طريقه يمكنك بها ان تختم القران ثلاث مرات في الشهر مجربه

اول حاجه نتفق علي ان اي حاجه في الحيا دي عايزه حسابات نحن ده شهر واحد خلال السنه كلها وذي مابنحسب حسابات دنيويه بحته ان كيف نجيب كم مليون خلال الشهر (اوريال ليكم ياناس السعوديه ) حسبوها كم حتجمعو حسنات خلال الشهر ده واتخيلوه موسم شغلكم كلكم وان ده موسم بجي مره في السنه ومفترض اجمع اكبر كميه من الحسنات والاجر والاجر ابوابه كتيره هااكم ده باب صغير لكن خيرو كتييييييييييير
طريقه بها تستطيع ختم القران ثلاثه مرات في الشهر وهي ان صح فعلي انشا الله .
اذا صليت نوافل خلال اليوم كالاتي ( 2 قبل الصبح فاقرا في مايعادل الركعه بنصف حزب اي ان ال2 ركعه بحزب يعني =نص جزء )
4 نوافل قبل الظهر =(2=نصف حزب +2=النصف الاخر من الحزب )معناتها جزء كامل قبل الضهر كده عملنا جزء ونص
يلا 2ركعه نوافل اخري بعد الظهر =نصف حزب ) كده نكون بعد الضهر حصلنا 2 جزء )
بعد المغرب صلي بس 2 نوافل بس انا عارفاكم كلكم بتكونو مليتو بطنكم وماشين تحضرو السر قدور في النيل الازرق
امشي صلو التراويح وماتصلو مع الامام الوتر
الجزي الاخير ده عندك خيارات ياما تجي من التراويح وتصلي 4ركعات =(2بنص حزب +2بنص الحزب الاخير )====جزء او ساعه السحور ودي الانا بفضلها قبل الامساك صلي 4ركعات =جزء كه المجموع 3 اجزا خلال اليوم يعني كل عشره يوم تختم يعني في الشهر 3مرات
بطريقه حسابات رياضيه بحته يااخواني نشوف النتيجه النهائيه للباب الصغير
1- ختمنا القران تلاته مرات خلال الشهر وممكن اكتر اذا اصريتو
2- صلينا 12ركعه نافله غير التراويح وبرضو ممكن اكتر
3- اقمنا الليل طول الشهر ده اذا عملتو ال4 القبل الصبح وبرضو ممكن اكتر
4- الصبح حاضر
العندو طرق اخري لتجميع الحسنات الرجا ارسالها لكي تعم الحسنات بالحصاحيصات

ايمو

والله كلام طيب وجميل وربنا يجعلو في ميزان حسناتك انشاء الله

تقبل الله يااخ صلاح وماتنسونا من صالح الدعوات

مه عن