سؤالين خطيرين وعجيبين ورهيبين مع جائزة ولا في الاحلام بس ادخل وفكر وحل السؤالين

عزيزي العضو لكى تفوز بالجائزة لابد أن تحل السؤالين بصورة صحيحة 100% وعلى العضو المشاركة بإجابة واحدة ومدة المسابقة شهر تنتهي في 7 مارس 2010م الساعة السابعة مساء بتوقيت السودان .
السؤال الأول :
ثلاثة أصدقاء مشوا مطعم فطروا وشربوا الشاي ... سالوا عن الحساب الجرسون قال ليهم ثلاثين ألف جنيه بالقديم ... كل واحد دفع عشرة ألاف جنيه ... الجرسون شال القروش مشى للكاشير اداهوا الثلاثين ألف جنيه .... الكاشير عمل للشباب خصم خمسة ألاف جنيه ... الجرسون رجع لكل واحد من الشباب مبلغ ألف جنيه والجرسون شال ألفين جنيه ... في الحالة ده بكون كل واحد دفع تسعة ألاف جنيه لانوا رجعوا ليهم ألف جنيه خصم ...
بعملية حسابية لما دفعه كل واحد يكون الناتج 9.000×3=27.000 جنيه والجرسون شال 2.000جنيه باضافتها يكون المجموع 29.000جنيه يبقى مبلغ الالف جنيه مشى وين ؟؟؟!!! .
السؤال الثاني :
ذهب شخص لمكان بيع الطيور ووجد ثلاث أصناف من الطيور محددة أسعارها على النحو التالي :
20 غراب بمبلغ ألف جنيه بالقديم
1 حمامة بمبلغ ألف جنيه بالقديم
1 صقر بمبلغ خمسة ألاف جنيه بالقديم
الشخص معاهوا مائة ألف جنيه بالقديم وعايز يشترى مائة من الطيور بشرط يكون بها الأنواع الثلاثة من الطيور فكم يشترى من الغربان ومن الحمام ومن الصقور ...
مع امنياتنا لكم بإجابات صحيحة ...

استاذنا اخبارك
اصلا اجمالي المبلغ 27000 جنيه منها 25000 للكاشير و2000 للجرسون مافي الف ضائع ولا شي
يعني 9000*3 =27000-25000-2000=0

ابوعثمان كتب:

استاذنا اخبارك
اصلا اجمالي المبلغ 27000 جنيه منها 25000 للكاشير و2000 للجرسون مافي الف ضائع ولا شي
يعني 9000*3 =27000-25000-2000=0

أبو عثمان سلام وتحيات ... ياخوي نتحاسب والحساب ولد زي ما بقولوا ..
الشباب الثلاثة دفعوا 30.000 جنيه كل واحد دفع 10.000 جنيه كلام جميل
رجعوا ليهم لكل واحد 1.000 جنيه يكون كل واحد دفع 9.000 جنيه مجموع الثلاثة 27.000 جنيه والجرسون شال2.000 جنيه يكون مجموعها 29.000جنيه الالف الثلاثيني مشى وين ؟؟
وين اجابة السؤال الثاني ...

يازول الناس دفعوا 30000 رجعوا لكل واحد 1000 باقي 27000 الجرسون 2000 الكاشير25000

ابوعثمان كتب:

يازول الناس دفعوا 30000 رجعوا لكل واحد 1000 باقي 27000 الجرسون 2000 الكاشير25000

ابو عثمان طيب وين الالف الثلاثيني ... الناس قالوا ليهم حسابكم ثلاثين سددوها رجعوا ليهم الف لكل واحد والجرسون شال الفين يعني كل واحد سدد تسعة الاف لمن تضربه في ثلاثة المجمع سبعة وعشرين زايد الالفين تسعة وعشرين الالف مشى وين ؟؟ عايزين رد واجابة واضحة ... مع تحياتي ...

