"نعاج" متحولة في ضيافة حكام غافلين !! الضيوف غردوناب ، وسيناتورات ، ورجال أعمال ، ونجوم كرة "كضم"

(1)
البداية بالنعاج الغردونابية
وزي ما بقول معروف الله يطراهو بالخير أيام "البطونة"
"ولع بلاش كلام فاضي"
شابكننا "خروف خروف خروف"
قول بقيت خروفتشوف ذاتو "سو واط"
وأتاريـهن واحدين بقو لمن يبشروهن بنعاج السلطة المتسلطة
لا بكفهرو
ولا بتسود وجوههم
ولا بكظمو غيظ ولا أي حاجة
النعاج يا سيدي الامانتي ليك اليومين طالعات في الكفر
أخيراً قدرن يحققن ذاتن في عالم الخراف "الضكوري"
تخيل نعجة بريطانية قاعدة هناك في أمان الله
في الريف لا زيف لا صريف ولا رديف
تـهف ليـها تركب ماكنة "حفيد"
مافرقت حفيد لأي جنرال
أو حاكم عام "سابق" للمستعمرات
إن شاء يكون مات في القرن التالت "عشر"
طبعا بعد ما كانن مستعمرات
"تحولن جينياً" لمستغفلات
بسبب وحكم القبضة الزريبية للمتحولين دينياً بالبندقية
"ما تقول أخ تتلخ "
المهم النعجة تقوم تتقدم بي طلب رسمي
للجهات الرسمية هناك
طلب لزيارة المستعمرة المستغفلة بوفد عال المستوى
"وفل بورد ... في بريطاني دافع حاجة"
مش كدا وبس
كمان تعزم معاها نعجة ناس توني بلير الملظلظة ديك
ونعجة ناس بيركهام بتاعت التنس اللبيسة الأنيقة
ونعجة تايلور المزوجا خروف من ويلز "عرفي"
لكن نعجة ناس جيفرسون اللونا تركوازي بالبمبي
عزموها قالت بتجي "ليتر"
والإكسكيوز سمعتو النعجة الحفيدة بي "تحت تحت"
"ترا كلاماً بيناتنا" ما تودونا في داهية إنتو كمان
أها قالو المأخِرا إنو عندها
عندها
عندها
"غايتو شمشارين جنس شمشرة"
عندها "ديت"
سمعت شافوها كم مرة ماشة مع خروف ناس روني ود الياس
ابقرينات المعولق داك
وكمان "برا خجلة" تدردق معاهو في نجيلة حبيبي مفلس
ويأكل فيـها في بيرقر فتريتا كدي في خشما
"غايتو نعاج الزمن دا جابنو آآآآخر"
وتنقش
تنقش
تنقش زي ما بقولوا ناس برنامج "خروف الزهور"
يركبن الطيارة
وفي الطيارة خاف راكبات "إكونمني" ؟؟
المافي شنو ؟؟
ديل راكبات يا سيدي الامانتي ليك درجة "نعاج الأعمال"
التذاكر جوة الماسورة التسعين بوصة
وأريتن أكان بركبن وبسكتن ساي
لا ديل يخشن الواتسب والاسكاي بي
وهاك يا قرقراب وقهقهة وشمارات
قطيعة شديدة
لابخلن الفاتحا وشها
ولا برحمن المتزوجا عرفي
ولا بقدرن ظروف الفرتقت خطوبتا
حتى ليزا شاش ما سلمت منهن
قالن بإنجليزي ملكلك "شي إذ ديتنق حمل شغال في ركشة حقت نسيبو المغترب"
"يا خي ما تشوفن شغلتكن وتخلن النعاج في حالا"
ولمن الطيارة تبقى على تخوم المستعمرة المستغفلة
يطلعن "عِدة الشغل"
خاف قالوا ليك كريمات وبدرة وعطور ؟؟
أبداً عدة الشغل بتاعة "التحويل البايولوجيكال"
وباللزاق يختن نقطتين سطر جديد "دا سمعتو بيهو قبال دا؟؟"
تشوفو تقول خروف تضبحو في سماية "مولود الفِرِد واحد"
وينزلن من الطيارة وعلى قاعة كبار "الخرفان"
وزير الخارجية واقف يمسح في دقينتو بيدو "اليسار
مع مناديب رئاسة الجمهورية
وناس المراسم
والسواقين بالمايباخ الماخمج
وبتاعين الاعلام والتحاليل الفلسفية البجيبوهن لينا في القنوات
"ما عارف بلقو المحاليل وين ؟؟"
"بالله المحاليل دي في المستشفيات الفضلت مافي"
والجرائد "قبلية الرقابة"
ناس التلفزيونات شايلين الكميرات
الكامير تحلب تقول "ساوندسيستم"
ويلا ينفكن "أقصد ينفكو" في البلد "الأُمفكو"
الضبائح
الولائم بالنـهار يتسابقو علي "عزمهن/م"
مع وصلات غناء "الأغنياء والمرطبين"
الأغنية "الكلام حجة واللحن قعدة زي ما قال جبرا"
واللافتات بقماش الدبلان وبالخط العريض
"أمانة الشباب بالحزب الحاكم ترحب بالفحل الغردونابي ووفده الميمون "
سجمكن وسجم الراجيكن
يا بتاعين الاستيراد عاملين شفوت ؟؟ وبتاعين تصدير ؟؟

هدا كلام السفير البريطاني بتعرفو غردون أكتر منو ؟؟

(( نفى السفير البريطاني بالخرطوم د. بيتر تيبر أن يكون لغردون باشا حفيداً، لأنه لم يكن له أبناء، وسخر السفير من مزاعم كريستوفر غردون الذي زار السودان مؤخراً والتقى بعدد من الشخصيات بينهم الصادق المهدي وقال السفير في حوار مع "السوداني" ينشر لاحقاً "هنالك بعض الأشياء الغامضة في الحياة")).

