امثال شعبية سودانية 100%

الخيل تجقلب والشكر لي حماد

الـــجفلـــن خــلهـن اقـــرع الواقـــفـــــــــات

دسكو بالله مع الشرح من اسي عشان ماتهبلو بي انت وصفوان واقعد اسل دي شنو ودي يعني شنو

العرجا لي مراحا

الجني خال والبت عمة

الاخت emo

انا بشرح ليك لانه دسكو دا الايام دي معزوووور وماسكاهو اُم برد ,, بس ما تقولي لي اُم برد دي شنو بالعربي كدا مُورود يعني عنده حُمي من التلاتات الوقعت فيهم دي

نبدا بالمثل الاول :
الخير تجقلب والشكر لي حماد
دي زي تسجيل الماسوره وارغو في المريخ بي 3 مليون دولار وبدل ما يهتفو ليه بقوا يهتفوا لإيفوسا لانهم متكيفين من قونه (الوالي دقس ـــ إيفوسا كبس ) ملاحظين برضو الرقم 3 جا خاشي والله نحن احترنا مع الوصيفاب ديل وسر الرقم 3 حتي دفعهم بـــ3 الله يجازي الكان السبب

نــــــــواصل يا emo

الجفلن خلهن اقرع الواقفات

دي طبعاً واااضحة ما دايره درس عصر
بقصد الجفلن يعني الراحن خليهم احرس الفضل
ودا طبعا هنا بقصد انه بالهم بعد كدا بكون في كاس السودان لانه الدوري بطولة الدوري الممتاز وكاس رابطة الابطال الافريقية ديل خلاص موضوعهم اتحسم وطارو منهم ( جفلن منهم)
الشوفو موضوع كاس السودان كان ما يجفل هو كمان منهم
كل الــــــــــــود

نـــــــــــــــــواصل

العرجا لي مراحا

طبعا دي واضحة العرجا بقصدو بيها البهيمه لمن بتكون بتعرج مهما مشت وسرحت بعيد ما بتروح بتجي راجعه لي المراح حقها والمراح دا باقي القطيع بتاع الحمام اقصد الغنم

يعني هم طارو من دوري الابطال بجو راجعين لبطولة الحمام الميت دوري الكونفدرالية لانه الابطال صعب المنال ودا خصيص للكبار لا وجود لانصاف الفرق في هذة البطولة الكبري علي مستوي القارة السمراء

انشاء الله تكوني فهمتي حاجة
كل الود
وكلنا حصاحيصا

طبعا ياجماعه حافظ مالقي ليه طريقه اهزئء فيها المريخ الا انتهزها
مبالغه معليش يامريخاب انا ودسكو اديناه فرصه
لكن انت يادسكو انت صحي شنو الامثال المنطبقه علي المريخ دي شوف ليك امثال ماعندها اي علاقه بالتلاته
والله ماقصدي يادسكو التلاته كور دي جات صدفه
ابن الوز عوام

اشرح لي المثل دا ياحافظ

حمام بلدنا ولا وزين الناس

رايك شنو يا محمد كمال السر فى الحمام الميت دا عدهم كم ؟؟؟

الرماد كال حماد
المثل مشاركة للزميل ديسكو
والشرح للاخ حافط
اها جاتك مقشرة..ياولدنا..زى قون النسيب
ويا استاذة
فى توب خطير نزل الاسواق اسمو باص النسيب
نظام قشرات وكده.
ماتقولى حماد ده منو..سيأتيك حافظ بالاجابة.

دحن يا منعم حماد دا ما ياهو بتاع فداسي

اشرح لي المثل دا ياحافظ

بنفخ في قربه مقدوده



اشرحي يا emo دا طبعا مسكين بكون جاهو اب عديلات من كترة النفخ الله يكون في عونه

قال صــــــفوه قااااااااااااال
كل الـــــود

يامحمد مثلك بقول واحد بس شغلتوا طباااااااااااااااااااااااااااااخ .....
والتانى منتظر بلهفة .........
ياكلها .......
ياكل شنو .......
دورى الابطال !!!!!!
شكرا على المثل ......

هاك يامنصورى المثل دا ...
المى حاااااااار ....... ولا لعب قعونج !!!!!!!

الهلالاب ماعندهم عشره (مثل جديد)

كلو عند العرب صابون

دي الليلة بتشرحا كيف ياديسكو,,,الا تجيبا مشفرة

(ميوية ام ركبين وللا الفشخارة بت جيمس) مثل دنقلاوي,,,
وميوية-تنطق بميم مفتوحة وياء غير مشددة- ليس تصغير او دلع لاسم(مي)ولكن هي من بنات الدناقلة وعوييييييييرة وشينة لمن حمضانة واسوأ مافي الموضوع رجلينا رقااق وركبتينا ماتفرزن من كرعين العنقريب الضارباهو المطرة وكان ان تصادف في زمن الانجليز وجود بت الضابط بتاع المركز(جيمس)لكنها بوبارة لمن غلط والاهالي كرهانينها هي وابوها قامت جابت ليها كضب فبركت ليها حكاية انو العمدة كان عايز يعرسها انا نسيت اقول انها جميلة جدا بس نخناخة يعني عندها خنف في الانف بالاضافة لي البوبار..ٍ ناس القرية طلعوا فيها المثل راضين بي بتهم المعشكبة احسن ليهم من بت جيمس....

الرشيد حبيب الله التوم كتب:

hafiz ahmed كتب:

بنفخ في قربه مقدوده



اشرحي يا emo دا طبعا مسكين بكون جاهو اب عديلات من كترة النفخ الله يكون في عونه

قال صــــــفوه قااااااااااااال

يا حافظ..
هاك العيديه دي و المثل المريخابي ده..

،،،،، البشجع الهلال عائش في الضلال..

و دمت

كل الـــــود

يا الرشيد عيدتك مقبولة وبنردعليك باحسن منها

الفيك بدر بيهو

وتسلم يا غالي
كـــل الــــود
وكــــلنا حصـــاحيصــــا

لحق امات طه
طبعا المثل ده مفصل
على وحدين اخوانا
بالله يا استاذة لو عايزة شرح ادينا خبر