200الف دولار قيمة كاس مباراة القمة اليوم

افادت الاخبار نهار اليوم ان وحد تنقيذ السدود قد استلمت كاس الذهب الذى سيقدم للفائز فى مباراة اليوم بين الهلال والمريخ بمناسبة دخول كهرباء سد مرورى واكد الاستاذ ابوهريرة حسين ان كاس الذهب بلغت تكلفته 200 الف دولار وتم تصنيعة فى ايطاليا وهو ذهب خالص من عيار 21 وقال ان الفائز فى مباراة اليوم سوف يمتلك الكاس

بالله يا عمار دى سلطة تستحق الاحترام فى حين يموت يوميا الالاف من الجوع والمرض من عدم القدره على دفع قيمته من جراء سياسات الطفيليين ديل . بعدين هى وين القمه ذاتها .وده كله باسم الدين .سلطة تستحق ما عملوا الصحفى العراقى مع بوش وبى واحد قديم ويكون مركوب (لا مؤاخذه)

والله يا عبد الوهاب ده حديث الناس الموجدين هنا فى مرورى الان شنو كاس بما يعادل الستمائة وعشرة مليون
ده غير الجوائز يعنى سد مرورى لمن يدخل كهرباء وغيرو يكون صرفنا عليهو من دعايه وبطولات ما يعمل لينا سد تانى

غايتو الحكايه ما عارفين ماشة وين

الاخوان عمار وعبدالوهاب
تحياتى
ياخوانا المشروع حجمه ضخم جدا جدا ونحن بنشوف 200الف دولار مبلغ ضخم
لاكن لما تقيسه بحجم العمل البيساوى مليار وتسعمائه الف دولار
خالص ودى

يا عبد الوهاب الناس ديل ما عايزين اي زول يقول البغلة في الابريق. هو بس مسألة الكأس و الفلوس الضائعة فيهو؟ ما هو ميزانياتنا كلها ضائعة من 1956م. و الحين ديل كملوا الناقصة بسوق العملة (موش كان عندهم واحد اسمو صلاح عملة؟) و بقية الأسواق الهامشية و البنوك الهلابلا السموها إسلامية (آل إسلامية آل). و ناس مضوي و غيرهم و موش عارف مين.

انا عاوز اخطرف شوية في الموضوع دا يا جماعة.

إيه رأيكم يا جماعة إذا كانوا قالوا نحن كأس الدهب دا ح نعملو كأس نحاس او كأس أي كلام كرمز للكأس و بعدين الفلوس بتاعت الكأس دي نعمل بيها مشروع خيري للصالح الفلاني؟
و أهو الفريقين يتباروا من أجل الهدف النبيل دا.

اصلوا نحنا عندنا مليون مشكلة تحتاج لهذه الالاف من الدولارات و الا رأيكم شنو؟