وسع الاحلام ... واهرب منو ضيقك (ياصديقى) يحيى فضل الله

الى الجميع ...
كيف لا وهى كلمات من تنحنى عندهم هامات الاقلام

التقطني يا صديقي
في الدروب الما بتجيبك
ودفئ حضنك بالأغاني
كلما يضهب طريقك
وامسك الجمرة البتبرق
بين رمادك
وبين حريقك
وارفق الدمعة البتعرف
شاسع الحزن البعيقك
ولو فضل في العمر خطوة
وسع الأحلام
واهرب منو ضيقك
لي براح في الشوق يتاوق
في شبابيك غربة حبيبك
ويا أخي سيبك
من متاهات في الخواطر
والمشاوير التشاتر
يا اخي سيبك
هي ضلمة وانت عارف
ضي بريقك
وبرضو عارف
قبل ما تختار طريقك
ابقي واثق من رفيقك
وامسك الجمرة البتبرق
بين رمادك
وبين حريقك
مين رفيقك
غير شجن
واشواق
ولوعة
شحنة الحزن البصيبك
يا اخي سيبك
وانت سر عشقك
كلما اتخمر عتيقك
يا اخي سيبك
من سريقك
ومن سليبك
وابقي فتش في لي طريقك
يمكن الاحزان تسيبك
يا اخي سيبك

برافو.. أخي عمر و رمضان كريم

طبعاً عشان أرد عليك بي شعر حا تنتظرني لحدي رمضان القادم..؟؟؟؟؟؟؟؟؟؟؟؟؟

و دمت

الرائع جداً ... ابوالشوش

لك شوق كثير ،،، وكبير ورمضان كريم .. اعرف انك متذوق جيد للشعر ...

واعرف انك ايضا متشوق لتمر هندى من الجنينة الجمب بيتكم القديم .. هاهاها

لك كل الود ..

لو فضل فى العمر لحظه

وسع الأحلام

واهرب منو ضيقك

عمر عل غيابك مصحوب بصحه وعافيه وموسع للاحلام

ومرات الضيق بخنق ومابكون منه فكك

الحمد لله بخير اختنا فايزة ...عساكم طيبين .هو غياب مسبب بالعمل.

مهما طال الغياب منكم فلا بد من الرجوع اهلنا .

فهى ضلمة .. وانتو عارفين ضى بريقكم

الاخ عمر لك التحية ورمضان كريم
نحييك على الاختيار الجيد وماعندنا غير نضيف عليهو ابداع اخر للكلمات ... لحن واداء
https://www.youtube.com/watch?v=v1wMM7H6TWU

ما اجملكم

قال الجندي للقائد:صديقى لم يعد من المعركة سيدي -اطلب الاذن منكم للذهاب والبحث عنه
القائد:الاذن مرفوض واضاف -لا اريد ان تخاطر بحياتك من اجله ومن المحتمل انه مات
الجندي دون ان يعطي اى اهمية لرفض قائده ذهب وبعد ساعة رجع وهو مصاب بجرح مميت حاملا جثة صديقه
كان القائد معتزا بنفسه وهو يقول : الم اقل لك انه مات اكان يستحق منك هذه المخاطرة للعثور على جثته
اجاب الجندي محتضرا :بكل تاكيد سيدي عندما وجدته كان لا يزال حيا واستطاع ان يقول لى كنت واثقا بانك سوف تاتى.
الصديق هو الذي ياتيك دائما عندما يتخلى عنك الاخرون

و
قبل ما تختار طريقك
ابقي واثق من رفيقك

يا عمر محمد عثمان
شكراً جزيلاً
منحنى ذلكم الشعر احساس جميل
تلك الكلمات سوف تساعدنى فى البحث عنها مرة اخرى
زيدنا يا عمر عشان نلقاها سريع
رمضان كريم

الاخ راشد .. رمضان كريم

مااضفته يكفى .. فانت تعرف اين يوجد الطرب الاصيل

الاخ محسن


مااحـــــــــــــــــــــلاك

سناء .

UP

الاخ وليد العشى ....

الله اكرم .

ابحث عنها بين الحروف ستجدها من بين احساسك الجميل ذاك .

لك التحية

العشى

امسك الجمر البتبرق
بين رمادك وبين حريقك


ليزيد احساس الجمال عندك

جميل جدا ,,وياريت لو العشي فعلا مسك جمرو

عسل ياعمر والله عسل

بس راشد الجاك ده جاب صورة ناسي عجاج ولا انا عيونى كعبات

قبل ما تختار طريقك
ابقي واثق من رفيقك
وامسك الجمرة البتبرق
بين رمادك
وبين حريقك
مين رفيقك
<<<<<<<<<<<<<<<<<<<<<<<<<<<<<<<<<<<<<<<<<<<<
>>>>>>>>>>>>>>>>>>>>>>>>>>>>>>>>>>>>>>>>>>>>

كلام جميل جداً جداً
بس ياريت الناس تعمل بيهو لان الغالبية العظمي يقولون ما لا يفعلون

كل الـــــــــــــــــــــود
وكلنــــــــــــــــــــــــــــــــــا حصــــــــــاحيصــــــــــــــــــــــــــــــــــــــا

صباح الخير حافظ ودفعتك بتسلم عليك

hi sfwan nehark saeed thyaty le kowl al alnaas wa ramadan kareem

صفوان ... تحياتى ورمضان كريم


كدى نسال العشى اول ... بعدين نشوف

مبارك عثمان كتب:

عسل ياعمر والله عسل

بس راشد الجاك ده جاب صورة ناسي عجاج ولا انا عيونى كعبات

بركة يارائع .. كيفنك جابه وجاء ...

hafiz ahmed كتب:

قبل ما تختار طريقك
ابقي واثق من رفيقك
وامسك الجمرة البتبرق
بين رمادك
وبين حريقك
مين رفيقك
<<<<<<<<<<<<<<<<<<<<<<<<<<<<<<<<<<<<<<<<<<<<
>>>>>>>>>>>>>>>>>>>>>>>>>>>>>>>>>>>>>>>>>>>>

كلام جميل جداً جداً
بس ياريت الناس تعمل بيهو لان الغالبية العظمي يقولون ما لا يفعلون

كل الـــــــــــــــــــــود
وكلنــــــــــــــــــــــــــــــــــا حصــــــــــاحيصــــــــــــــــــــــــــــــــــــــا

كلامك صح ... بس المصيبة الكبرى ياحافظ ان هناك اناس ايضا يقولون ما لا يفهمون ودى مشكلة

العزيز انور


لم تقل شيئاً .. ام انك من انصار ان فى الصمت ابلغ كلام ..

برضو راى ...

الاخ عمر

ليس من الصعب عمل تظليل لماده وعمل نسخ لها وبعدين اعمل ليها كوبي (وزيطك) الصق
اعتقد انك متمرس جدا علي هذة التقنيه وتجيدها من زمن عمارة الشهداء بامدرمان حينما كنت ااتي إليكم انا ورفيقي قبل قريبي الاخ ابراهيم دسكو بس المشكلة زي ما قلته انه الفهم هو المشكلة متعنا الله واياكم بالحكمه والمعرفة وصحي الفهم قسمه

كل الــــــــــــــود

وكلـــــــــــــــــنا حصــــــــــــــــــــاحيصـــــــــــــــــــــــــا