موضوع: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 7:14
توافدت على العاصمة أرتال من الطائرات الفخمة تحمل بين طياتـها أصحاب الفخامة رؤساء دول الجوار تشاد ، وجيبوتي ، وارتريا ، وملاوي ، كل ذلك لحضور حفل فخيم بمناسبة تتويج الفائز ، مصر المؤمنة ما قصرت رسلت طنطاوي ، وعمرو موسى إعتذر قال ماش البرازيل ( داير يسجل ليهو لاعب ) ، كينيا ، وتنزانيا ، يوغندا ، وزنجبار ، ومينامار ، وباقي دول سيكافا إعتذرت بسبب المشغوليات ، ناس نايجيريا ، والكاميرون ، وجنوب أفريقيا قالوا عندنا كأس العالم ، وقالوها عديل لا تلاقونا لا نلاقيكم لا نتلما ، أما الدول الشقيقة سدت دي بي طينة والتانية بي عجينة ، الدول الصديقة ، وعلى رأسـها الصين وروسيا والهند والبرازيل احتمال يرسلوا وفود تحت تحت عشان المصالح المشتركة ، في دول تانية زي ماليزيا وتركيا وأندوسيا وايران برضو ملاوزة ، المهم الفائز ضابح البجي إجي والمابجي ما يجي ، وحسبنا الله ونعم الوكيل في الاوربيين والامريكيين الجنوبيين والشماليين غشونا بي مواسير المعايير ، وعزلونا وما جونا بسبب مقطوع الطاري البرازيلي القاعد في لاهاي.
عدل سابقا من قبل المحبوب أحمد الأمين في الخميس 27 مايو 2010 - 11:00 عدل 1 مرات
المحبوب أحمد الأمين
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 7:32
يمكننا تصنيف الدول والمنظمات الاقليمية والدولية لمجموعات عشان نشوف الجا والطنش ما جا ، وكذلك الجا ولكن مطنش يعني ماسك العصاية من النص ، والتصنيف كالآتي:
الدول المجاورة الدول الشقيقة الدول الصديقة الدول المعادية منظمة الامم المتحدة منظمة العالم الاسلامي جامعة الدول العربية
وإليكم معايير الطناش "لطشناها من بوست أمجد" شوفوها وطابقوا ، طابقت طابقت ، ما طابقت ما طابقت :
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 8:01
المحبوب لكن اداء القسم ماحاجه تحفه والدول الوصلت سته والصين رسلو وفد وليبيا بي هيلمانه والدلاليك شغاله وحواء الطقطاقه لابسه توب العلم السوداني والعريس مجيه واليسره بي باصات العاصمة الجديدة 200 باص تنقل من كل النواحي والبيبسي ما اديك الدرب العجب نحن بنتفرج ونتبسم والما معانا حقه راح وان ماعجبك بنحنن ليك البشير فوق عديله والله اوكامبو كان ما خجله ساي كان اجي اعرض في النص لكن اتمقلب ساي
أبو رائد
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 9:39
الليلة جينا وكيتا للمابينا .................
