احكواعن المواقف الطريفة والمواقف المحرجة التي مررتم/ن بها؟

طبعا للركود الحاصل اليومين ديل في المنتدى اوكسرا للروتين ,احب ان نتشارك مع بعض بمامرت
بنا من مواقف طريفة او محرجة.والبداية مني.
واحد من ناس رفاعة تعارفنا في المسجد في مدينة الخبر بالسعودية ,وكان باسرته وكل يوم يعزمني للغداء معاهو وانا اقول ليه شكرا معاي جماعة في البيت ,حتى اني بقيت ازوغ منه
في يوم لقيتو قدام خشم الجامع منتظرني وقالي عندي سماية ويلا اتغدى معانا,قلت له خلاص
امشي البيت اغيرالبنطلون والقميص والبس جلابية واجيك,قام حلف طلاق الا امشي معاهوكده.
وصلنا شقته ووجدت حوالي ثمانية اشخاص معظمهم من رفاعة,سلمت عليهم في ايديهم وكان
ردسلامهم بارد جدا جدا{عارفين ليه؟}لان شكلي بشبه الهنود والبنغلاديش.نسبة لشعري السبيبي لما كان عندي شعر.المهم مازعلت منهم وزول سالني منهم مافي ولاونسة ولاكلام حتى وصل الطعام وكان عبارة عن ضلع مش زي الان في السودان كوكتيل وكل الموجود في السفرة من طعام يسبح في بِركة من الدهن والشحم .والكسرةوام رقيقة على التعترهم وقعوا قدامي فضيت الكسرة الفي الصحن ووضعت طرقتين ماعملوا حاجة تاني اديتها طرقتين في الاخر
قمت عائزاديهاطرقة وانابصلح في الطرقةالاخيرة عشان املحها.....فجأة واحد قام يكورك فيني يارفيق..يارفيق الداهية العايز تكملها لينادي بتشقك بطلع ميتين اهلك.وانا على طول قمت اغسل يدي وهنا تدخل صاحب البيت وقال ليه حرام عليك ده سوداني من الحصاحيصا ياخي والزول قام اعتذر.

المزيد يا شباب