سعودية تطالب بمهر حوالي 300 "ضب" "والله صحي" أها لحدي الان قالوا العريس جاب ليهو 100 في خيشتين !!

الخبر دا قريتو في عدة مواقع
تباينت الآراء
واحدين قالو بالغت
وتانيين قالوا أفضل طريقة لمحاربة المغالاة في المهور
لكن بأمانة أنا مع الناس القالوا بالغت
300 ضب وكمان صحراوية ؟؟
يعني العريس بدل إفتش الشقة المفروشة لشهر العسل
ويدبر حق الفنانين البقو زي لاعبي كرة القدم
يقنب يزازي بالصحاري يفتش في الضببة ؟؟
يعني يا بت الحلال كان تقولي يصورها ويجيبا ليك في فلاشة
لكن يقبضها ويشيلا ليك دي كتيرة
وبصراحة تعاطفت مع العريس النفض كيس الضببة وطلع مية
قبلتن قبلتن
ما قبلتن تعتبرن قولة "ضب خير"
وترجع تجيب المال وتبدأ من الصفر
والله يستر من الشنطة ما تقول كمان دايرا جلد أصلة وتحددا ستة ستة

لو كنت محل العريس اقنعها بالمية ضب
ولو العروس اصرت
العريس يتوكل يجيب كان عشرين كان تلاتين سحلية
وعلي الطلاق اكتر من كدا قبورة ما بجيبا
هو عرس ولا ترويع ؟؟
من الزواجف دي كلها ما لقيتي الا الضب
الضب اللخنقك شحدت ربي عليك

!!!!!!!!!!!!!!!!!!!!!!!!!!

انت عارف يا محبوب العروس ما طلبت مستحيل، عشان في السعودية اصطياد الضب اصبحت هواية زيها وزي مشاهدة الأفلام الخلاعية، ولعب الكورة ، وخلافه من هوايات، وانا في رأي العريس هو الورط نفسو وقال لي خطيبته أن من الهوايات المحببة إلية هي اصطياد الضببة، وهي ما صدقت، إما عايزه تزوغ منه أو عايزة تلحق معاهو الحد.

والله يا المحبوب الفكرة (ضبابية) أو (ضببية).. لكن حلوة عبارة (قولة ضب خير) دي.. فالسعوديون يتهافتون على لحم الضب أكثر من تهافتهم على لحم الضأن.. خصوصاً البدو منهم.. ورب ضب لك لم تلده امك.. الضب عندهم في مقام كبير جداً.. والعروسة فاهمة خالص.. لأنها اختارت إرث عزيز عندهم.. مثلما اختار أهل عبلة من عنترة نياق حمر.. ويبقى الضب وفخامته عند السعوديين.

» قالوا المابعزيـهن في المرحومة "بيزلي" إن مات ليهو جرقاس ما بعزوهو "صورة للفقيدة"
» لفح قليل من الابتسام لا يضير " مسطول قالوا ليهو وصف لينا الحال في السودان" سجن سجن غرامة غرامة
» بعد فطور العريس.. شاي العريس آخر تقليعات العصر
» من هو المسئول عن إعدام شهداء 28رمضان .. نجاوب ونمش علي الصناديق عشان الدور جايينا
» مفوضية أعِد بتعد في شنو لحدي يوم الليلة ؟؟