تاني حساب ورياضيات يا مدثر

ياجاهورى سلام
اكيد بكون شالو فضل عياد لو كان معاهم ههههههه

استاذ مدثر خلي اللولوة وكلام ابوعثمان واضح الكاشير اخذ 25000 جنية والعامل اخذ 2000 جنية والمجموع يساوي 27000 جنية وهم اخذ كل واحد فية 1000 جنية يعني اخذوا 3000 جنية يكون المجموع 30000 جنية
او بمعني ثاني اي واحد دفع 9000 الف جنية يعني الثلاثة دفعوا 27000 الف جنية وهي مجموع ما اخده الكاشير 25000 جنية +2000 جنية التي اخذها العامل
ولك تحياتي

كمال الجمل كتب:

استاذ مدثر خلي اللولوة وكلام ابوعثمان واضح الكاشير اخذ 25000 جنية والعامل اخذ 2000 جنية والمجموع يساوي 27000 جنية وهم اخذ كل واحد فية 1000 جنية يعني اخذوا 3000 جنية يكون المجموع 30000 جنية
او بمعني ثاني اي واحد دفع 9000 الف جنية يعني الثلاثة دفعوا 27000 الف جنية وهي مجموع ما اخده الكاشير 25000 جنية +2000 جنية التي اخذها العامل
ولك تحياتي

اوافق الاخوان ابوعثمان و كمال في اجابه السؤال الاول .....
نشوف الاجابه الثانيه ....
نشتري 80 غراب - 20 غراب × 4 جنيه = 80 غراب = 4 جنيه
نشتري 1 حمامه - 1 حمامه × 1 جنيه = 1 حمامه = 1 جنيه
نشتري 19 صقر - 19 صقر × 5 جنيه 19 صقر = 95 جنيه
المـجــــــمــــــــوع = 100 طيره المبلغ = 100 جنيه

جيب الهديه وخلي اللولوه يا واو نار ....
لك تحياتي

رؤى شعيب جبريل كتب:

تاني حساب ورياضيات يا مدثر

مرحبتين رؤى تاني رياضيات لكن المرة ده ساهلة ما تفوتك الجائزة

مبارك عثمان كتب:

ياجاهورى سلام
اكيد بكون شالو فضل عياد لو كان معاهم ههههههه

بركة يا رهيب ويا عجيب ... تتصور ممكن ونعتبر ده إجابة ... طيب وين إجابة السؤال الثاني ... مع تحياتي

كمال الجمل كتب:

استاذ مدثر خلي اللولوة وكلام ابوعثمان واضح الكاشير اخذ 25000 جنية والعامل اخذ 2000 جنية والمجموع يساوي 27000 جنية وهم اخذ كل واحد فية 1000 جنية يعني اخذوا 3000 جنية يكون المجموع 30000 جنية
او بمعني ثاني اي واحد دفع 9000 الف جنية يعني الثلاثة دفعوا 27000 الف جنية وهي مجموع ما اخده الكاشير 25000 جنية +2000 جنية التي اخذها العامل
ولك تحياتي

يا كمال مشتاقين ... الجماعة طلعوا ثلاثين الف جنيه والمجموع 29.000جنيه طيب الألف الثلاثيني مشى وين .. بعدين يا كمال ياخوي لو ما لولوناها نعمل شنوا ... تحياتي بعدين انت حل السؤالين

جعفر قوليب كتب:

كمال الجمل كتب:

استاذ مدثر خلي اللولوة وكلام ابوعثمان واضح الكاشير اخذ 25000 جنية والعامل اخذ 2000 جنية والمجموع يساوي 27000 جنية وهم اخذ كل واحد فية 1000 جنية يعني اخذوا 3000 جنية يكون المجموع 30000 جنية
او بمعني ثاني اي واحد دفع 9000 الف جنية يعني الثلاثة دفعوا 27000 الف جنية وهي مجموع ما اخده الكاشير 25000 جنية +2000 جنية التي اخذها العامل
ولك تحياتي

اوافق الاخوان ابوعثمان و كمال في اجابه السؤال الاول .....
نشوف الاجابه الثانيه ....
نشتري 80 غراب - 20 غراب × 4 جنيه = 80 غراب = 4 جنيه
نشتري 1 حمامه - 1 حمامه × 1 جنيه = 1 حمامه = 1 جنيه
نشتري 19 صقر - 19 صقر × 5 جنيه 19 صقر = 95 جنيه
المـجــــــمــــــــوع = 100 طيره المبلغ = 100 جنيه

