"بتاع شديدة فاز بموبايل في سباق - مارثون"

صباحكم "فُل"
ومساكم "مون"
يعني "فُل مون"
وفوق دا كلو ..
لكم حبي
وبمناسبة الحب
صاحبكم من ناس "الشديدة"
كان واقع في حب إحدى "عذارى الحي"
حب شديد
والحبيبة "شديدة"
في أمسية رومانسية إجتمع الحبيبان
والحبيب كان شايلو موبايل
الموبايل لفت نظر الحبيبة لمن "شهقت"
"الموبايل دا الليلة جبتو من وين ؟؟"
"والله كسبتو وفوزت بيهو في مارثون"
إندهشت :
"والمتاسبقين كانو كم ياحبيبي ؟؟"
"تلاتة ...
أنا
وسيد التلفون ...
والعسكري الساكينا"

المحبوب والله { شديييييييييدة وقوية }

كج يا كجكجة
كيف حالك
والله عشان مرورك دا ما راح نخليك تمش ساي
لازم نكرمك بي واحدة تانية من ناس "أم شديدة" تدفيك من السقط العجيب دا
جازفناها ليك من الفيسبوك

بتاع "شدائد" إشترى ليـهو خروف من "سِت عرقي"
بيني وبينكم الخروف "سمين وأمين"
يعني لو ما "إتشهدت ما بتقدر تعاين ليهو"
طبعاً
"أُمال إيه ؟؟"
قاعد في الضل لا بكوس لا بلوس
وياكل في المُشُك
وبقايا البلح والزُريعة
وحاجات تانية حامياني
الخروف دا قالوا "من شِدتو ولِضتو" !!
ربطو في الراكوبة فكفكا عود عود و"قام بيـها براو"
ولمن جا صاحبنا يضبحو
تدخل ناس الشمشرة "بوكو حرام"
أو "قدرك قدرك"
وقالوا ليهو "لحمتو ما شرعية"
إحتار
وأعيتو "الحيلة"
ولجأ لأحد الشيوخ عشان يلقى مذهب من المذاهب
لكن لسوء الحظ أكد الشيخ على فتوى ناس "بوكو حرام"
ترك الخروف في البيت
نزل البحر يفرج عن "كربه" ويعدل "راسو"
لقى واحد من "جماعتو"
وحكى ليهو عن أسباب "لوعتو"
صاحبو سألو عن السيرة الذاتية للخروف
قام رد صاحبنا قال ليـهو :
"والله الخروف إشتريتو من ست عرقي"
ولمن جيت أضبحو الناس قالوا لي :
"لحمتو ما بتكون شرعية"
بسبب "المُشُك وبقايا البلح"
الراجل "مصقوع" وأبداً ما إتردد قام قال لصاحبنا
شوف ياخوي الموضوع في غاية البساطة
"تديـهو أربعين جلدة وتضبحوا"

الحمدالله يا المحبوب ...الخروف طلع بتاع شربة سااااااااااااااااي !!!!!!

» "سناء" تقضي على آمال "مسار" ما "مققت ليهو" فِرِد "طقة" جابتوا "واطة" بالحتة الفيها الحديدة" شديدة ولا ما شديدة ؟؟
» انسحاب الاحزاب من سباق الرئاسه
» مارثون دوت كوم يبدأ من حيث بدأ قائد الركب حياته (يوجد جري)
» بتاع الركشة
» منحوتات شديدة الواقعية غريبة جدا توجد صور