هذه القصيدة كتبتها قبل ثلاثة سنوات بمناسبة ميلاد ابني يس
حباب يس
كلمات : راشد يس(ابويس)
مرحب حباب ســــــــــــيد الفهم والعرفة
أهلا حباب مطر الخريــــــــــــف الطرفة
مرحب حباب خاتـي النفــــــــــاق والخفة
هاشي وباشي فوق ضيفانو هايـج وكفي
معروف بالكرم صـــــولة الرجال والعفة
مسامح ديمة في عدوه ما بتشــــــــــفي
فارساً بي نارو بنــــــــــــات الفريق تدفا
صقراً يخطـــــــــــــف صيد الخلا بي خفة
زولاً مسرع في مشيـــــــــــــــهو ما بتقفا
الخيل الأصيــــــــــــــل معروفة وكت اللفة
؛؛؛؛؛؛؛؛؛؛؛؛؛
عارفنك همام مجالســــــة الحريم ما هولك
موفور عرض تحلـــــــف تقيف علي طولك
عاشقاك الخلق والمابيـــــــــك اصبح زولك
طيبة وكرم وللضــــــــــــيف بتضبح شولك
؛؛؛؛؛؛؛؛؛؛؛؛؛
يا ود القبايل سبحــــــــــــــــــان من سواك
رفاعة وكواهلة مجتـــــــــــــمعة في محياك
دراية وعلم والراي الســــــــــــــــديد والاك
الناس عموم تتمني تلقي رضـــــــــــــــــاك
؛؛؛؛؛؛؛؛؛؛؛؛؛
الأسد الزأر شق صــــــــــــــــــــــمت الغابة
الرعد الرزم حرك ســــــــــــــــحابتو الجابا
شيال التقيلة الهينـــــــــــــــــــة ما برضابا
مشكور طبع بين البــــــــــــــــــدو وأعرابا
فارس الهجعة في راســـــــو شادي عصابه
وان درت الاصل شــــــــوف العرب وانسابا
ان دق النحاس والخـــــــــــــيل جات تتشابا
تلقاهو يقوقي طربان عشــــــــــــــقو حرابا
؛؛؛؛؛؛؛؛؛؛؛؛؛
الفارس اللزوم بي دم الرجـــــــــــال مجرتق
قطاع للرؤوس بي ســــــــــــيفو ديمه يفرتق
صابر دوام بي ريـــــــــــــــــحة الدموم متعتق
قلام للفقر قبال شـــــــــــــــــــــــــــرورا تبتق
؛؛؛؛؛؛؛؛؛؛؛؛؛
يس عشا البايتات نار الفتن اطفيـــــــــــــــها
ما بتشوف كيف ســــــــــــــــودانا واقع فيها
بالحكمة لو بالســــــــــــيف زازيها لا تخليها
ان قالوا الدواس اقطـــــــــــع الرقاب واسيها
؛؛؛؛؛؛؛؛؛؛؛؛؛
يس حــــــــــــــــــــــبابك راجيك ابوك بالفال
دايرنك فحل عُقبن تصُــــــــــــــــــــلح الحال
ما مختوت للبـــــــــــــــــــس الحرير والمال
ان بسم الزمن وزاد عمـــــــــــــــــرنا وطال
بدورك غضنفر تتلـــــــــــــــــــــبب الأهوال
موضوع: حباب يس سيد الفهم والعرفة 
الأربعاء 18 يونيو 2014 - 11:03
