مطره رهيبه اقعدت الناس عن العمل وكشفت سوء التصريف

امطار غزيره جدا جدا من الساعه السادسه صباحا وحتى الساعه الثانيه عشر بصوره متقطعه فى بعض الاوقات

عددكبير من المركبات متوقف بالشوارع نتيجه ارتفاع منسوب الماء

شوارع مليئه جدا بالمياه لدرجه انو الجيران فى بعض الاحيان بينهم بحر

بعض المنازل تهدمت

المياه بالشوارع لكثرتها وتكرار المطره خلال هذا الاسبوع دخلت مياه الشوارع للمنازل فى معظم المناطق ولم تنجو منها المناطف التى تعتبر راقيه

غابت تماما عربات الشفط بالشوارع ويبدو انها ذهب تشطف لبعض المنازل لاهمية ساكنيها

النفق الجديد امام العفراء يدعو للخجل من سوء التخطيط واضطرت المحليه لقفله لساعات

حركة المواصلات العامه انخفضت تماما حتى بعد الواحده ظهرا

البلد الوحيد الذى توقفه الامطار

نتمنى ان تكونو جميعا بخير فى هذه الاجواء

الشكوى لله يا فايزه بس..
بس تعرفي ده مظهر متخلف جدا من مظاهر التخلف للاسف الشديد نحن كما الجمل لا يرى عوجة رقبته واللسان طويل ..
والله المستعان

فعلا يا فائزةوالله مطر مبالغة
واجازة اجبارية للمداس اليو وامس
وديه صورة لنفق عفراء مليان موية

الاخت /فائزة
رمضان كريم
كدى خليك معاى لو سفلتوا الشوارع بالمواصفات العالمية ووضعوا المصارف والمجارى فى مكانها الصحيح وكل شى كان مئة المئة تانى ياكلوا من وين ؟ يعنى يكونوا معتمدين على المرتب بس ؟ معقولة دى ؟
ان الله لا يغير ما بقوم حتى يغيروا ما بنفسهم
..........................................................................................................
اما نحن فى الحصاحيصا والله فى بداية الخريف وفى اول مطرة شفت بام عينى سعادة معتمد الحصاحيصا ومعه مرافقينه يتفقدون اول شارع فور واول شارع 21 اكتوبر والى يومنا هذا لم ار نتيجة للزيارة شارع فور ذى ماهو مكسر وشين وقبيح وخطر ومازالت المياة محبوسة فى اول شارع 21 اكتوبر مهو سر زيارة السيد المعتمد لهذة المناطق ومالفائدة فى ظهوره فى ذلك اليوم ؟؟؟؟؟؟؟؟؟؟؟
من يجيب ؟؟؟؟؟؟؟؟
هل المحلية تقرا ما نكتب ؟
ام هى فى وادى ونحن فى وادى ؟
ربنا يصلح الحال
اخوك
المغربى

الاخت فايزة
الاخوة المتداخلين
السلام عليكم
من الطبيعي ان يحدث ذلك
لان هذه الاعمال لا تقوم بها الدولة للفائدة العامة (اقصد الالطرق والجسور والعمران) ولكن تقوم لتحريك جهات معينة للاستفادة من العمل واذا رجعت الي الشركات المنفذة للمشاريع تجدها ملك لاناس مروفون للحكومة السودانية
مثلاً شبكة مواصلاة الخرطوم التي تحولت الي بركة من الماء وهي في الحقيقة مركز لتجم المياه وقبل الخريف علقنا ل انها لن تصمد
وكان هنالك غياب واضح للشفاطات التي كانت تعمل كخدمات خاصة كما اسلفتي
وهروب القائمين عل اعمال الشبكة عمال ومهندسين
اين محاسبة الشركات العشوائية
ولسسسسسسسسسه

ياجماعه الخير ... اى زول لو قبضوهوا وجابوهو من الشارع ممكن يخطط ويعمل شوارع وانفاق تتيح بتصريف مياه الامطار ...
انا ما عارف مامعنى وجود مهندس مساحه ومهندس بلديه ومهندس انشاءات ومهندس طرق والى اخر المسميات التى تسبقها كلمه مهندس ... لزومهم شنو ... لمن يتعمل نفق اكتمل العمل فيه الان ويكون به عيب تصميمى بالشكل ده ...وهذا ينطبق ايضا على شوارع الحصاحيصا وغيرها من المشاريع التى تحكى عن فشل المسؤلين ....
والله التفسير الوحيد لكل هذا .. عشان يكون بند الصرف مفتوح عشان ما تخرب بيوت القائمين على هذه المشاريع من مهندسين وغيرهم .. لكن لا ضيم ان تخرب بيوت كل السودانيين ...
وكل خريف ... نوم العوافى ... يا مسعول!!!!!!

يااخوانا والله فى الدنيا دى كلها ما فى مطرة بتوقف العمل والدراسة الا فى السودان
نفق عفراء غرقان بالطريقة دى والله دا كلام كبير