... بعد الرحيل ...

www.youtube.com/watch?v=eaEb5bAfnjU

...

.. ( الديناصورات ) .. هل تذكرون الفنان عمر الشريف .. المشهور بلقب ود الكابتن ..

.

... مطلوب مساعدة فنية لتحرير المادة ..

شكرا ترو...شكرا صداح
علي الرجوع بنا الي الزمن الجميل والكلام الاصيل
والمعلومة القيمة..

ياتروو مان ياخي انت نسيت البوست دا ولا شنو ؟؟
ومنتظرين عودتك

يا ترو والله انت اقدم من بكري عثمان حمد
الفنان دا قلعتو من وين
دا واحد من فنانين ظلمتهم الاذاعة وكتلت اغانيهم التي تقدم (ساعة العواسة) هو و معاهو الفنان صالح سعد والرحمة مكي والهاوي حسن سليمان ومحجوب عثمان
المطرب عمر الشريف من ابناء رفاعة واسمه عمر يوسف شريف وعرف بودالكبتن لان والده اول ملازم سوداني في الجيش المصري عمل استاذ برفاعة المدارس الصغري (الصبقريد) حريجي رابعة وسطي يعملون معلمين في المدارس الصغري اقل من الاولية واخوانه علي وعثمان موجودين برفاعة .
كان من المتأثرين بعبدالكريم الكابلي وغني في الاذاعة قبل الكابلي وحتي هو من اول من سجل اغنية مروي بصوته وهي من الجان وكلمات الكابلي الذي لم يحترف الغناء وكان بتاع قعدات وله عدة اغاني منها كلمات والحان الكابلي اغنية سامريني. والدته من آل معني بام درمان التي رحل اليها وعمل بالغناء في الحفلات حتي تنوفي عن عمر 60 سنة قبل عشرة اعوام

اها يا ترو داير ليك معلومة اكثر من دي

العالم دي عايشة من زمن سيدنا نوح ولا شنو

عبدالمنعم ترتورة كتب:: العالم دي عايشة من زمن سيدنا نوح ولا شنو

نوح ولد هيثم؟

وأكيد ناس اقدم من الكِسّرة
والله أقول ليك
من زمن حفروا البحر

... صداح

........ شكرا لتحرير المادة ....

"محمد امام رحمه"]شكرا
علي الرجوع بنا الي الزمن الجميل والكلام الاصيل
والمعلومة القيمة.

...

.. ود امام

.. هدف المنتديات هو التوثيق .. وربط الاجيال ... بماضيهم ...

المحبوب أحمد الأمين"

ياتروو مان ياخي انت نسيت البوست دا ولا شنو ؟؟
ومنتظرين عودتك

......

... سلام يا المحبوب

.. كيف انسي .. بس الفقرة 8 .. تقول ... نهاية الاسبوع .. يوم ( خالي ) .. من استخدام الجوال والنت ...

راجعين

"حسن وراق حسن يا ترو والله انت اقدم من بكري عثمان حمد
الفنان دا قلعتو من وين
دا واحد من فنانين ظلمتهم الاذاعة وكتلت اغانيهم التي تقدم (ساعة العواسة)

....

.. يا استاذ وراق ...

.. . الفنان عمر الشريف .. ( نديم ) .. الكابلي .. من الاصوات ( المنسية ) ... واحدي الشهب التي لمعت و انطفات سريعا .. انطفأ قبل الاوان .. كعمر احمد ... صاحب كان بدري عليك .. ولقبه ود ( الكابتن ) نظرا لان والده كان ( نقيب ) .. اخوه مهدي الشريف وهو ثاني نائب عام لعموم السودان ... الكابلي كان زاهدا في الفن .. والظهور العلني .. ويكتفي بجلسات الانس والسمر .. وكابلي .. دخل الاذاعة كملحن .. وكان عضو في اجازة الاصوات الغنائية علي مستوي اللحن ... حتي عندما لحن الكابلي قصيدة ( اسيا وافريقيا ) .. لتاج السر الحسن .. بمناسبة زيارة جمال عبدالناصر اداها في البروفات .. عمر الشريف ... وكان يفترض ان يغنيها .. عمر الشريف ... لو تتدخل ابوعاقلة يوسف .. وطلبه من الكابلي ان يؤديها .. بدلا من عمر الشريف ... رفض الكابلي بشده .. ولكن ابوعاقلة يوسف اصر عليه بشده ... واعتبرها مناسبة كبيرة ليتعرف الناس علي كابلي .... وكان ده اول ظهور علني لعبدالكريم الكابلي للجمهور ..

