"اخوان في الرضاعة" !! 22 من رجال وزارة الشئون الاجتماعية بالخرطوم معينين مرضعات

أيام حرب الجنوب ورواج الحور العين والمسك وهبوب الجنة
كتار غُرِر بـهم وتم إقتاديـهم لاتون تلك الحرب العبوس
وتعددت طرق "الإقتياد" حينـها مرة ارهاب ومرات ترغيب
وراجت وقتـها أبيات إبن رواحة "على ما أعتقد"
(( يانفس أقسمت لتنزلنه
طائعة أو لتكرهنه
إن أجلب الناس وشدوا الرنه
مالي أراك تكرهين الجنه ))
شباب في عُمر الزهور لم يتركوا إلا الحسرة في قلوب الامهات
وإبتدع ناس التوجيه المعنوي حينها فكرة تفويج أمهات الشهداء للحج
في مدني كشوفات "المتقدمات" بالآلاف مجرد فتح باب التقديم
تم إسناد إعداد الكشوفات للجنة برئاسة واحد روحو "هِنا"
كان براجع في واحد من الكشوفات لاحظ وجود إسم رجل بين المتقدمات
الإسم بالكامل "علي محمد يوسف الباقر" السكن وين كدي ماعارف
نادى واحد من جماعتو قال ليهو "كدي أقيف برا وأنده لي الإسم دا"
قام جاهو "راجل" قيافة شاكي جلابية بيضاء والعمة والدقن "أها"
صاحبنا الزهجان عاين فيهو قوي وتفحص ملامحه المابتغبى عليهو
وتأكد من إنو من التنابلة المشهورين باللغف "تمساح عشاري"
رئيس اللجنة إحتار في "الراجل الواقف متنح قدامو" قام سالو:
قال ليهو "ياعم بالله إنت أم منو في الشهداء الكرام البررا ديل ؟؟"
أها زولنا "الزهجان" دا لو جا وقرأ العنوان الفي الجريدة دي بسو شنو ؟؟
غايتو أطفال المايقوما مساكين
أبهاتن يغرروا بأمهاتن "في كثير من الأحوال"
ويسبقوهن على الوزارات يتعينوا بوظائفن "البايولوجية"
مخير الله !!

» وكيل وزارة الصحة السابق كمال عبدالقادر في حوار خاص بدوت كوم حول صراعات وزارة الصحة
» اها يا اخوان البنات العلموا الجبل الثبات ... نموت كمد ولا شنو؟
» المراجع العام يكشف عن إختفاء منحتين بـ"500 مليون دولار" مقدمتين من قطر والجزائر ، وزارة "المالية" قالت شالتا " وزارة التعاون الدولي" ودي قالت شالتا "المالية" !!!!
» سؤال اخوان فى شهر الغفران
» شاهدوا ابراهيم عيسي ورايه في نظام البشير نموذج حكم اخوان مصر