعذيب ، غير أن الأجهزة الأمنية منعت ذلك.

وقال ضباط من جهاز الأمن لأسر المعتقلين أن لا أحد يحق له محاسبة الأجهزة الأمنية، وتحديد طبيعة عملها، وأن لا رقيب على الأجهزة الأمنية غير (الله سبحانه وتعالى) !
محاكمة الطالبة راما صابر بمحكمة الحصاحيصا 341

محاكمة الطالبة راما صابر بمحكمة الحصاحيصا 341

جهاز الأمن يعذب طلاب ثانوي بصب (ماء النار) على أجسادهم !

محاكمة الطالبة راما صابر بمحكمة الحصاحيصا 28

محاكمة الطالبة راما صابر بمحكمة الحصاحيصا 14

جهاز الأمن يعذب طلاب ثانوي بصب (ماء النار) على أجسادهم ! محاكمة الطالبة راما صابر بمحكمة الحصاحيصا 31

إن تعذيب جهاز أمن الانقاذ لشرفاء الطلاب ،أو إقامة المحاكم ،
والاغتيالات (محمد عبدالسلام) ، أو حرمانهم من حق التعليم
وفق الاسس التربوية والتعليمة السليمه ، سوف يزيد الحركة
الطلابية قوة وصمود وثبات لمنازلة نظام الانقاذ الذى لايحترم
حق الطلاب فى التعليم أو الاهتمام بالشأن العام ،لوطن تنتاوشه
السهام الانقاذيه المدمرة لكل ماهو جميل فى السودان .
الويل والثبور لجلادى الشعوب .

السيد :عاطف عمر
احترم رايك جدااا
ولكن ............
من حقها انت توزع منشورات وتعبر عن رأيها بأي طريقه بدون الدخول في حريه الاخرين
سؤال:المشكله شنو لمن البت توزع منشور؟
[right]

حسن شراره كتب:: السيد :عاطف عمر
احترم رايك جدااا
ولكن ............
من حقها انت توزع منشورات وتعبر عن رأيها بأي طريقه بدون الدخول في حريه الاخرين
سؤال:المشكله شنو لمن البت توزع منشور؟
[right]

اخونا حسن .. سلام ، وتسلم .ومن حق اى مواطن ممارسة
اى نشاط سياسى وفق المواثيق الدولية لحقوق
الانسان ، وعلى الدولة المحترمة أن تحرم وجه نظر
مواطنيها ، الا أن الدول التى تُساس بواسطة الانظمة
الديكتاتورية لا تقر بهذا الحق ، بل تسعى لتنكيل بمن
يخالفها الرأى. فهذه الانظمة مصيرها الى الفناء مهما
تخندقت بترسانة من أدوات القمع والكبت والاذلال .
وإن غداً لناظره لقريب !!!

» انت يا صابر وعند الله جزاك /لكن ما بالغت يادكتور /اتاريك كنت ماسحنا / مظاهرات مع وقف التنفيذ / مقلب السنين
» محاكمة لبني الحسين
» hindawi bay
» محاكمة مواطن بأمر محلى
» بانو راما بانو راما