اضبط.. الحصاحيصا لا تعرف الاسرار

حديث المدينة هذه الايام عن ( اللص الظريف )) الذي هبر ( دستة) بتاعة الف جنيه ما تعادل( دستة) مليون( اهيف ) قديم ، عبارة عن فاتورة بتاعة شوية وكراسي صيوان وساوند سيستم مشخشخ لسويعات فقط . واحتجاجات من كزام وافراح الشمالية وايضا عادل شروم... وابليس قال دي ماسبقك عليها زول يا (...). الفاتورة مبتورة والماعندو شاهد كضاب والكعوبات جمع كعب عالي في ( الاسكان..ر ) الشعبي.. ورارووووك .. الزناتي خليفة اتكتل يا رجااالة والجماعة اخر انبساطة يغنوا ساكت .. كلام زي دا الله اصلو ما معقول انت من (الحزب) والله زول طابور؟؟ وود البصير قال للجماعة ..البجي من طهور البت يروح في عرس الولد..انا ما بنوم يا عيني ورارررروك رمضان كريم وصلاة العيد الدعاء المحفوظ ..حاقص لي ..اللهم زوج من لا زوجة له.. معقولة يا جماعة ..؟؟ و( دستة) بتاعة مليون اهيف بتزوج ليها كم يا شيخنا؟؟؟؟ والله زي ما قالوا خلوها مستورة وما تجيبوا اسمو لان الهواء بيعمل ليهو ( جيوب ) واستغفر الله ولا حول ولا قوة الا بالله.. واعوذ بالله .. اللهم لا تؤاخذنا بما يفعله السفهاء منا واغفر لنا وارحمنا ببركات الشهر الفضيل وانا ما محتار لان الحصاحيصا لا تعرف الاسرار ..كج كرج امانة عليك تقطع اضنيك ما..بختشي؟؟.. خم وصر !!!

عاود الروح اساها.!!
عصفورة دوت كوم اثناء تحليقها في حي النص لمحت زحمة عربات افتكرتها زفة الهلال او مأتم مريخاب..شهر رمضان شهر التوبة والغفران...لكن يا جماعة الانتهازية دي لا تستوجب التوبة؟؟ والله بعد كشف الخطة الاسكانية الخاص والخاص جدا والذي يحاول اللص الظريف تمريره بعد ما كانت امبارح جلسة فتح الخشم وبدا شغل التحضبر للانتخابات بطريقة الهبرة والنبرة و ) اضحك تضحك لك الدنيا...طبعا زق الموضوع بطريقة فاتورة ال 12 مليون برطوش والتي مررها الشيخ وعارف اللص مزنوق زنقة (كلب) في زقاق فلاتة...وشيخ الحلة الجنوبية( جنابو) حلف براس الخلوة الا يرجع اللص الظريف الورشة عطبرة او الاصلاحبة سوبا..دا غير كشف الحال ولم تجد العصفورة ما تشعر به اللص الظريف سوي ان تعمل ( عملتها) في الراس الفاضي وتطير في الفضاء العريض

[

color=blue]يا جماعة دا الموسم بتاعو

ناس الخير والسباقين اليه كثر ..اعرف اناس كثيرون يريدون انفاق اموالهم في سبيل الله في صمت حتي لاتعرف يسراه ما انفقت يمناه.. وخاصة من ابناء الحصاحيصا في الخرطوم الذين لا يترددون في الدفع لاي مشروع اودعم انساني ..صحيح الاجر للمانح والاثم علي البالع ولو كان لصا ظريفا غليظ القلب[/color]

[b]

الملف وصل يا ناس يا عسل

واخيرا سقط اللص الظريف في قبضة التوثيق والمستور بان والمخفي ظهر تحصلنا علي الوثائق والملفات التي تثبت تورط اللص الظريف في اكبر حادثة( هبر)و ( ضرب )و ( سفسفة) اموال اكبر وانجح جمعية خيرية في البلد واصبحت اطلال ويذهب الحرام من حيث اتي واموال السحت وايهام الغلابة والمساكين والله يمهل ولا يهمل دعاء المسروقين والحرامي قالو في راسو ريشة ولكن حرامينا في راسو مافي حاجة ومتعود من زماااااان علي الصدقات وال.. زكاة.. عمدة وخالي اطيان.. وخالي شغل وقادي دين ورياضيات وللاسف تاريخ كمان

