مِحن التُكل الواقع في سِتو !! سجم البديك "تذكرتو" .. أها ومن المغرب لنيويورك بتركب ليك "قبورة" ولا بتبقى زي حبوبة عادل كشكشة ؟؟

سيد البلد ونص وخمسة
وأمس قالا بالفم الفاضي
"أنا التُكل الواقع في ستو وسجم البديني بتو"
يطيل في أمد البقاء بالتضييق
ومافي أي مشكلة
تفنن الناس في توفيق أوضاعـهم "إلى حين"
ترفع الدعم أو كبري امدرمان العقرب في "نبليـها"
الحلول عند "السمسار"
والسمسار عائز فلوس
والفلوس عند التجنيب
والتجنيب فارض "مَكوس"
مرة شريعة ومرة ذريعة
والورطة لي هنا وإنتو "كِدا" داون تاون
إلا تقولوا "الروووووب"
وبرضو مافي حل
كل الحيل إتجربت وما جابت مريسة تامزينو
وآخر الحيل لتمرير "رفع الدعم" حكاية نيويورك
المشي ساهل في ظل الصفقات "الغُمُتي"
وممكن جداً تكون في ضمانات للدخول
وضمانات بعدم التعرض والخروج
كل شي جائز في "عصر" الكنكشة
حتى تصريحات السفر في الاجواء محلولة !!
بس قالوا حدها المغرب
طيب ومن المغرب لنيويورك ؟؟
والله إلا كان تركب ليك قبورة ولا أبو الدقيق
أو تبقى عليك حكاية حبوبة عادل كشكشة
عادل كان معاهو واحد من أصحابو
جاهو زيارة وما لقى مواصلات بات معا
البيت ضيق وحبوبتن ما بتشوف ساكنة معاهن
جرجرو السراير في طرف الحوش قريب للحمام
يعني الطريق للحمام بمر بالسراير
المهم بعد صلاة الصبح كشكشة جاب اللقيمات والشاي
و"حب" يطمئن" على الضيف
قام سألوا "كيف أصبحت إن شاء الله نمت كويس ؟؟"
رد عليهو الضيف
"أنوم بي وين مع حبوبتك الزي التيلفريك دي "
"ماسكة في السلك الليل كلو ما شة وجاية"

مسارات الرحلة "المرتقبة"

المسار الاوربي

المطلوب مهنيا استصدار اذونات عبور عبر شبكة اليوروكونترول سيستيم اولا ، والجماعه ديل تبع الاتحاد الاوروبي ، ثم استصدار اذونات عبور دبلوماسيه من دول المسار كل علي حده بحسب المجال الجوي ، وديل مالطا و ايطاليا و فرنسا و اسبانيا او البرتغال ثم ايرلندا، ثم استصدار اذن هبوط و تزود بالوقود اما في مدينة شانون الايرلنديه او جز الايزورز البرتغاليه ، ثم استصدار اذونات عبور من كندا و نيوفاوندلاند ، لكن الطائره القادمه من المسار الاوروبي عادة ما تتبع ما يعرف بطيران الدائره الكبري او ال Great Circle ، وفي الآخر حتي يجي المجال الجوي الفدرالي الامريكي .
الكلام الفوق دا كلو باعتبار استخدام الطائره الاليوشن ام الفالكون ، فعليها استصدار اذن آخر بالهبوط في ريكافيك ايسلندا للتزود بالوقود ، دا المسار الاوروبي عبر ليبيا و البحر الابيض ، يعني الموضوع ما تأشيره و بس ....

المسار الاطلنطي

عليهم العبور عن طريق دول الاتحاد المغاربي ، ثم الهبوط بكازابلانكا او اغادير للتزود بالوقود ، و من ثم الدخول في عملية ملاحه معفده تعرف بالاوشيانك نافيقيشن ، تعتمد بالاساس علي منظومة الجي بي اس و الانيرشيا نافقيشن سيستم.

من مخاطر المسار عدم وجود مطارات مناوبه في حالات الطوارئ ، فضلا عن تبعية جزء كبير من المسار لليوروكونترول ، و الجزء الاوسط يتبع للناتو ، حيث ان لديهم نقاط كنترول تتطلب اذونات خاصة.

المسار التجاري

يمكنه فقط السفر عبر الخطوط التجاريه كمسافر
اما عن طريق التركيه عبر اسطانبول
او المصريه عبر القاهره
او القطريه عبر الدوحه
او الاماراتيه عبر دبي
الباقيين اوف ليميت

منقول "بتصرف" من بوست ابراهيم عدلان / سودانيزاونلاين

كده ما عصرت عليه شديد يا استاذ ..
خلي يمشي ..
و الرجعة بنتمها " هي لله .. هي لله".

دا مسار غاية الخطوره لكن يبدو ان المسأله عاديه
ال FBI و ال CIAQ جاهزين جاهزين لحماية الدين
رحلة ميمونه

تذكرة ذهاب بلا عودة .

قول آمييييييييييييييييييييين

.......,ودرب الرجعة ما عرفتو....

الرحلة طويلة طويلة ومكتوبه علي وبمشيها

بركة الله قطر عجيب .....

تسافر وين تخلي النار وراك موقودة

اخونا ده حاتبقى عليهو حكاية نميري قال خطابه الاخير وما طمن فيه الشعب وقال البياكل ثلاثه وجبات ياكل وجبتين والبياكل وجبتين ياكل واحده ومنها سافر امريكا وما رجع باقيلك ده برجع تاني اخونا مرتب اموره تمام قال اولعها واتخارج

» حنية ..حبوبة..وماما..أمريكا..
» ود حبوبة ليست ثورة (لا توجد حلونة)
» نشفتي "الريق" وكشفتي "الحال بالضيق" فاختشي حكاية "تتقشفي" دي ما بتبقى وما بتتصدق أكان الرأس كلو بقى "إضنين"
» يا عصام كورنة العندو مروءة لمحاورتك دي منو ؟؟ أعكسا ياخي ..المغرب أذن والنتيجة سبعة "لغف"
» منطقة الحلاوين وعبد القادر ود حبوبة !! لحظة يا استاذ عباس حسن طه