فرحة رجوعك
فرحة رجوعك بس كفاي
طليت علي صبحا جديد
ورجعت ريد كان من زمان
شايلاهو في الاعماق وفا
ومسحت لي حزني القديم
احساسك المرهف شديد
دائما ظروفي بيعرفا
وانا ريدي ليك ياسيد هواي
حزمة مشاعر في حشاي
والله غالبني اوصفا
وفترة غيابك ياهواي
جفت دموعي وزاد بكاي
وحزنت مشاعري المرهفة
فرحة رجوعك بس كفاي
ويوم رجعتك كانت شفاي
والريد معاك احساس جميل
حسيتو في الاعماق جواي
وانا مابقولك تاني غيب
عايزاك تكون في دنيتي
قسما يمين مشتاقة ليك
ومحتاجة ليك دايما معاي
محمد طه منصور
موضوع: قصيدتي الجديدة (فرحة رجوعك ) 
الأحد 14 أبريل 2013 - 5:09