(2)

السيناتور المزيف

(( لماذا يصر البعض على أن يظهرنا بأننا شعب لا يفقه ولا يفهم ويستحق أن يأخذ على قفاه في كل مرة. إذا أرادت الحكومة أن تستمر في السماح للآخرين في استغفالها، لأنها لا تؤدي الواجب المنزلي المعتاد عند الإقبال على كل عمل، فهي حرة، لكنها يجب ألا تجرنا معها لساحة الاستغفال والاستهبال في كل مرة. من الآخر وبالاختصار المفيد: لا يوجد سيناتور أمريكي، أي عضو في مجلس الشيوخ، اسمه سوني لي، كما لا يوجد عضو في المجلس الآخر، الذي هو مجلس النواب اسمه سوني لي، ولا أي اسم آخر قريب منه. إما أن الرجل الذي زار البلاد في اليومين الماضيين محتال، وسمع أن بلادنا هذه يستطيع كل خواجة أبيض البشرة ان يستهبل فيها، أو أن هناك من الاطراف السودانية من أرادت استخدامه وقدمته على غير حقيقته، وفي الحالتين هي كارثة وفضيحة يجب أن تطيح برؤوس كثيرة.

هكذا انتهى بي البحث أمس يعد أن قرأت في صحف الجمعة تصريحات للسيناتور سوني لي، رئيس وفد الكونغرس الذي يزور السودان، والذي التقى بكل من مساعد الرئيس البروفيسور إبراهيم غندور، ووزير الخارجية علي كرتي، ووزير النفط مكاوي محمد عوض. بدأ الشك بالتصريحات المنسوبة للرجل بأنه يريد الاستثمار في السودان، كيف لعضو في الكونقرس لا يعلم أن هذا المجلس هو الذي يمرر قرار الرئيس الامريكي بفرض عقوبات على السودان؟ وكيف له ان يغامر بمستقبله السياسي ليرتكب مخالفة لقانون العقوبات المفروض من بلاده.
نعرف أن النظام النيابي الامريكي يقوم على نظام المجلسين: مجلس الشيوخ (Senate) وأعضاؤه مائة عضو يحملون لقب السيناتور، ثم مجلس النواب وعدد اعضائه 435، وهؤلاء يحمل العضو لقب (Congressman) . وقد قمت بالبحث في القائمتين فلم أجد اسم الرجل، ولا أي اسم قريب له.

لجات للحيلة الثانية، وهي البحث عن اسم الرجل في قوائم رجال الأعمال، طالما قيل أنه جاء على رأس وفد من المستثمرين، فوجدته فعلا بينهم، والحمد لله أن بعض الصحف نشرت صورا له وهو يلتقي بالوزراء والمسؤولين مكنتنا من التعرف عليه في المواقع المختلفة. الدكتور سوني لي رجل أعمال معروف وهو الرئيس التنفيذي لمجموعة الشركة الأمريكية العالمية الكبرى للتنمية، وعضو قيادي في نادي روتاري نيويورك، وعضو في كثير من الهيئات القيادية للحزب الجمهوري، ومن الممولين الدائمين لأنشطة الجمهوريين. المكان الوحيد الذي وجدت فيه أن له علاقة باسم الكونقرس هو أنه عضو قيادي في اللوبي الداعم للنواب الجمهوريين في الكونقرس، ونال بعض الشهادات التقديرية لدوره ذلك.

لو كانت لدينا وزارة خارجية تقوم بالحد الأدنى من واجباتها ومهمتها ، لحرصت على التأكد من معلومات الشخصيات الأجنبية الزائرة وتجهيز المقابلات او الاستقبالات اللائقة بهم. ولو كانت مكاتب المسؤولين تقوم بواجباتها، غير السعيى لتوفير الطلبات الخاصة واللحمة والخضار لمنزل المسؤول، لعرفت ان عليها جمع معلومات عن كل من سيقابل هذا المسؤول.
سنظل نتساءل، حتى نحصل على إجابة: من نظم زيارة الرجل؟ وهل اتصل بالسفارة السودانية في واشنطون؟ وهل للسفارة الامريكية في الخرطوم على بهذه الزيارة؟ وعلى أي أساس يقابل المسؤولون الضيوف الأجانب )). فيصل محمد صالح / عازه دوت نت

نجوم كرة "الكضم"
أو فلنقل "كُضُم كُضُم"
المحترفون
المطرودون من السوق الصغير في مدني
والشالوا جوز "الموية" ماشين كمبالا "سيتي"
واحدة واحدة بس بالصبر

» دعوة....ياضيفنا لو زرتنا لوجدتنا نحن الضيوف ونحن أصحاب المنزل
» مبروك حكام الحصاحيصا القوميين
» التحية لشباب ورجال وطفال الحي الاوسط فى نفيرهم بالمسجد العتيق
» أعمال الطلاء تشكل خطورة على الحامل
» سجم أم المغتربين والرماد في خشم الراجيهم أكان دفعوهم بدلات حكام البلد "أما دي فجوة دي"