حبوبه روعه قاعده منتظراكم فى ضل الضحى...اتفضلوا

.. حباب حبوبة روعة .. حبابك الف وطلتك علينا جابت هبوب باردة مع قعدة ضل الضحى .. نورتى بيتك ... وسط جنياتك ... يالا اها ناولينا من فناجينك خلى المخيخ يتعدل .. بس نادى للبنيات الهناك خليهن يرشن الراكوبة دى ونجر عنقريب الهباب دا ونقعد ندوبى .... حبابك مليوووووووون

ياحبوبه روعه سلام جاك وانا والله جاييك رامياني ريحة قهوتك الطقت ملت المنتدى وبناتك ديل مالن مارشن الراكوبه دي واهم حاجه الشمارات بس الدقاقه لا الا مره مره وكراب عنقريبي شديهو لي والله بونسكم ونسه حلللللللللللللوه ..
اها اكان بقيتو جاهزين امانه عليك تناغميني ..

تعظيم سلام لكل القادمين من الزمن الجميل
يحاصرنى احساس جميل وانا اقرا تلك المفردات
غلاقتى مع القهوة ضعيفة
رغبتى الان كبيرة فى كباية قهوة
سلام وحباب

يا جماعه بطلوا الكبكبه خلو الكبابي تلف لفته
وبعدين يا ............. ؟ خلوها بعد الجبنه
عشان ما تشاكلونا ونحرد الجبنه.

بمناسبة الجبنة اقصه ليكم قصة طويله للبرلوم :
مشينا لصحبتنا في كسلا وهي من اصول اريتريا
المهم امها جلستنا في حلقة جبنه زي حقتكم دي
وبعد قلي البن قامت بالمقلايه ولفت علي الجماعه
كلهم ولسؤ الحظ كنت اول واحد ومديت يدي أخد
حبه بنايه وما تسمع الا البيت كلو وبصوت واحد
(لا) ... اتاري (بيشموها) بس وانا داير (امضغ)...

كدي قومي يا حبوبه اديها لفه ........

عاد ده كلام يا امجد اكان ما مته ما شقيت المقابر بس دي بالغته فيها بي كده يا حبوبه روعه الزول ده خففي ليو القهوه يقوم يقع ليك اسي هنا ويلخبت لينا القعده دي ونبقي في قومو وفوقو والشربناها تمرق معاو قلق ...

والله يا ودالجاك صدقته مالي فيها لكن بحب ناسه وخاصة الوناسه
وراسي خفيف كان بلعته بندول بيساهر بي ماليه صغير ؟؟؟؟
عليك الله عاين في عيوني وعيونك الفرق ماواضح ؟؟؟؟؟

الجعلي ما تنفخنا ساكت وقصة الصغره دي خليها مستوره عقابك عندنا وكان للعيون عيونك خلقه مدفنات ولا اقول ليك ما نزيد خليها كده

خليته .....................


كدي زح كريعاتك ديل النشيل الفنجان ..........................

عاقل

انا بمدو

والفنجان ده مني هديه رايك شنو.....

اسمع الجماعه ديل مالم رخمو كده الجبنه دي فيها حاجه تانية ولا شنو ؟

وليد ده عارفنو راسو خفيف مره واحد فتح علبه البرنجي جنبو داخ .......

البقية مالم ماخبره شقو فيها ربع الحصاحيصا الخالي ..............

اي والله اقول ليك هي ست الجبنه زاته وينه تعالو تعالو وجينا طنشتنا الفنجانين الشربناهن ديل زاتم فكو والنار قربت تطفي اقول ليك ارحكه يا اخوي احنا زاتنا القاعدين ليها شنو..
ورح يلا ..

والله يا أمجد وصلاح انتو الطرفتوا بالفناجين نحنا قلنا نشوف اخر الجبنه يمكن نلقي لينا فنجان بعد قلوة أمجد وقهوة كسلا
ياصلاح.............
الدور التاني بتاعنا
ولا اقول ليك جيب معاك فنجانك انته وأمجد

عوزين لينا حفاظه وبرش وعنقريب هبابي عارفك ياود الجاك بتحب طل الضحي وشراب القهوه
يأمجد شوف لينا كم طقم من كسلا
وحلوي جايب التلج
وانا البن والسكر الفحم

الحبوبه روعه الروعه
سلام كتير ياسلام على ريحه البن لما تفوح فى غلايه
بس الجبنه بشمار مغليه ولاخاليه شمار
على العموم انا بشربه بشمار اقصد بهبهان
كدى ادينى فنجان كارب كده
خالص ودى

كدي يا ود تلودي اول شي حفاظه وحفاضه عشان صلاح مايفهم غلط هو ماشي السوق...

وماتشيل هم جايب معاي طقم فناجين طين من كسلا .......

بسم الله الرحمن الرحيم ياخوانا الراكوبه ماكانت مليانه قبل شويه
الناس مشت ويين ياحبووووووووووووووووبه روعه وين انتم
ياناااااااااااااااااااااااااااااااااس هوى

الحبوبه الرائعه روعه
وينك ياحبوبه؟
الراكوبه فاضيه ومافيها زول والبنابر ((مفلبه))والكانون طافى
الحاصل شنو ياخوانا ...

انا جيت للقهوة وياامجد المضغ ملحوق

يا جماعه انور ده جاكم فى الراكوبه ديه بالبرشود ولا شنو لا سمعنا ولا شفنا
عموما الف تحية ليك فى دوت كوم
ونزلت اهلا وحللت سهلا

... الراكوبة محروسة ... وستها مافيشا .. شنو ياحبوبة روعة الروعة .. يادوب ريحة القلوة ما بدت وجينا جاريين جرى .. ما نلقى الا الجراوى والتلودابى واولاد الجاك والدامرابى ... فى شنو قومو شوفو ليكم شغلة اقضوها .. بكرة بجيب ليكم الحبوبة اصلها مشت لجنياتها هناااك تتفقدهم .. يالا يا الجنوى رشو الواطة دى وامرقو الهباب لبره خلى القعدة تحلى مع ... الرايعين