رجل يقتحم قسم الشرطة.. ويصرخ..

مشهد غريب حدث في قسم شرطة الحصاحيصا اليوم.. فقد دخل رجل في الثلاثينات من عمره.. وعليه كثير من الإرتباك.. وصاح في حكمدار القسم قائلاً: "دخلوني السجن.. أنا داير السجن.. كرهتونا.. زهجتونا.. كل شيء غالي.. نحن نعمل شنو.. بالله دخلوني السجن.. أنا ما بمشي من هنا.. دخلوني".. وما كان من رجال الشرطة الذين شكوا في قواه العقليه إلا أن هدأوه وأجلسوه بعبارات.." كدي صلي على النبي.. كدي قول بسم الله.. استهدأ بالله".. حتى جلس وهو حزين لعدم تلبية رجال القسم لطلبه.. وتقول لي خارم بارم يا وراق.

الاخ ناجى جندى تحياتى واحترامى
وكل عام وانتم بخير
السجن ارحم لاغلب الشعب السودانى فهذا نموذج حقيقى
صعبت عليه مجابهة الحياة فهولاء مظلومين ويريدون من ينتصر لهم
العيد على الابواب وهو بالتاكيد يريد كسوة العيد لابنائه فهولاء سرقوا منه فرحة صغاره
فهو فى السجن لا يرى دموع صغاره فهذا ارحم له

حكم يا أمين.

و الله حال السوق قد يجعل الكثيرون يتمنون الموت و الإنتقال إلى الأخرة علهم يجدون فيها رحمة الله الواسعة فضلاً عن سجن (البشير) و أعوانه..؟

مسكين هذا الرجل ياأخ ناجى مسكين مسكين قولى المرقكك من السجن شنو الوداك السوق شنوخليك في السجن الكبير الختونا فيهو الجماعة 25سنه تابيده والله مفروض يمرقونا دى إفتكرتا ليهاأسى ..
خليك في سجنك مع الناس ماتخش الزنزانه ..كتيركتيرفقدصوابه بفعل الظروف ربنا يرفع عننا الغلاوالوباوالزناوالزلازل والمحن ..

الله في يا ود عبد الله.. بس الصبر.

ابو النج الزول ده يادووووب حسه ب العصره الناس دي ما من زمان معصوره ومغلوب ع امرها وزمان ود حسن الدابي قال كم يدآ كان اجواده يا مقطوعه يا شحاده علمت الله من التعريفه .. بس الله في يمهل ولا يهمل

ونحن ماسكين في الله تب يا ناجوني.

علي الطلاق ....بقينا ذي الطيرة الفي يد شافع؟

» جلد الفتاة بواسطة الشرطة _ رئاسة الشرطة تشكل لجنة تحقيق
» معاملة الشرطة السودانيه للبنات
» قدمتها الشرطة الشعبية (( خمور ومخدرات )) !!؟؟
» مجدي شمس الدين يطالب بذهاب مدير الشرطة بعد أحداث أم دوم
» إختشي يا عقيد الشرطة !! ـــ جدير يالإطلاع ــ نقلاً من (الراكوبة)