... و عن .. لماذا ترك عمر الشريف عالم الغناء .... للحديث بقية ..

.....

.. وبعدين ياوراق .. كيف انا وبكري في راحلة واحدة ... نحنا اولاد متين ... الوقت داك .. الحصاحيصا فيها ... (كرة قدم ) .. واحدة .. يملكها المشاغب .. ( حسن النيل ) ... و عندما انهزم فريقه .. في حادثه شهيرة .... شال الكورة وخرج .... و ( حير الناس ) ....

... وبعدين .. انا خرجت من الحصاحيصا .. و تركت .. (الجعيلي ) .. متوسط دفاع الهلال ... واستوبر المريخ .. ( الدوود ) ... والدوود من الشهب التي انطفأت سريعا ...

عبدالمنعم ترتورة"وأكيد ناس اقدم من الكِسّرة
والله أقول ليك
من زمن حفروا البحر

....

.... الفيصل في الكلام ده .. شهادات ممهورة بتوقيع المرحوم ( تاج الدين احيمر ) ... كدي اسأل وراق .. عن طبيعة .. عمل ... تاج الدين احيمر ... والتي تجعلة قاض .... يفصل بين زمن الكسرة .. و من الحفرو البحر ...

...

.. المقام هنا .. للاصوات المنسية ...

.. ومن استعجلو الرحيل باكرا ... محمد الحويج

.. شكل مع السني الضوي وابراهيم ابو ديه ( ثلاثي العاصمة ) .. وبعد رحيله اصبح .. ثنائي العاصمة ..

.. اسمعوه .. يغني لعبد المنعم عبدالحي .... ميين احلي من حبييتي مين ..

... ومن الاصوات المنسية ..

.. الامين علي سليمان ... صاحب اغنية .. جرحي والامي ..

.. يا استاذ ورقة ..

..

..

... اولاد بري

.. حاج خضر وحميده ... يالهواكم بقي لي جريمة ..

..

..

. اهديك ياورقة .. واحد من الاصوات المنسية والذي رحل في صمت ... احمد ربشه ... هذا اليمني .. الصومالي ...اتي الي السودان في سبعينات القرن ..واصبح سوداني الهوي .. وعشق السودان واهله ..

.. شفت السودان ده جميل كيف ..

..

..

True كتب:: ..

... اولاد بري

.. حاج خضر وحميده ... يالهواكم بقي لي جريمة ..

..

يا ترو
سلامات يا رجال
غايتو خايف عليك تقوم تلدغ وانت تفتش في الشكن
بمناسبة ثنائي بري هاك ما تبقي من ثنائي اعتقد انه
[img] ... بعد الرحيل ... 15zig7c

[/img]
عمك حاج خضر فردة ثنائي بري
وعلي فكرة غني في زواج البوردابي فضل كرار وهو قطع شك من المعجبين واحسن زول يكلمك عن ثنائ بري

...

.. يالله عليك يا استاذ ورقه ..

قبل ما استعرض الصورة .. استغربت .. لما قلت عمك حاج خضر غني في زواج البوردابي ( فضل كرار ) ... قلت ياربي .. ورقه ده .. يكون غلطان ... يمكن يقصد .. علي كرار .. عوض كرار ... او حتي .. هاشم كرار ....

تجدني لك شاكر

...

.. مشكلتنا .. ياورقه التوثيق .. وغياب المعلومة .. خليك من حفظ وتدوين تاريخ المبدعين .... حتي تاريخنا السياسي .. موجود في صدرور الرجال .. من ( ود تورشين ) .. الي التاريخ الحديث و كثير من ( الاسرار ) .. ذهبت مع اصحابها الي القبر ...

