للمتزوجين ؟؟ موضوع عام وخليك صريح

انتصار بطران كتب:: الفنجطة بتجى بعد الحصان ما يزهج والرماد يكيل حماد والفنجطة يعنى الطلاق وهى اخر العلامات الحمر

الكــرت الأحمـــر في يد الزوج ... لو في لحظة غضب أو بالغلط شاي طلعو ... مين حيكون خسران .. نعم قد يتأثر الرجل إلى حين ... ولكن المرأة قد تتأثر مدى حياتها.

عشان كده يا كوثر أنا بقول موضوع السعفة وربطها لينة حقو يعاد النظر فيه

مع إحترامي لكل الرجال بس في رجال قبل الزواج كلمته تمشي علي كل أهله حتي أمه بس بعد الرجل يتزوج تصبح إمرأته الكل في الكل ولايقول تلت التلاتة كم

أحمد سركيس كتب:

انتصار بطران كتب:: الفنجطة بتجى بعد الحصان ما يزهج والرماد يكيل حماد والفنجطة يعنى الطلاق وهى اخر العلامات الحمر

الكــرت الأحمـــر في يد الزوج ... لو في لحظة غضب أو بالغلط شاي طلعو ... مين حيكون خسران .. نعم قد يتأثر الرجل إلى حين ... ولكن المرأة قد تتأثر مدى حياتها.

عشان كده يا كوثر أنا بقول موضوع السعفة وربطها لينة حقو يعاد النظر فيه

كلام انتصار واقعى يا احمد اساسا تصل مرحلت الفنجطه ليه ويجى الكرت الاحمر الى هو الطلاق

انت من الاول تكون حاسم بشى من اللين كما وصانا الرسول . ونعم الكرت الاحمر عند الرجل

بس ما بيطلعوا الا لو حبيت انا . دى افهمها . يعنى مسألت الطلاق دى نحنا البنقررا تحت تحت

ودا سر المهنه . حتى فى بداية الحياة مسألت الخطوبه والخطوه الاولى ادوكم ليها انتو الرجال

بس نحنا ادونا اهم خطوه مسألت نرضى او نرفض . ويبداء البكاء ولا شنو ؟

سارة الفاتح أحمد كتب:: مع إحترامي لكل الرجال بس في رجال قبل الزواج كلمته تمشي علي كل أهله حتي أمه بس بعد الرجل يتزوج تصبح إمرأته الكل في الكل ولايقول تلت التلاتة كم

والله يا ساره لما زكرتى الحته دى لما قلبى وجعنى . تلاتة ارباعهم بقو كدا بعيد عن السامعين

أولا يا ســارة .. نعم في رجال من النوع ده ... لكن المرأة بت الرجال ومرأة العرض ... الراجل لو نقص تعرف تتموا ... وكان قصر تستر حالو... وكان أهمل أهله توجهو للصاح ... وتبيض وشيهو قدام الناس ... وتقدموا قداما .. مش تستغل الموقف لصالحها " وهو حقيقة مش في صالحها".

يا كوثر المسألة ما محتاجة لحسم ... عشان شنو .. ما هي واجبات وحقوق ... وتفاهم ووعي وإدارك.

نعم اتفق معاك، الطلاق بيد المرأة ... لو بقت بت رجال ومرة عرض ... ما سمعت كلام حبوبتها بخصوص ربط السعفة ... ما في شيء بيخلي الكرت الأحمر يطلع

المسألة أبدا ما محتاجة لربط سعفة أو حسم أو قوة ... المسألة محتاجة لتفاهم وتراضي ومعرفة حدود .... وتقبل الطرف الآخر بما فيه من نواقص ... ومعرفة للحقوق والواجبات ... واحترام وتقدير متبادل.

ملحوظة: الاحترام والتقدير يشمل حاجات كتيرة ... يعني الما بحترم أمي أو أخوي أو أختي ما بحترمني ... عشان دي أشياء لا تتجزأ.

يا اخوات ويا اخوان الزواج ده ما مسخرة ودلع بنات وغنج وحركات تخلى الراجل طرطور فى الاسرة . دى حياة ومستقبل طول العمر للبنت والرجل ، يعنى باختصار شديد لازم تكون هنالك قناعات باستمرارية الحياة بين الزوجين و البنت العاقلة موش ذى بنات الزمن ده بتحافظ على راجلها فى كل الظروف والملمات وتقيف بجانبة فى كل امور الحياة بس الراجل لازم يكون على قدر المسئولية وموش ذى شباب الزمن ده .
تحية وتقدير لكم جميعا

سلامي..
و أرجو أن لا يزعل أحد مني..

زوجة لا تحترم زوجها و تفرض عليه واقعاً مُراً و زوج خاضع خانع لكل ما تقوله و تفعله زوجته، فهذه بيوت من نار...؟

ودمتم

كوثر يوسف عبدالصادق كتب:

محمد الامين محمد الامين كتب:: انا شايف ابو التر هو الانسب لتشريح هذا الموضوع وهو صاحب خبرة وتجربة كبيرة

على فكرة ما فى راجل مابخاف من زوجتة ولو عندكم راجل مخالف لهذا الراى يرفع صوتوا ويقول انا هوووووووووووووووووووو

والله يا محمد الامين الموضوع دا كبيييييييير . وابو التر وحاتك شكلوا بيجمع يقول شنو ربنا يقدروا . اما عصاة الديمقراطيه الانت استعملتها لى برفعان اليد ؟ انا ماااااااااااااراجيه يد ترتفع وانت عارف . بس انا ما زلت مصره وجاااده انتو صحيح بتخافوا جد ؟اشكرك ع المرور وراجيه منك الكثير المثير الخطر .