جيب الهديه وخلي اللولوه يا واو نار ....
لك تحياتي

العزيز جعفر قوليب ((واو نار لي سنار)) ... ما تقول لي اتفق مع الاخوان اتفاق مافي جاوب لوحدك وشوف الشروط فوق لازم تحل السؤالين .. نوافق وما نوافق ما معانا ... تحياتي للجميع ومرحب بواو نار ...

anwar كتب:

اول شئ يامدثر الجائزة شنو نعرف وبعدين نحل..... انتا ومبارك مامضمونين

أنور مشتاقين انت حل وقول الجائزة العايزه امكن تكون غطيسه في الكنار في البرد ده في احلى من كده أو عزومة دخول مباراة للهلال في دوري المجموعات مجاناً ... انت حل والجائزة حسب الفائز

سلاماتيا استاذ
ما في خيارات

سلوى عثمان ابراهيم كتب:

سلاماتيا استاذ
ما في خيارات

ناس دروس العصر ظهروا !!!!!!

سلوى عثمان ابراهيم كتب:

سلاماتيا استاذ
ما في خيارات

مرحب بيك سلوى بعد ما نشوف الجماعة العاملين شطار ديل لو ما قدروا يحلوها ممكن تكون في خيارات

راشد محمد الجاك كتب:

سلوى عثمان ابراهيم كتب:

سلاماتيا استاذ
ما في خيارات

ناس دروس العصر ظهروا !!!!!!

يا راشد لكن الرياضيات ما بدوها في دروس العصر ودروس العصر بتكون مخصصة للتربية الاسلامية والقواعد الجغرافيا والتاريخ .. اما الرياضيات بدوها في الحصص الصباحية وحليل الحصص الصباحية ودروس العصر مع سنة سابعة وثامنة والسلالم الجديدة ده

صديقى مدثر الجائزة اولا شنو و اديك الجواب على طول لكن الجوائز المفتوحة دي ما تنفع

يا جاهوري في داع تمسكنا من حسابنا البيوجعنا

الخدعة يا مدثر في صياغة الكلام .. اذا اردت ان تحسب ان كل واحد دفع تسعة الاف و مجموع ما دفعوه هو 27 الف اذا فالالفين التي سرقها الجرسون هي من ضمن الـ 27 الف التي دفعوها و لا يجوز جمعها للـ 27 الف و المتبقي هو 25 الف التي اخذها صاحب المطعم. و بذلك لا يوجد الف ناقص لأن طريقة الحساب في السؤال اصلا غير صحيحة.

ابو العيال اتمنى انه اجابتى تكون صاح والا تبقى دى مشكلة اول شئ بتاع الكاشير اخذ 25000 جنيه صاح والخصم خمسة جنيه مش كدة الخمسة رجع لكل واحد جنيه 5-3=2 والاثنين شالهم الجرسون اها صاح ولاغلط

اما السؤال الثانى كالاتى يشترى حمامة ب1000
و19 صقر ب95000جنيه
و80 غراب بمبلغ 4000
اذاً المجموع 100000
ياريت يكون صاح والجائزة تكون من نصيبى

عفراء مصطفى كتب:

ابو العيال اتمنى انه اجابتى تكون صاح والا تبقى دى مشكلة اول شئ بتاع الكاشير اخذ 25000 جنيه صاح والخصم خمسة جنيه مش كدة الخمسة رجع لكل واحد جنيه 5-3=2 والاثنين شالهم الجرسون اها صاح ولاغلط

اما السؤال الثانى كالاتى يشترى حمامة ب1000
و19 صقر ب95000جنيه
و80 غراب بمبلغ 4000
اذاً المجموع 100000
ياريت يكون صاح والجائزة تكون من نصيبى

يمنع منعا باتا على السادة منسوبى الشركات المشاركة فى المسابقات التى تنظمها الشركة ..... وعلى ذلك قس !!!!
يعنى مادقسنا ياجاهورى وترجع الجايزة لا العيال!!!

انا بشف
اجابة عثمان واجابة عفراء