احلي رساله جاتك لحدي اسي في العيد

تعالو نكتب هنا احلي رساله جاتنا في العيد
انا احلي رساله جاتني ضحكتني شديد
(عزيزي المشترك.............
نود ان نزكرك بموعد استحمامك السنوي
نسبه لقرب العيد
شكرا لاشتراكك في خدمه حممنني السنويه
وكل عام وانت مستحمي )
وكل سنه وانتو طيبين ياحصاحيصاب

عفواليس لدي عيد لاني لي اخوه في فلسطين والعراق ليس لديهم عيد

يا إيمو..
عيد سعيد عليك و علينا..
أعمل ليك العكس.. أنا كتبت عيديه و أرسلتها لصديقي و قريبي الفاضل/ صهيب السماني حسين الشريف.. و الرساله عاجباني و قلته لازم أعيد بيها عليك و علي باقي الأخوان..

كل سنه و أنت أسعد..
ونحن لك أقرب..
و عن بعدك أبعد..
و للحنين إليك أصدق..

و دمتم..

شكرا اخي الرشيد
وانت كمان اسعد يارب واخلي ليك اولادك الحلوين دول
ومشكور يابن الخال

mohamed kamal ALSIR كتب:

عفواليس لدي عيد لاني لي اخوه في فلسطين والعراق ليس لديهم عيد

شعور جميل منك يابطل المنتدا لكن انا مقتنعه بحاجه وفي الحقيقي اقنعني بيها الوالد العزيز الغالي علي غلبي ابي حاج خلف الله
( انا كنت اول ايامي في الشغل في المستشفي يومي بجي ببكي من حال العيانين وحاله الفقر والبؤس الحاصله عليهم ابي الغالي كان دائما بخفف علي ولما القاني زعلانه شديد مرات بشاكلني بقول لي انت حتكوني عليهم احن من ربهم الخلقهم دايما بقول لي ربنا ادري بعبادو انتي قدمي قدر مستطاعك لكن ماتعترضي علي امر ربنا و دايما بقول لي ربنا بدي الناس دروس في حياتهم وكل زول وقع ليه درس بس الدروس بتختلف )
الكلام ده معناتو مش انك ماتشعر بمعانات الاخرين الكلام ده بيعني ان انت اشعر بالاخرين لكن خليك واقعي في شعورك واشعر بشي ملموس
انت يامحمد مابتتخيل في السودان في ناس عاملين كيف فلسطين رحمه بالنسبه للناس العندنا هنا
الباقي بتمو ليك بعدين

عــــــــيد سعــــــيد
وكل سنة وانت والجميع بخير
وصلتني الرسالة- ادناه -
رأيكِ فيها شنو ؟
العيد عندي ...
أنكم بالقلب دوماً ..
ترسمون ملامح
الفرح الجميل ..
عيد سعيد .

اخي عاطف كل سنه وانت طيب
بالجد جميله وانتو عندي كده ياناس الحصاحيصا

mohamed kamal ALSIR كتب:

عفواليس لدي عيد لاني لي اخوه في فلسطين والعراق ليس لديهم عيد

اولا. سلامي وتحياتي لاخت emo وكل سنة وانت طيبة.اغرب خبر سمعته وانا قادم من الصلاة العيد في ديار كندا الباردة الرتيبة,ذلك الخبر تناقلته الوكالة السودان للانباء,من القوات شعبنا المسلحةالباسلة وحارس مالنا ودمنا
بانهم ضربوا وقتلوا وشردوا اهلنا البسطاء في المخيمات دارفور وتحديدا في منطقة كورما في يوم عيدهم بدلا من مواساتهم ومساعدتهم,وثم ياتي احدنا ويبكي علي العراق وفلسطين,وذلك لجهله بما جري او يجري في بلده بحكم الة الاعلامية ذات اتجاة الواحد,حسبنا الله ونعم الوكيل.
يا اهلي في دارفور لكم الموت والهلاك من الحكومة جمهورية السودان الديمقراطية ولا عزاء لكم,ولكن عدالة السماءيمهل ولا يهمل.