والله يا كوثر معليش ياستاذة كوثر يعني الموضوع دة موضوع يعني
.....اقول ليك حنتلاقى ....مع السلامة

[img] للمتزوجين ؟؟ موضوع عام وخليك صريح - صفحة 2 258439963

[/img]

شوفى يا كوثر وانا خالك

بكل الصدق والشفافيه حلو درب الطير فى هديه

ما تبقى عوقه وتقولى

أنا الموضوع بتاع كوثر دا لي مدة أحاول أن أمر عليه ولكن أرجع واقول أن أي موضوع تفتحو تيكو فيه "هُبّرُك" لذلك دخلت وبكل حذر أتحسس طريقي في داخل الموضوع لأجده فيه شرك مدنكل، ومن سؤالها الغير بريئ عايز ترسل رسالة للجميع أنها مِكَرِبه راجلها ومخلياهو يمشي في العجين ما يلخبطو، ولكن الحاصل والأمر الواقع كما يقول المثل السواي ماحداث، دحين قِري واعترفي وخلي جهجهتك للرجال، وتركتيهم يردوا بدبلوماسية، توضح أن لا ضغوط عليهم من الحكومة.
وأنا عن نفسي علاقتي الأسرية متوازنة ومتزنة، وأنا ما كرهتي إلا الراجل الدلدول والمرة القاهرة، وبينك وبين زَوْجَتَك عشرة عمر ، هي تزعل إنت تصفح إنت تزعل هي تصفح وهكذا تسير الحياة الزوجية بكل سهولة ويسر.
وبعدين ياتيكو كلامك دا فيه نوع الترهيب للشباب المقدمين على الزواج، يعني من الحين تعشعش في رأسه فكرة " كان ما سيطرت عليها الأول تسيطر علي هي، والعكس صحيح
وعندي ملاحظة صغيرة هي أن معظم الذين تداخلوا وكان رأيهم شبه إقتناع بسيطرة المرأة عليهم من الحلة الجديدة، فهمونا الحاصل ياود اللمين وسركيس وراشد؟؟؟؟؟

سلام للمتزوجين .. شوق كميات تيكو
سوري دخلنا غلط .. بس اقول وجهة نظري الضيقه جدا اي طرف من الزوجين
راجل او مره بهرش من التاني معناها في خلل في الشخصيه يعني ماسوي
وغالبا عدم الوضوح وعدم الالتزام للعلاقه الزوجيه هو سبب الربكه او الخوف
تمنياتي لكل الازواج بحياة آمنة ..

الأخ العزيز دوما عبد المنعـم

لك التحيـة والتجـــلة

هــوي يا أبو الرتر ... أقرأ كلامي كويس ... تلقاهو ما يختلف عن رأيك

بعـدين في واحــد مصري مرتــو أدتو دقة ميطي في نص السوق ... بعـد ما فاق لقي الناس متلمين حولو ... قال ليهم "مالكم في إيه ... وأنا ضربني حد غريب".

عبد المنعـم لو تناقشنا بموضوعية:

افترض أنك ســاكن عزابي مع زميل أو صديق في غرفـة واحدة.
أكيــد هنالك اختلافات في الطباع ... وهذا أمر حتمي ومسلم به.
ولكن لكي تستمر هذه العلاقة لابد من بعض التنازلات.

فما بالك إن كان الأمـر بين الزوج والزوجــة ... إذن لكي تستمر الحياة الزوجة متوزانة تحقق مستهدفاتها فلا بد "وأقصد الزوجين العارفين العاقلين" من تقديم بعض من التنازلات التي لا تضر بالشخصية ولا تأخذ من الكرامة شيء.
أما المرأة العاوزة تجي و"تقعـد السعفة لينة" زي ما قالت الأخت كوثر، فإنا اعتقد أنها إمرأة ينقصها العقل ... وكذلك الرجل الذي يضع في ذهنه أن يذبح "الكديسـة" لزوجته يوم الدخلة" فهو كذلك رجل ناقص العقـل.

والنتيجة حياة زوجية متأرجحة ... وما يتبع ذلك من تبعات أخرى معلومة للجميع.

ولا رايك شنو؟

الأخت رحاب

تحية وتجلة

والله ما دخلت غلط ... وكمان نحن برضو عاوزين رأي غير المتزوجين والمقدمين عليه

حقيقة أوافقك الرأي فيما ذهبت إليه.

يا عبد المنعم بطل حركات ونحن اولاد الحلة الجديده متوازنين فى علاقاتهم الزوجية وبعرفوا متين يشدوا الحبل ومتين يرخوا الحبل لذلك تجد بينهم مود ورحمة نازله عليهم وبكل صدق مافى راجل مالى هدوموا امراة تقدر تسيطر علية و زوجاتنا الحمد لله محافظين على هذا التوازن ومتصالحين مع انفسهم .
وعلى فكرة يا ابو التر يظهر تيكو مالاقية ليها طريقة تسيطر بها على ابو العبال ولذلك فجرتها .

» رسالة من السجماني (وخليك سوداني )
» هذا التقرير "الإدانة" سيلاحقكم أينما ذهبتم!!!.
» موضوع جديييييييييييييييد
» اعتراف صريح للغاية ( توجد صراحة )!!ممنوع لاقل من ثمانية عشر عاما!
» إقتراحات