سلام اهل الثقافه سلام

بكل الود والاحترام ارسل كل عبارات السلام لأهل الحصاحيصا الطيبين
والشكر اجزله لعم الكل حسن وراق والخال بكري عثمان حمد
والاخ انور والاستاذه فايذه السيد.

هلا بيك غسان هلا ذي ماقال ليك الاستاذ حسن وراق ابقي داخل لجو

مرحب جداً جداً يا غسان
وخليك معانا

شكراً استاذ وليد وشكراً emo
وكيف مع رمضان خشى العضم ولا لسة

مسا النور غسان
طبعا انا عشان كنت ممتحنه ماكنت فاهمه حاجه
لكن بعد ماخلصت امتحان نااااااااااااااااااااااااااااايمه ساي لسه برضو مافاهمه حاجه انشا الله القي طريقه افهم قبل مايفوت
وتسلم

مرحبتين غسان رمضان خشة العضم

مساء الخير على الناس البيداوء الناس
والحمد لله على السلامه وكيف كانت الامتحانات معاك
واحسن انك مافهمتي حاجه في رمضان ده وكويس أنك قضيتيهو نوم لانو رمضان كان مولع.

مرحبا الاخ خضر اسكت ساي رمضان ولع بس المصبرنا انو فاضل 8 يوم

ربنا يجعلنا من المعتوقين من النار انشاء الله

هلا غسان هلا
الامتحانات عدت علي خير لكن بقيت لناس المنتدا في رقبتهم ادعو لي ليهم شهرين
اسي انت بدخولك المتاخر مطلوب دعوات للنتيجه نخلي الناس الدعو المره الفاتت ارتاحو شويه
وانت رمضان المولع ده البمرقك فيه شنو اقعد في البيت وافتح المكيف والنت وماتقبل علي اي زول الا الصله والقران
وتسلم

ربنا يوفقك وديك الفي مرادك
وانا ذاتي كنت ممتحن ماتنسيني معاك با لدعوات
ولو متكلة على دعواتي الله يستر لانها ماشه با لعكس

ربنا اوفقك وانت ماعارف دعا المسلم لاخيه المسلم مستجابه عشان كده ماعندك مشكله ميه ميه
بتدرس شنو ؟

صباح الورد والياسمين صباح الخير يا دكتورة emo
بدرس في جامعة الرباط الوطني_كلية الدراسات البيئة _قسم الحماية المدنية
انتي بتدرسي وين؟

غسان عوض الماحى كتب:

صباح الورد والياسمين صباح الخير يا دكتورة emo
بدرس في جامعة الرباط الوطني_كلية الدراسات البيئة _قسم الحماية المدنية
انتي بتدرسي وين؟

غسان نهارك فل
انا اتخرجت من كليه الطب لي 6 شهور
انت علي كده مطلوب عندنا في المنتدا الصحي ضروري نشوفك هناك