للمتزوجين ؟؟ موضوع عام وخليك صريح

استشيري كجكج Kuj

أحمد سركيس كتب:

استشيري كجكج Kuj

مشركه ليهو ما تخاف

د/يحيى الشيخ كتب:

صبحك فل يا كوثر

انا بخاف من هديه وهديه بتخاف من حاجه زينب وحاجه زينب بتخاف من يحيى

الكسبان منو !!!!!

تخريمه ::

راجعى ود الرووب يا كوثر

التحايا والود لناس الضهره وناس ود أبفروع

صبحك الله بالخير يا خال .الجميع بيقروك السلام واليوم دربنا على الضهره

بس والله انا عشمى فيكم تحليل دون النظر داخل بيوتكم لاتو نفسى افند

المقوله دى ..وتسلم ع المرور

لكن ود الرووب دا منو يا خال ؟

تيكو ... نعمل شنو ... هسع كان الرجال بتعاملو بردود الفعل ... تتخيلي النتيجة تكون شنو؟

طبعا النتيجة ارتفاع معدلات الطلاق ... وكمان النتيجة حتؤثر على محلات ناس صباحي وما ما ثلهم. عارفة كيف؟

انا شايف ابو التر هو الانسب لتشريح هذا الموضوع وهو صاحب خبرة وتجربة كبيرة

على فكرة ما فى راجل مابخاف من زوجتة ولو عندكم راجل مخالف لهذا الراى يرفع صوتوا ويقول انا هوووووووووووووووووووو

هــو ذاتو راجل ما بخاف من مراتو ده ما راجل

ههههههههههه نحنا غايتو بنعاين ساي ي تيكو وبعدين بفهمنا مع الرجال

يلا ي متزوجين ورونا ليه الخوف من ام العيال واطلاق اسم الحكومة عليها

ومنتطرين ردكم

يا اخوانا ده ما خوف بالمعنى اللفظى العام بل دى موده وضعها الله بين الزوجين

هو في الاساس يا كوثر اسمة لا تدع الفرصة تفوتك والفرصة دي بتجي في العمر مرة واحدة وهى فترة الخطوبة والدلع والراجل يقول استنى انمسك الورقة وهنا الفالحة تكون مسكت اللجام وختة السرج .
لكن لماذا لانسمية تنازل من طرف واحد لكي يتفادة المشاكل والحفاظ على الاسرة

راشد عبدالرحيم كتب:

انتى ماسمعتى بى الخواف ربا عيالو والخوف هنا شريان دماغ وزوغان من النقه

راشد عبدالرحيم وينك يا اخى ؟ تحياتى والله بركه موضوع المفراكه دا الخلانا نسمع صوتك .

الخواف ربى عيالو انا معاك .بس تربية خوف وكونك تزوغ من النقه يا راشد يا اخوى بالاستسلام

وتشترى دماغك تمشية حال بيخليها تستأسد عليك انت ما معاى ؟

محمد الامين محمد الامين كتب:

انا شايف ابو التر هو الانسب لتشريح هذا الموضوع وهو صاحب خبرة وتجربة كبيرة

على فكرة ما فى راجل مابخاف من زوجتة ولو عندكم راجل مخالف لهذا الراى يرفع صوتوا ويقول انا هوووووووووووووووووووو

والله يا محمد الامين الموضوع دا كبيييييييير . وابو التر وحاتك شكلوا بيجمع يقول شنو ربنا يقدروا . اما عصاة الديمقراطيه الانت استعملتها لى برفعان اليد ؟ انا ماااااااااااااراجيه يد ترتفع وانت عارف . بس انا ما زلت مصره وجاااده انتو صحيح بتخافوا جد ؟اشكرك ع المرور وراجيه منك الكثير المثير الخطر .

إنتي يا كوثر بتاعة مشاكل ... هسع أبو التر ده مالك عليهو ... زول مقتنع بوضو وراضي بيهو ... شوف الناس العاوزين يفرفروا ما قادرين


من مصادر عليمة ... السيد/ Kuj يعد العــدة لطرح أراء جريئة ووصفات ناجعة ... للزوغان والفرفرة

أحمد سركيس كتب:

هــو ذاتو راجل ما بخاف من مراتو ده ما راجل

بفهم شنو يا احمد . والخوف انواع ممكن توضح . واساسا يكون فى خوف ليه . ما دام

فى محكم تنزيله قال (هن رحمتا لنا ) راجياك وضح اكتر

ايمان عثمان كتب:

ههههههههههه نحنا غايتو بنعاين ساي ي تيكو وبعدين بفهمنا مع الرجال

يلا ي متزوجين ورونا ليه الخوف من ام العيال واطلاق اسم الحكومة عليها

ومنتطرين ردكم

رايك شنو يا ايمان امشى بكلام حبوبه قالت فى واصاياها لينا

يا بتى الراجل ما تهملى . وتعالى ليهو من بطنو . واهم وصيه

خلوا بالكن منها يا حريم السعف بيضفروهوا وهو لين . اكيد

فهمتينى ؟تسلمى ع المرور دحين المريخاب بخافوا ؟

الفنجطة بتجى بعد الحصان ما يزهج والرماد يكيل حماد والفنجطة يعنى الطلاق وهى اخر العلامات الحمر

يا كوثر .. أولا الخـــوف على انهيـــار الأســرة ... والعواقب التي يمكن أن تترتب على ذلك ... هنالك الكثير من النساء يعتبرن سعة صدر الرجل أو الزوج ضغف في الشخصية وتتمادى في غيها وثم تتمادى وتتمادى ويخيل لها أنها ملكت الرجل "لبسته خاتم"، وغير مدركة أن للصبر حدود، كم لكل شيء آخر .... وعندما يطفح الكيل بالزوج ويرمي الطلاق ... كثير منهم تقول "والله أنا ما كنت قايلة فلان ده بيطلقني".

طبعا يا كوثر الكلام ده ما بنطبق على كل النسوان ... لكن على كثير والكثير منهن.

يعني ليست المسألة خوف ... وإنما تعقل من الرجل وصبر منه ... ولكن يجب أن تدرك الزوجة أن لكل شيء حد.

صاح ولا أنا غلطان