اخي سليمان كل سنه وانت طيب وعيد سعيد
اشكرك علي المرور الجميل
والله يااخي انا حاقول ليك مقولتي المشهوره طوالي بقولها لناس راشد
( انا ابوي قال لي ماتتكلمي في السياسه )

تحياتى يا ايمو
اجمل رسالة جاتنى فى العيد
(( العشي وبس)))
اى ارضت غرورى
وريتها لكل الناس
في رسالة تمنيتها ولم تصل حتى الان
اذا اتاخرت. عندى رغبة اكتبها براى
مع السلامة

(كل عام وحبل الود بيننا يعشق استمرارية التواصل على مر الزمان وعيدك بيك سعيد فانت عشق مفتوح على بداية لم تاتي)
وتاني واحدة: (نحن لا نرسل لمن نعيش معهم بل نرسل لمن يصعب علينا العيش بدونهم)
اختارو واحدة فيهن,,,

الحقيقة هم رسالتين
الاولي:ـ(يا واهب الانسان اسباب الهدى يا من بحمد العالمين تفردا لى عند بابك دعوة فيها رجاء احشر احبتي تحت عرشك سجدا" ثم اسقهم بيد الحبيب محمد ماءا" هنيئا" سلسبيلا" طبيا" اسعد الله ايامكم وتقبل طاعاتكم وكل عام وانت بخير)
الثانية:ـ(اتمني ان يتحقق كل الممكن وبعض المستحيل كل عام وانتم اجمل ما املك)

اجمل رساله طبعا مابتكون في معناها بتكون من الزول الرسله ليك واجمل رساله جاتني
العيد الجاب الناس لينا ماجابك

محمدكمال السر كتب:

اجمل مافي العيد فتحه باب وقوله حباب ولمه الاحباب اهل وصحاب .كل عام وانتم كما تتمنون

محمد يعني انت النكت البوست ده ليهو سنه

عصام تلودي كتب:

اجمل رساله طبعا مابتكون في معناها بتكون من الزول الرسله ليك واجمل رساله جاتني
العيد الجاب الناس لينا ماجابك

اي والله مفترض اجيكم والشربوت فاتك ياعصام عجيب بدون سكر ويلسع وعجييييييييييييييييب

أجمل رساله أتت أهديها لكم :للدنيا سبع وجوه :فرح
وحزن
وعافيه
ونجاح
وعفو
وإحترام
ومسامحه
رزقكم الله الاولي وأبعد عنكم الثانيه وكساكم بالثالثه وجعل طريقكم الرابعه ومنحكم بفضله الخامسه ولكم مني السادسه وارجو منكم السابعه.كل عام وانتم بألف خير.

Enas Adawi كتب:

اختر خروفك ة واحمله بعناية ملحوظة لاتقم بوضعه فى الشنطة الخلفية للسيارة بل قم بوضعه فى المقعد الامامى بجانبك وتاكد من ربط حزام الامان حفاظا على سلامته كيف لا وهو خروف ب 500 او 600 جنيه شغل له المكيف وغنى له اغنية نانسي عجرم الدنيا حلوة وهيئ له غرفة كبيرة وكرت الجزيرة الرياضية وللتذكير لازم تجهز ليهو حجر شيشة بنكهة البرسيم وكل سنة وانتو طيبين

هههههههههههه ايناس عدوي فعلا احلي رساله

محمد فارس كتب:

أجمل رساله أتت أهديها لكم :للدنيا سبع وجوه :فرح
وحزن
وعافيه
ونجاح
وعفو
وإحترام
ومسامحه
رزقكم الله الاولي وأبعد عنكم الثانيه وكساكم بالثالثه وجعل طريقكم الرابعه ومنحكم بفضله الخامسه ولكم مني السادسه وارجو منكم السابعه.كل عام وانتم بألف خير.

تسلم يامحمد فارس جد جميل بالزات المسامحه دي

انا زعلان يا ايمو شربوتي لازم تخلوهو لي ماراضي

عصام تلودي كتب:

انا زعلان يا ايمو شربوتي لازم تخلوهو لي ماراضي

ياعصام كل سنه وإنته بخير سويته ظاهره مازرته زول وبتفتش في الشربوت أها عندنا رحله بتجي ولا مابتجي.

أحلي رسالة جاتني كانت من زميل لي في المكتب واتخيلو انو مسيحي ...

لست أول المهنئين ولكني أرقهم كلمة واصدقهم مشاعر والطفهم عبارة انتقي أحرفي بكل إتقان ليس لأنني مبدع الكلمة ،،بل لأنني سأوجهها لمن تثنت لأجله الجمل طربالقدومها اليه ،،أهنيئك بمناسبة قدوم العيدالسعيد

ياربى عيد مليان سرور .. فرحه وهناء كل الامانى الفى الخيال تصبح حقيقه وممكنه كل عام وانتم بألف خييير
واول رساله استقبلتهاوجيت جاريه فرحانه لقيتا احفظ مخالفات الذبيح فى كيس محكم لتحمله عربية النفايات تحيات محلية الخرطوم