الحلو مر (الآبري )

الحلومر


الحلومر أو الآبري كما في بعض مناطق السودان، من المشروبات الهامة في السودان خاصة في شهر رمضان.
ويرجع اسم حلومر لطعمه الذي بين (الحلو والمر)
مراحل تصنيع الحلومر أو الآبري:-
1/ يستخدم فيه الذرة (العيش) الفيتريتة أو أي ذرة آخر غير أن الفيتريتة هي الأجود.
*ينظف الذرة جيداً قبل الاستخدام.
2/ مرحلة التزريع (الزريعة):
في هذه المرحلة توضع الذرة على قطع من الخيش (ذات مسامات كبيرة) ثم تروي بالماء عن طريق الرش تمهيداً لعملية التزريع وتسمى هذه المرحلة (بالزريعة) وفيها ينمو الذرة مكوناً بدايات الأوراق والجذور ويكون حلو المذاق..
• تستمر مرحلة التزريع لمدة 6 إلى 7 أيام حسب نوعية النمو مع ملاحظة السقي صباح – مساء عن طريق الرش..
3/ بعد ذلك توضع الزريعة الخضراء على بساط (برش) وتنشر لأشعة الشمس لتجفيفها والعمل على تفكيكها من بعضها البعض..
هذه العملية تستمر (لمدة 2 إلى 3 يوم حسب نوعية الطقس وحرارة الجو..
وهنالك قول شهير: يقولون: ((الحلومر السمح معروف من زريعتو)) أي كلما كانت متشابكة الجذور وحمراء وحلوة المذاق كلما بشر ذلك بحلومر جيد.
4/ بعد اكتمال تجفيف الزريعة تُطحن بواسطة الطواحين.
5/ يضاف دقيق ذرة عادي (بعد تسخينة بإضافة ماء له – حتى يكون يكون كشكل العصيدة) يضاف للطحين مع مراعاة: (نسبة الثلث) بالمقارنة مع دقيق الزريعة..
مثلاً لو استخدمنا ربع زريعة يجب أن يكون الدقيق المضاف هو ثلث الربع..
6/ مرحلة: الكر (التحريك)
يخلط دقيق الزريعة مع دقيق الذرة العادي مع التحريك المستمر بواسطة (عود كبير) وهو ما يسمى بالمكرار.
7/ هنالك بهارات تسحق وتضاف للخليط وهي:-
القرفة – الزنجبيل – الشمار – الكسبرة – الحلبة – الكمون الأسود – القرنجال – الكركدي – والعرديب (وتكون الكمية نصف رطل لكل منها عند استخدام ربع ذرة فيما عدا الكركدي والعديب فتزاد كميتهما إلى رطل كامل).
8/ تسخن جميع (مساحيق) البهارات السابقة مجتمعة وتخمر في إناء منفصل ليوم كامل.
9/ باقي العجين يترك للتخمير بواسطة (خمار الكسرة العادي) – مراعاة حالة الطقس...
10/ تضاف البهارات المخمرة للعجين في يوم (العواسة) - مع التحريك المستمر.
11/ في مرحلة العواسة (يجب التأكد من أن العجين أصبح يحمل رائحة الحلو مر المعهودة) – مع التأكد من التخمير بواسطة التذوق..
12/ العواسة: وهو شبيه بعواسة الكسرة إلاَّ أن (القطعة) فيه تثني وتطبق على الصاج المستخدم تمهيداً لمرحلة التجفيف..
13/ بعد الفراغ من العواسة هنالك مرحلة هامة وهي التجفيف (الشر) – وهو تعريض قطع الحلو مر المطبقة لأشعة الشمس.
14/ بعد التجفيف يحفظ الحلو مر في (جرادل أو كراتين) ويمكن الترحال به من مكان لآخر.
15/ عند الاستخدام نأخذ كمية من الحومر المحفوظ ثم نضعها على إناء (جردل) ويحبذ الآنية البلاستيكية ثم نضع عليها قدر مناسب من الماء. مع ملاحظة: كلم قل الماء تركز العصير وأصبح مقبول..

