حرية التعبير و ... حاج النور وحاج الضو !!!!!

حاج الضو وحاج النور ركب كل منهم على ظهر حماره متوجهين الى الحواشات
حاج الضو - انت يا حاج النور كلمة ( تكميم الأفواه ومنع حرية التعبير ) البقولوها السياسيين ديل معناها شنو ؟
حاج النور - والله سامع بيها لكن ما عارف بيقصدوا بيها شنو !
فجأة تظهر مجموعة من الحمير فيهنق حمار حاج الضو بصوت عالي فيضربه حاج الضو قائلا - أسكت يا حمار يا حيوان !
عندها يصيح حاج النور عرفتها عرفتها !
حاج الضو - عرفت شنو ؟
حاج النور - عرفت معنى ( تكميم الأفواه ومنع حرية التعبير )
حاج الضو - أها معناها شنو ؟
حاج النور - حسع انت مش ضربت حمارك وقلت ليهو أسكت ؟
حاج الضو - أيوه .. لكن صوتو عالي !
حاج النور - أها دي معناها تكميم أفواه ومنع حرية التعبير !
حاج الضو - والله يا حاج النور بقيت سياسي عديل ! أها أنا داير أعبر عما يجيش بدواخلي وأخذ يهتف (‏‎ down down u s a‏ )
حاج النور - والله يسمعوك الأمريكان يفكو فيك صاروخ يفرتقك حتة حتة !
حاج الضو - ليه أنا أصلو مصنع اليرموك ؟ ما قالو ديمقراطيين و عندهم حرية تعبير !
لحظتها وصلوا للحواشات ووجدوا أن الماء لم يصل الحواشات بعد ! فعاد حاج النور وحاج الضو قبل حلول الظلام !!