جميلات كاس العالم 2014(ممنوع دخول أقل من 18 سنة)

تعليقات جميلة اجبرتني على الضحك
بس انا معجب بالسودانيات كدي الواحد يطلع قريب الساعة خمسة ويشوف الغزلان دي بتطلع كيف رهاااااااااااااااااااااااااف ونضاااااااااااااااااااااااااااف تخاف عليهن من الهواء الطائر صفار وسمار وخدار والنظر ودار
عبدالمنعم نحن بلحنا طااااااااااااااااااااااعم بس دايرليهو نفضة من الغبار زي بلح السوق العربي المتمر وشوف تاني كان تعاين فى الجيران

ناس الحقيبة لمن قطعوا القصايد في بنات السودان ماكانوا شايفين غيرهم ولو شافوا الشفناهو متل الصور الفاتت ما كان قالوا ولا قصيده، قال بلح بلدنا، نحن بلحنا ناشف ومكرمش وماعندو طعم، وازيدك من الشعر بيت كمان مدباسات فينا حتى يوم القيامة، لو الواحد دخل الجنة، وكان دخل النار يكون ريح رقبتو

عشان كدا الله ريحنا منهن .. مضحين عشان بنات الحور وطبعا بنات الحور وارد الريو و كراكاس وما تقول لي ناس دخلوها وصقيرا حام ديل في الجنة شغالات (بات ومان) نظام حنانات وكشح الوسخ وتظبيط الحفرة وشد السلك وغسل الدلق.
يا ترو .. ناس الحقيبة اتخدعو كانوا بقطعوا القصائد وهم مشعشعين (يتواري لي لمحان) ما بشفوا البت لانها مدياهم ضهرا في حضور الحفلات واصدق واحد من المحدثين القدماء غني طه حمدتو (شفتو كان في توب حدادو وكل مشاعري عليهو نادو) .. ولو حضرو بنات الريو كان بي وشيهم زهللو ولحقو ابراهيم عبدالجليل لامن شاف ام كلثوم كوكب الشرق وجها لوجه

جميلات كاس العالم 2014(ممنوع دخول أقل من 18 سنة) - صفحة 2 Images?q=tbn:ANd9GcR5vdvivV94NKUJntzqvkXpK1Yn47-2EojlmhuealED5V6ErOr_

تصوموا تفطروا على خير !

عاطف اسماعيل كتب:: تصوموا تفطروا على خير !

يا عاطف الله انت بتخافو فينا
دي جهجهة عجيبة حالتا من الجزائر
دي تفطر مسلمي البوسنة والهرسك وما جاورهم
وناس السودان يقولوا ليك سخانة يا غانا وحريقة يا كوبا
مع تحياتي لاحلام مستغانمي

يا أبو التر ويا ورقة ويا المتداخلين كلكم

ياخي عليكم الله ما تجيبوا لينا الهوا من قرونو

انتو قايلين مافي قانون نظام عام والا شنو؟؟

واللا فاكرين مريم يحي برؤها وخلاص !!!

توقعو قريباً قانون او لائحة تنظيم : مشاهدة (الجمال) !!

ومن ناحية تانية دا بدخلك يا ترتورة في مشاكل مع (بنات البلد) و ما تعمل لي حريف وتقول لي بنحب من بلدنا .......

وياترتورة ماتكابر ساكت السمح سمح والجمال جمال !!!

واصدق واشجع المتداخلين ـــ حتي الأن ـــ حسن وراق الذي قال : ياليتني كنت برازيلياً !!

والحمد لله الما قال ليك أخر : ياليتني كنت ترابًا

ياعثمان بنحب من بلدنا دي نظام تمويه

الدنيا رمضان يا بشر

يامسلمين

يا صائميين

حبيبنا ترتوره ، وها انت تغوص فى الغياهب وتاتينا باوجه الحسن والحسان ، ولو لا اننا فى رمضان لكان تعليقى مفطر ولو بالكلمات ، ويا ترتوره رغم الطقس والاجواء المناخيه ومدى تاثيرها فى سحنة الانسان تظل بنت بلدى هى GENUINE بمعايير الجمال .. نعم تقاطيع وتقاسيم ربانيه لا غبار عليها وامثال هؤلاء ما من بلدنا ولا بقدرن على تعبنا وشقانا وسخانة بلدنا !!ونهاية المطاف السمح سمح لو زرعوه عيش اقوم قمح ...واللهم انى صائم .وانت انتقيت وبهذا نكون قد شاهدنا كاس العالم دون اشتراك...

وها انتم بتعليقاتكم الجميله خليتوا الواحد يضحك وايتسم كانوا فاطى سطر ، وحبيبنا ترنوره اشوفك حركت المجموعه كلها والناس الكانت نائمه فركت عيونها وهاك جنس بحلقه !! واؤكد ليك انه هذه الصفحه حنكون مزار لفتره رغم الصيام ونسال الله ان يتقبل منا ويمحو هفواتنا البريئه...

الأعزاء الفاتح الخير وعثمان الضو، تحياتي لكم ورمضان كريم عليكم وعلى كافة أهل السودان وإنشاء الله رمضان الجاي نصوم ونحن نتنسم عبير الحرية والديمقراطية والرفاهية والعز زي ما كنا زمان، الكل يعرف أن لرمضان خصوصية وهو شهر للعبادة، لكن هذا البوست عندما نشرته كان يوم 19.6.2014 وفي هذا الوقت لم يكن رمضان قد حل بعد، وما ذنبي عندما طالعه البعض متأخراً وفي رمضان، وبعدين الجمال محبوب ومشكور من الكل، وإنشاء الله تكون النية سليمة

» اللجنة ، ممنوع دخول النساء والذين لا يدينون بدين الحق!!
» شاهدوا اهداف كاس العالم 2014
» خاااااااااااااص للاخوه المغتربين ( ممنوع دخول الدميعاتن قريبه )
» لماذا يبكي الرجل عفوا ممنوع دخول النساء
» قرعة نهائيات كاس العالم بالبرازيل 2014