ود الشين يا رائع ما قصرت

د/ كمال عبد القادر خوفى عليه الا قليلا

كلامات ود الشين لا بد أن تعود

كما عاد استاذنا ود الريح فى غيبونته

ود/ الشين لك مساحات فسيحه جداً فى دوت كوم والحلاوين دوت نت

أكسر قيدك يا كمال وأسرح بدون تكه البيت بيتك والضل ضلك والجنا جناك

التحيه لعثمان عابدين ذلك الرائع حياه الغمام


ودى دكتور

كمال الشين رمز يشبه الحصاحيصا وكفى.

منتظرين كلاماتك يا دكتور

الخير تجقلب والشكر لى حماد .
المراكز الصحيه التى انشأها دكتور كمال اكبر شاهد على ما قدمه الرجل الهمام للحصاحيصا ، لكن ما يثير الغيظ ان اكاديمية العلوم الصحيه بالحصاحيصا تسمى باكاديمية تابيتا بطرس مع نسيان او تناسى الرجل العملاق الدكتور كمال الذى لو لاه لما قامت . لك الشكر دكتور كمال وجعله الله فى ميزان حسناتك .

[right]
تسلم إبن المدينه \ دكتور كمال
مليون لا لرجوعك الى ...................
مليون نعم لرجوعك الى كلامات
رجوع مريم .
لك التحيه وأسرتك خاصه
وجميع الأهل عامه .
............................ دمت للمدينه إبن بار

مهاجم في نادي كروي اسمه "عوض" له كل مؤهلات المهاجم الناجح "جراي وحاوار وشوات". مشكلته انه كلما واجه المرمى "عفص الكورة ووقع". احد المشجعين تخصص في الاساءة لعوض وكان يشتري تسالي وموية ويقعد جمب الخط وكلما وقع عوض هتف المشجع "امرقوا عوض -- دا مرضنا مرض"

في احدى المباريات احرزعوض ثلاثة اهداف من ثلاثة طلعات فأدهش الجميع وفي الطلعة الرابعة عفص الكورة ووقع فوقف المشجع وصاح بأعلى صوته "ايوة كدة ياهو دة عوض البنعرفو" ثم صاح "امرقوا عوض -- دة مرضنا مرض"

منتقدو الصادق المهدي يعترفون بأمكاناته لكن يخلصون الى انه زول متردد ومتناقض يقول الشئ وعكسه. لكن الصادق ادهش المراقبين في ثلاثة تصريحات متتالية وهو يتحدث بأتزان عن المعارضة السلمية المسئولة ولكنه في الرابع قال بأن الحركات المسلحة يجب ان تحتفظ بسلاحها. المراقبون هتفوا ايوة كدة ياهو الصادق البنعرفوا ثم اكملوا "امرقو عوض -- دا مرضنا مرض"

كل الود والإحترام والشكر والتقدير الي إبن هذه المنطقة الدكتور كمال

استطاع أحد المحتالين إقناع أهل قرية بأنه سوف يسفرهم إلى ليبيا، وأخذ من كل واحد مبلغا من المال ثم جعلهم يركبون في لوري متوقف أمام أحد البيوت. في صباح الىوم التالي وجد صاحب اللوري هذا المنظر وحاول إقناع الجماعة بأن اللوري دا خسران ومتوقف منذ زمن، لكن الجماعة أصروا أنهم ما نازلين وكمان ماشين ليبيا، وعندما تعب من المحاولة قال لهم: انتو ما عندكم ناس كبار في الحلة عشان نمشي نتكلم معاهم؟ فردوا عليه: (ناسنا الكبار راكبين في اللوري دا قدام).

كان عندي أمل أن يستطىع واحد من الوسطاء أو المبعوثين الأمميين جمع شمل ناس البلد دي، لكن بعد لغة الخطاب الأخير بين السياسيين وملاسنات الشيخ ونسيبو الإمام عرفت إننا راكبين لينا لوري ما فيهو عجلات وكبارنا راكبين قدام !![i][u]

تحياتى ليك يا خال . ولا يعرف قدر الرجال الا رجال بقاماتهم . بارك الله لنا بابن المنطقه

د / كمال الشين وجعله الله زخرا ..ومنتظرين منك ومنو الكثير . يلا سمعونا