Abdelkarim Awadalla
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 9:49
عليكم الله الخمج فى شنوا والعاصمه مويه ما فيها مش كان احسن حفر ابيار فى اطرف العاصمه التى تعانى الامرين هذه الايام
Abdelkarim Awadalla
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 9:54
يا المحبوب سمعت انه فى انتخابات رئيس البرلمان وجدت 11 بطاقه تالفه مع انه الكان مترشحين نفرين عليك الله دى ما فضيحه
بكري عثمان
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 9:58
المحبوب مختفي الظاهر انه واقف جمب المرايا بجيه للتنصيب وبكتر في الريحه عشان السيرة
Abdelkarim Awadalla
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 10:13
يا بكرى صاحبك الليله الضغط بكون ارتفع عليك الله خليه لبكره
عدل سابقا من قبل Abdelkarim Awadalla في الخميس 27 مايو 2010 - 11:09 عدل 1 مرات
المحبوب أحمد الأمين
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 10:49
تحية حارة لكم جميعا ونقول مبروك كاس سيكافا في ناس من ما يسمعوا بي احتفال ما يدوك الدرب زي الموسميين ويا بكري الفائز ضبح شنو ما تقول لي زول باقي ليهو سوابق خلاف وليد دارفور قبال دا لمن ضبح 28 ضابط يوم التيسوعه من الفسالة لحمن لي اسي ما اتعرف وين صاح ولا لا
المحبوب أحمد الأمين
موضوع: كدمولو ما طرحة الليلة الخميس 27 مايو 2010 - 11:20
لقيتو فوق البئر الليلة الدلو قسطير الليلة بي حقو ما هو أجير الليلة يا يمة خيرو كتير الليلة اب سنوناُ جير تقول أختفوا وأطير وليد دارفور بمشي معاك الليلة محل ما دور بمشي معاك الليلة
لقيتو في ام درمان الليلة السلاح إيمان الليلة في حقو ما غلطان الليلة يا يمة كايسلو أمان الليلة اب قليب سندان تقول مشاركو الجان وليد دارفور بمشي معاك الليلة محل ما دور بمشي معاك الليلة
لقيتو في الدوحة الليلة النفسو منشرحه الليلة ما بستحمل الهبشه الليلة يا يمة كدمولو ما طرحة الليلة نطحني فِد نطحة أريتو بالكتحة وليد دارفور بمشي معاك الليلة محل ما دور بمشي معاك الليلة
المحبوب أحمد الأمين
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 11:29
سير سير يا عزيل
محل ما دور بمشي معاك الليلة
المحبوب أحمد الأمين
موضوع: رد: دول سيكافا ، ما قصرت، وكيتاً على لاهاي ضابحين زول الخميس 27 مايو 2010 - 11:38
حسن وراق حسن
موضوع: رد: دول سيكافا ، ما قصرت، وكيتاً على لاهاي ضابحين زول الجمعة 28 مايو 2010 - 17:27
يا المحبوب الرؤساء الجو ديل ذي الكواكب في مناسبات الاعراس والبكيات مافي زول بيعزمن اهل العروس بفتكروهم من اهل العريس اهل العريس بفتكروهم من اهل العروس الرؤساء الخمسه ديل لو عندك سمايه وسمعوبيها بجو من غير عزومه ذي المداحين ياكلوا و يشيلوا معاهم وكمان بعد داك يعصروا ليهم لانهم متعودين مايختوا في الكشف والله قال بي قولك لو قعدتا واحد فيهم في الكشف يا المحبوب وووووووين حسني مبارك وووووووين القذافي وووووووين خادم الحرمين وووووووين الاسد وووووووين ماندلا وووووووين ايآت الله بقينا ملطشه الرئيس الصومالي قاطعنا ماعايز يجينا كان علي الاقل ملينا ليهوا الطياره بنزين ورفع ليهوا كم شوال اسمنت وكم سيخة 3 لينية وسيراميك يسقف بيها قصرو الوقع ونحن خير امة اخرجت للناس والله اكبر
راشد محمد الجاك
موضوع: رد: دول سيكافا ، ما قصرت، وكيتاً على لاهاي ضابحين زول السبت 29 مايو 2010 - 8:59
اجمل حاجة فيك يا محبوب كل مانطول ونشتاق لبكرى وابورائد بتعرف كيف يتجيبهم .... الله يديك العافية !!!!!
بكري عثمان
موضوع: رد: دول سيكافا ، ما قصرت، وكيتاً على لاهاي ضابحين زول السبت 29 مايو 2010 - 16:03
المحبوب والله ماقصرت مشيت معانا السيرة وغنيت اديك العافيه وحسن وراق شدة ما متكيف اربط في الجريد علي الكوشه واصلح في اللمبات وجهز عشاء ناس السيرة ماقصر راشد كمان مع انه ما موافق علي العريس لكن اعمل شنو مجبور احضر
ابوسفيان
موضوع: رد: دول سيكافا ، ما قصرت، وكيتاً على لاهاي ضابحين زول الإثنين 31 مايو 2010 - 7:27
موضوع: دول سيكافا ، ما قصرت، وكيتاً على لاهاي ضابحين زول 
الخميس 27 مايو 2010 - 7:14