ياشيخ وراق الدنيا رمضان وخليه للزمن والله نحنا بعيدين عن الديار لكن انشاء الله تجدنا اقرب اليك من ناس الخرطوم ونحنو هنا كميه من الخيرين ابناء الحصاحيصا في جده ورهن للحصاحيصا والمنتدي بس ابدي ونحنو جاهزين واي حد قصد ابناء جده وجدهم

ش

عزيزي مهدي بكش
تحياتي وكل عام وانت واسرتك الكريمة بالف خير..
عزيزي مهدي واحدة من ازمات الحصاحيصا نفر يفتكر العمل العام بزنس يريد ان يحقق به ما فشل في تحقيقه..هم اناس بلا اخلاق و حربائيين يتقلبون حسب مصالحهم.. لا مبدأ في حياتهم الا مصالحهم..
عزيزي مهدي
انت تدري ان قطاع كبير من ابناء هذه الحصاحيصا لا يريدون الدخول الي العمل العام ولا يجذبهم بسبب المثال السييء الذي يضربه هولاء الانتهازيين..والصحافة كسلطة رابعة دورها كشف امثال هولاء الذين لا يتنفسون ويسمنون و يتبرعمون الا في ظل الانظمة القمعية والديكتاتورية انهم كلاب النظام.. لا عمل لهم وبالتالي لا يعرفون فضيلة او اخلاق وحتي لا ينزلق من تسول له نفسه في هذا الطريق يجب ان نظل حريصين الي تقديم القوي الامين في العمل العام والذين صحيفة سوابقهم مليئة بفعل المكارم والخيرات.. ناس عينهم مليانة ونفسهم قنعانة لا اولئك العواطليةمضحكي الملك ( المطيرزية )والهنابيل الاشاعبة الهمازين الزبالعة( الكشامشا) اللصوص اولاد الهرمة.. اخي بكش..
يجب علينا حماية ورقابة من يتصدي للعمل العام ويرتزق منه ولا نتركها سايبة.. يزداد سنامهم ويكبر حجمه من المتاجرة بقضايا المواطنين..ياكلون المطايب والفالوذج الذي لم يهد للمتوكل وهم ابناء الصدقة وتركوا من يتاجروا بقضاياهم في مسغبة ووحيح لا يحملون اليهم سوي الوعود الكاذبة.. امتطوا الفارهات من اقدام الحفاة..خدم السلطان والرتب الوضيعة آكلي اموال السحت وبائعي الخديعة.. يجب ان نحمي العمل العام من امثالهم والقضية طويلة.
يا اخي مهدي ..
وانت كل يوم تسمع من البسطاء العبارة الشهيرة.. الحصاحيصا ما عندها وجيع..
هولاء هم وجعها.. ولازم نعرف ونكشف الوجع ليسهل العلاج!!
لك الحب والمودة والنغم الجميل

زائر

اضرب بيد من حديد يا وراق

(ومن سكت عن الحق شيطانُ أخرس)

