ياجماعة الخير هل جملة ( عمليتك ما ظريفه وحركتك جبانه ) كافيه لتقديم شخص للمحاكمة

في بداية رمصان العام الماضي تقدم صديقنا الساخر جدا من دون ذكر اسمه عشان ما نقطع رزقه للتصديق له لبيع اطعمه في رمضان ودفع الرسوم المقرره للمحليه تفاجا بالسيد المحصل المعروف جدا جدا امامه طالبا اياه بقفل المحل حالا والا سوف ------ لكن اخونا كان جاهز طلع ليه الايصال من المحفظه وفاجاه به قائلا ( اقول بصراحه عمليتك ما ظريفه وحركتك جبانه ياهو ده الايصال )وفار الدم في عروق المحصل وحلف الا يشتكيه لوصفه بكلمات من اغنيه هابطه تدخل بعض معارفيه وقالوا ليه الحصاحيصا دي بلد ضيقه تمشي تشتكي الزول ده تاني شوف اسم تاني وبلد تانيه وراجع نفسه وانصرف
ونحنا بنقول ليه رمضان قرب راجع ايصالاتك كويس لانه المره فيه كشف وكشف حال والدنيا قبايل رمضان ورمضان كريم

ياورقه
والله صاحبنا بعد ماعرف نقطة الضعف بتاعت صاحبنا المعذب اصحابنا قال حايصتحب معاه مسجل وما فيه غير الاغنيه اياها وما حايدفع مليم وكان راجل انشوفوا حايم بهناك وانت عارف هناك وين الضغط علي الزر play وفي الحاله مافي دليل الشرائط ما ممنوعه والغني حلال في رمصان في الراديو والتلفزيون واغاني واغاني كمان وبرضوا عمليتوا ما ظريفه وحركته جبانه
صاحبنا حالف ما ادفع جنيه وقال المسجل جاهز وكمان الشمات مجهزين حجار بطاريه للاحتياط