.. وليك .. ياورقة ... هدية خاصة جدا

.. الفنان .. بهاء الدين عبدالرحمن ابوشله ... صاحب ..( القبلي شال يا منكرين ) ... ايام مايو .. و .. دابو تمرنا جبد وشال ...

... اسمعة في اغنية مهما امري يهون عليك .... وهذه الاغنية تغني بها مصطفي سيداحمد ...

.. بالله تامل هذا الهدوء وعذوبة الصوت وطلاوته ... ولاحظ تعدد صوته كانه خليط من صالح الضي والطيب عبدالله

...

شكرن يا ترو
ع الهدية الثمينة ، فعلا صوت لا يسبب عسرا في الاستماع وداخل في حوش صالح الضي والطيب عبدالله بأمتار كثيرة بشكل لا يمكن فرز الانصبة
التوثيق يحتاج لذوق قبل حرفية ومهنية الكتابة
جميل ان تبدأ يا ترو في ترقية الذوق عبر إختيارك الموفق
تسلم

...

.. في ذكري رحيل .. محمد عوض الكريم القرشي .. الذي يصادف يوم .. 29/6

.. صالون و مجلس هذا الرجل الخرافى .. و داره كانت .. مركزا فنيا وثقافيا ... واعلاميا مهما فى تلك الحقبه....حيث يجتمع فى داره كل نجوم المجتمع .. فكانت داره محجه..ومقصد..ومعلم..

.. و من التسجيلات النادرة بصوت .. ود القرشي

.. عشقتو من نظره وهو قلبو خالي
.. كيف الطريقة البيها يكون وصالي ...

مدرسة ودالقرشي قمة في التطريب أضاف ليها الشفيع بعدا اكمل النص مع اللحن مع الاداء الراقي الذي شنف الآذان
شكرن ترو واسمح لي اهداء هذا العمل الي الاخوان الذين شكلوا اول رابطة للمعجبين بالفنان الشفيع و ودالقرشي علي نطاق السودان ومنهم بدأت روابط المعجبين ببقية الفنانين المطربين اهداء الي الاستاذ الفاتح الكوري والاستاذ هاشم بندي والاستاذ محمد رملي ومولانا يوسف مصطفي حسن وسيف محمد حسن والمرحوم كمال محمد الحسن علي موسي والمطرب الصادق احمد ابوكبون

...

.. اليوم 4 /7

.. ذكري .. ( اغتيال ) .. الفنان الموهوب .. وليم اندريا ... ( .. الام سليلة امهرا .. والوالد من قلب اثينا ) ..

.. رحل في عمر الزهور .. عن .. ( 25 ) عام .. ..

.. حياة قصيرة .. ولكنها حافلة بالابداع والفن .. والانجازات ...

.. هذا الغزال الاسمر .. متعدد المواهب .. لاعب كرة سلة - لاعب كرة قدم - فنان - رسام ..

.. رغم عمرة القصير ..فان .. تاريخه حافل ..

.. مثل السودان ضمن المنتخب القومي للسلة وعمره لم يتجاوز ... ( 17 ) .. عام ..

.. قاد السودان للفوز بالبطولة العربية للسلة عام 1975 ..

.. نال لقب نجم البطولة العربية ...

.. تم اختياره ضمن منتخب افريقيا ..

.. نال وسام الرياضة من الدرجة الاولي ..

.. خريج معهد الموسيقي والمسرح ..

.. مؤسس فرقه .. ( البلوستارز ) ..

.. كل هذه الانجازات .. وعمره لم يتجاوز .. (25 ) .. عام ..

.. هل سمعتم بتكريم .. او لسيرة لهذا .. المبدع .. ولكنه .. التغييب المتعمد ..

...

كفاية مزاح وخلي الليل يكون صباح
بدور ارتاح
واضمد في فؤادي جراح
وافرح بيك زي يوم داك
اعوض بيك شبابي الراح
بدور ارتاح
وانسى الدموع والهم
ومن نظراتك اتعلم
اجمل كلام واحلى نغم
تعيش يا حبيبي لي تسلم

» قبل الرحيل
» الرحيل
» بعد الرحيل
» الرحيل في الليل
» الرحيل...محجوب شريف