كل الـــود
وكلنا حصـــاحيصــــا

ماقصرت يااستاذ حسن وراق وربنا اخليكم للحصاحيصا

بعد صلاة المغرب جماعة في حي الموظفين انتشر المصلون بعضهم لاحضار اللبن وبعضهم لمشوار مع المدام .. بقي ثلاث من المصلين وهم نافذين في المحلية في ونسة دقاقة وجادة عصفورة الحصاحيصا دوت كوم وبعد الباقيات الصالحات ( جغمت الونسة ):
والله الزول دا لاصق فيه زي القرادة .. مكتموا النفس!! لا يا ناس ..دي خوة في الله .. ياخي الله يطوطحك ويصهين منك .. انت طوالي ساذج؟؟ الكلام الداير اقولو ليكم الليلة الزول دا صدقوا ليهوا الفسحة الشمال طلمبة شل محل ناس الفواكه .. ناس محمد ابراهيم حاج التوم يعني الضحك شرطو؟؟ والكلام دا ما يمرق لانو بعدين بقولوا انا المرقتو .. لا حول ولا قوة الجماعة ديل اصلوا ما شبعوا ؟؟ وزي ما قال واحد من الشيوعين في الحصاحيصا اسمه ابوشمة (( يا جماعة دي خلوة والله جامعة السربون )) .. اللهم لا اعتراض في حكمك .. ما تمشوا بعيد اقول ليكم علي آخر خبر الوظائف الخاصة بالصحة كلها مشت لاولادهم في الحلة ومافي زول من الحصاحيصا حتي ولو كان مؤتمر وطني ..اعوذبالله التقول عليهو موسي يطلع ابراهيم اقصد فرعون

حسن وراق حسن كتب:: بعد صلاة المغرب جماعة في حي الموظفين انتشر المصلون بعضهم لاحضار اللبن وبعضهم لمشوار مع المدام .. بقي ثلاث من المصلين وهم نافذين في المحلية في ونسة دقاقة وجادة عصفورة الحصاحيصا دوت كوم وبعد الباقيات الصالحات ( جغمت الونسة ):
والله الزول دا لاصق فيه زي القرادة .. مكتموا النفس!! لا يا ناس ..دي خوة في الله .. ياخي الله يطوطحك ويصهين منك .. انت طوالي ساذج؟؟ الكلام الداير اقولو ليكم الليلة الزول دا صدقوا ليهوا الفسحة الشمال طلمبة شل محل ناس الفواكه .. ناس محمد ابراهيم حاج التوم يعني الضحك شرطو؟؟ والكلام دا ما يمرق لانو بعدين بقولوا انا المرقتو .. لا حول ولا قوة الجماعة ديل اصلوا ما شبعوا ؟؟ وزي ما قال واحد من الشيوعين في الحصاحيصا اسمه ابوشمة (( يا جماعة دي خلوة والله جامعة السربون )) .. اللهم لا اعتراض في حكمك .. ما تمشوا بعيد اقول ليكم علي آخر خبر الوظائف الخاصة بالصحة كلها مشت لاولادهم في الحلة ومافي زول من الحصاحيصا حتي ولو كان مؤتمر وطني ..اعوذبالله التقول عليهو موسي يطلع ابراهيم اقصد فرعون

أبراهيم ،، زاتوا ،،
أبراهيم بن متّي ،،
بتاع الإنجيل ،،
يا لطيف ،،

حفظك الله ،،

ركـــــــابي :-
وقـ المغارب

يا ورقة بالله عليك ماتخليو احنا خلاص فترنه من خليو للايام وربنا المنتقم بس الايام ما نحن البنسويها ونحن يد ربنا على الظالم والسارق والمفتري ماتخليه ولو دعت افضحو في عشرين متر دبلان ابيض وعلقو وسط سوق الحصاحيصا وانا متبرع بكل المصاريف علشان غيرو يعتبر ويعملو حسابم كتروها وعملوها ظاهره والشغلة بقت قلع حمرة عين ساااااااااااااكت ياابو على اولاد الكلب اللهم احصهم عدد وافضحهم واحداً واحدا اللهم امين
جعلك الله يا ابو علي عينه التي لا تغفل عن اظهار الجق .. ولي قداااااااااااااااااااام

» اضبط... الحصاحيصا مدينة لا تعرف الاسرار..
» تابع الحصاحيصا لا تعرف الاسرار
» الحصاحيصا لا تعرف الاسرار ( يوجد معتمد جديد)!!
» الحصاحيصا لا تعرف الاسرار ..ضبط مسئول كبير في وضع فاضح بمكتبه
» الحصاحيصا لا تعرف الاسرار .. شركة التشريذي (للوساخة ) لصاحبها التشريذي (التشريعي والتنفيذي )!!