فوضى مباراة تزيين وجه السلطة .. إستحالة سفر الهلال "مافي إدارة" .. والمريخ سافر .. وحا يقابل واحد من فرق الدمازين إذا إستمر الحال على ما هو عليه !!

قناة قون قبل قليل

عدد من الاقطاب الهلالاب رفضوا تسلم الفريق
اللاعبين المحترفين قالوا دايرين حقوقهم
الكاردنال اعتذر وقال في طبيب بريطاني منعو من العمل الرياضي
المريخ سافر في الرابعة عصرا متاخرا اربعة ساعات
وحسب قون تمت اتصالات باتحاد الدمازين لتجهيز فريق يقابل المريخ
نهايتو ناس قون اعلنوا نهاية الاستديو المخصص للمباراة

كاس السودان
بقى في خبر كان

الوزارة تتحرك لانقاذ الموقف وإقامة المباراة ذات الابعاد السياسية
وحسب اخر الاخبار فسوف يتم تعيين مجلس ادارة للهلال في خلال الساعات القادمة
واقوى المرشحين اربعة فرزت منهم اتنين عبد الله حسن احمد البشير وحسن هلال
ناس المريخ في الدمازين الان سافروا بطائرة خاصة "على نفقة الاتحاد" بمعية الدكتور معتصم جعفر
وحسب اخر تصريحات بعثة البمريخ فانهم لن يقبلوا بالتأجيل طالما تكبدوا مشاق السفر
يعني ما حا ينتظروا الوزارة لمن تعين ادارة للهلال ويجمعوا اللاعبين بالليل دا "ماش وين ؟؟"

نهائي كاس المؤتمر الوطني بالدمازين

صدر القرار الوزاري مساء يأمس بتعيين لجنة تسيير لنادي الهلال لمدة ستة شهور
عطا المنان رئيساً والدكتور عبدالله "عمر" حسن احمد البشير نائباً للرئيس
اللواء شرطة السر احمد عمر الناطق الرسمي باسم الشرطة السودانية أمينا عاماً
الفاضل التوم التهامي أميناً للصندوق وراشد صالح احمد نائبا له
والكابتن علي قاقرين مساعداً لرئيس النادي وعضوية آخرين

الكلام دا كلو أمبارح بالليل عشان يلحقو يقيموا المباراة في أكثر مناطق السودان "أماناً وإستقراراً"
وطوالي الرئيس الفعلي قال بأن الهلال تلقى ضمانات من الاتحاد بتأجيل النهائي إلى يوم الثلاثاء.

وعلى كل حال المباراة قائمة قائمة طالما بقى الموضوع في يد جهة سياسية واحدة
فرئيس الاتحاد عضو المجلس التشريعي القومي ورئيس المريخ جمال الوالي ونائب رئيس الهلال شقيق البشير

الله يقبحهم جميعا ، بالهلال و المريخ معاهم .
بلا جوطة بلا وجع قلب ..
.
.
.
با المحبوب ، عازمك اليوم مساء تتفرج علي قمة السعودية ( الهلال ضد النصر).

ياعلوب شكرا ياخي الا اذا تزامنت مع العيتنوبة بتاعتنا دي
بالله عليك البحصل عندنا دا حصل في زول حكاهو ليك ؟؟
نهائي كاس السودان يكوسو بيهو متل دا ؟؟
واتحاد حدادي مدادي "سكتنا"
وفرق بشجعا ملايين البشر ولاهن عارفين يمشو الدمازين ولا ما يمشو
وحكومة غلبا شمال كردفان جاية تتلاعب في النيل الأبيض

المحبوب أحمد الأمين كتب:: وحكومة غلبا شمال كردفان جاية تتلاعب في النيل الأبيض

الأستاذ المحبوب..

مساء الخير..

معذرة ، و أنت تحاول نقل الموضوع إلى ردهات السياسة.. للهلال مشاكل إدارية مُستفحلة منذ أمد و هناك صراعات داخل النادي الكبير أدت إلى تدخل السُلطة التي يعاتبها جُل الهلالاب الأن أنها تدخلت..!!

و دمت

الاخ الرشيد كيفك يا رجل
والله سمعت كلام علوب وحضرت الهلال والنصر
والحمد لله اتمتعنا ولا متعة مهدي ابراهيم
وصدقني لحدي الان ما عرفت الحصل شنو
وانت طبعا حقارتك بي انا المسكين دا
بس عشان قلت السلطة بتتلاعب بالكورة وبعواطف جماهير الكورة
وبتستغل كل ذلك لتحقيق انتصارات معنوية في النيل الازرق تغطي بيها مصائب جنوب كردفان
يعني لا حولت ولا نقلت وانت ذاتك بتكون مقتنع بكدا
والا السبب شنو البخلي الهلال والمريخ يلعبوا في الدمازين ؟؟
لي شنو ما عطبرة ولا مدني ولا كوستي ولا سنار ولا القضارف ؟؟
والناس النقلوا الفرق والاتحاد العام بلجانه المتعددة وادارات الاندية وودوهم الدمازين دا كلو انت ما شايفو ؟؟
بقت عليك حكاية حقة في جيب تشيف وقندران مليان بضاعة ما تشيف زي ما قال الادروب لأمن الميناء

الأستاذ المحبوب..
بعد التحية..
لا خلاف على أن نقل المباراة للدمازين هو للكسب السياسي و هذا لا يفوت على فطنة (غافل)..؟
ما وددت قوله أن الأهلة يريدون من السُلطة أن تتدخل و إن هي تدخلتإستنكروا تدخلها..!! و كنت أريدك أن تتناول لنا البوست من هذه الزاوية السياسية / الرياضية..
و لا إنتا أدروب و لا أنا أمن السُلطة..

و دمت

» كبد الحقيقة يوم مباراة الهلال والمريخ
» حوار حول تداعيات احداث مباراة النيل والمريخ (اسرار تكشف لاول مرة )
» من سيتوج بطلا لنسخة الممتاز رقم (15) التي ترفض التعادل؟ الهلال والمريخ في قمة التعويض ... صراع رهيب على لقب الهداف بين ثلاثي الهلال المرعب يهدد المريخ
» تاااااااااااااااااانى فى واحد جميل من بلدنا سافر
» صور مباراة النيل والمريخ (( توجد مفاجات ))