احلا مشروب لكن في حالات هي (قبل رمضان بشويه وبعد رمضان برضو بشويه وفي نص السنه كده وفي الغربه في اي وقت حلو غير هذه الاوقات so mooooooooooooooooooooooooooooooooooor)

الاخ عماد ماشاءلله عليك بيت الهناء (ملاحظة) من الوصفة رقم 11 ممكن هذا المشروب يتحول الى مشروب اخر بدلآ من ان يذهب الظماء ويشرب فى رمضان ممكن يذهب الظماء والعقل معآ فى غير رمضان ولا شنو يالشوش

ورمضان كريم

ياعمده والله وصفه ماتخرش الميه ميه الميه
وعشانك اقرب زول جاي السعوديه
هديه ليك جردل حلو مر

يا خى نحنا عمر منصور ما مريحنا فى الشربوت
كل عيد جايب جردلو وجاى
لكن والله اولاد منصور ديل يستاهلوا

كل عام وانتم بخير ورمضان كريم وتصوموا وتفطروا على خير وشكرا على المرور الجميل على هذا البوست
المثل بيقول حلم الجعان رغيف وانا حلمي الايام دي واحد يدق باب البيت ويقول لي هذه الكرتونة بتاعت
الآبري دي جايك من السودان من فلان .... ماتتصورا الحلم ده عندي عظيم كيف خاصة هذه الايام !!!
اولاد تلودي خيركم سابق والكرم من شيمكم ...
(ابومنصور)

والله ياعمده ماشاءالله عليك وصفه ممتازه للحلو مر شكلك السنه دي عملته براك حااجيب كرتونتي منكم ههههههههههه

زيك يابو منصور طبعا ليك حق تتكلم بالوصف كد لانو شكلك شلت معااك كتاب الابري من البيت وخليت ناس البيت محتارين اعملوهو كيف ,ام بخصوص
الجرادل التلوداب ديل حايعملو لي سمعه انا برجعهم اول باول والسنة دي شكلو حيمضوني تسليم وتسلم ربنا يستر.....صفوية كيفك
انت متين مشيتي البلد ديك وكراتينك فضت

... وانا اقووووول مالو بشكة دا كل يوم جاى متاخر فى الدوام ؟؟؟؟ وكمان بكمل نوموا على المكتب !!
اجيب كرتونة كبيرة ولا صغيرة ؟؟؟؟؟؟؟

ياعماد منصور مشيت كلمت امي قالت ليك بلجد حترسل ليك كرتونه وحلمر امي ده خطييييييييييييييييييييييييييييييييييير كان ضغتوتان ماحتخليه ابدا

والله ياعمده ابشر بالخير شكلك السنه دي حاتجيك كراتين متنوعه بتاعه ابرى يبدو انه حلمك اتحقق والابري بقي في يدك.....تخريمه ياعميره الكراتين فضت مما جيت هنا عشان كده كنت بشحد في عماد ويبدو حلمنا اتحقق هههههههه

ابشري ياصفويه كيفك مشتاقيييييييييييييييييييييييييييييييييييييييييييييييين ( انا ايمان صحبه ميسا)

ايمان ازيييييييييييييييو مشتاقين وكيف اخبارك والله ماعرفتك في المنتدي بإيمو دي وكيف ناس البيت سلامي لهم.

الله اسلمك ياصفويه اخباركم مقطوعه عني خالص البركه شديد في المنتدا ده بالجد جمع الناس

التحية لكي الاخت ايمو واشكرك على هذا الشعور النبيل الجميل والتحية للوالدة العزيزة
ربنا يخليهاليك ويديها الصحة واعتبري الابري وصل ومافي داعي للتعب ....
(ابومنصور)