دروب العشق
كلمات / راشد يس
الليل يلملم فى النــــــجوم
والجفن اعياهو الســــــهر
كمين بيغرق فى الــــغرام
والكل يقول سابل الســـــتر
الناس بتعرف كيــــف تحب
بس لسة ما عرفت صــــبر
مسكينة تكابد فى العــــذاب
شايفة النجوم عز الضــــهر
الشوق مشتت فى اللــــحاف
واللهفة توقد زى جـــــمر
والعشق على كل حـــــال
فى كل الامور احلاهو مـــر
والعاشق ما بعرف يــــنوم
انفاسو فى كل ثانية بتــــكر
راقد مكهرب فى الســــرير
ممكون طال بيهو الســــهر
وداك يغالب فى الدمــــوع
مسكين خاطرو انـــــكسر
وكم كتير شـــــان الهوى
عبد طريقــــــــو للقبر
وكم كتير شان الهـــــوى
مجنون ماسح كــــم سطر
سكير معربد فى الغــــرام
درويش عرق وشــــو يخر
والعاقل يــــتاتى فى القليب
قبـــــال يصل حالة الخطر
ولسة فى دروب العــــشق
حاجات كتـــيره مشروره شر
ناس بتحصد فى الـــــهموم
وناس بتحًرَق عِــــز المطر
وناس تناجــــي فى النجوم
وناس شتاها قالباهو حـــــر
آهات هنا وخفقات هـــــناك
والحاله ابداً ما بتـــــــسر
وياما فى دروب العــــــشق
ناس كتييره تصــــــل القبر
موضوع: دروب العشق 
الثلاثاء 10 يونيو 2014 - 10:00
